Karthika Deepam 11 Jan Today Episode : అందరూ ఒకే చోటుకు.. తాడికొండలో ల్యాండ్ అయిన మోనిత, సౌందర్య, ఆనందరావు.. దీపను మోనిత చూస్తుందా?
Authored By Varun G
| The Telugu News |
Published on: January 11, 2022, 2:00 pm
Karthika Deepam 11 Jan Today Episode : కార్తీక దీపం సీరియల్ లేటెస్ట్ ఎపిసోడ్ తాజాగా విడుదలైంది. ఈరోజు 11 జనవరి 2022, మంగళవారం ఎపిసోడ్ 1246 హైలైట్స్ ఏంటో ఇప్పుడు చూద్దాం. సౌందర్య, ఆనందరావు ఇద్దరూ బయలుదేరుతారు. కొన్ని రోజులు ఫ్రశాంతంగా ఉండటం కోసం బయలుదేరుతారు. వాళ్లు వెళ్లడాన్ని మోనిత చూస్తుంది. వాళ్ల కారును ఫాలో చేస్తుంది. వాళ్లు ఎక్కడికి వెళ్తున్నారో కనిపెడుతుంది. మరోవైపు దీప.. ఆనంద్ కోసం పాలు కలుపుతూ ఉంటుంది. ఏరా ఆనంద్.. రాత్రి అయింది ఇక పడుకోవా అని అంటాడు కార్తీక్. వీడు పగలు పడుకుంటాడు.. రాత్రి పూట నిద్రపోడు. కానీ.. వీడు ఎక్కువగా ఏడవడు.. అంటుంది దీప. అవునా.. నువ్వు ఏడవవా.. అంటాడు కార్తీక్. రా అని అనేసరికి.. ఏమండి వాడిని ఏరా అని పిలవకండి. వాడి పేరు మామయ్య పేరే అంటుంది దీప.
karthika deepam 11 january 2022 full episode
వీడి పేరు పెట్టి పిలిచినప్పుడు నీకు మామయ్య గారు గుర్తొస్తున్నారు. నాకు ఆ మోనిత చేసిన పనులన్నీ గుర్తొస్తున్నాయి అని అంటుంది దీప. తర్వాత పాలు తాగిపిస్తాడు కార్తీక్. ఇంత దూరం వచ్చి కూడా మనం మోనితను మరిచిపోకపోతే ఎలా అండి. మనం వచ్చిందే చేదు విషయాలను మరిచిపోవడానికి.. అంటుంది దీప. కానీ.. నా వల్ల కావట్లేదు దీప.. అంటాడు కార్తీక్. మరోవైపు సౌందర్య కారు నడుపుతూ ఉంటుంది. వాళ్ల కారునే ఫాలో అవుతూ ఉంటుంది మోనిత. కార్తీక్, దీప ఎక్కడున్నారో వీళ్లకు తెలిసిందా. అక్కడికే వెళ్తున్నారా అని అనుమానిస్తుంది మోనిత. కార్తీక్, నేను కలవకుండా ఏవైనా కొత్త ఎత్తుగడలు వేశారా అని అనుకుంటుంది మోనిత. మీరు ఎన్ని ప్లాన్స్ వేసినా.. నేను ఒక అడుగు ముందే ఉంటాను అని అనుకుంటుంది మోనిత.
కార్తీక్.. పిల్లాడిని ఊయలలో పడుకోబెట్టి.. ఏదో ఆలోచిస్తూ ఉంటాడు. పిల్లలకు మధ్యాహ్నం భోజనం తీసుకెళ్లారంట కదా. డబ్బులు లేవు కదా ఎలా తీసుకెళ్లారు అంటుంది దీప. డబ్బులు లేవు కానీ.. ప్రేమ బోలెడు ఉంది అంటాడు కార్తీక్. నేను రేపటి నుంచి పొరుగూరిలో వంట చేయడానికి వెళ్తున్నా అని చెబుతుంది దీప.
Karthika Deepam 11 Jan Today Episode : తాడికొండలో ప్రకృతి వైద్యశాలకు వెళ్లిన సౌందర్య, ఆనంద రావు
మీరు ఏదేదో ఆలోచించకండి. మన కష్టాలు తీరుతాయి అని చెబుతుంది దీప. అన్నం వడ్డిస్తుంది కార్తీక్ కు. మరోవైపు రాత్రి నుంచి సౌందర్య.. కారును డ్రైవ్ చేస్తూనే ఉంటుంది. భారతి చెప్పిన ప్రకృతి వైద్యశాల ఇదే అనుకుంటా అని అనుకొని తాడికొండ ఊరికి కారును తీసుకొని వెళ్తుంది. మోనిత కూడా ఆమె కారును ఫాలో అవుతుంది.
అమ్మా.. ఇదంతా ప్రియమణి ప్లానా అని అనుకుంటుంది మోనిత. వస్తున్నా.. నువ్వేంటో.. అసలు సౌందర్య ఆంటి నీ దగ్గరికి ఎందుకు వస్తుందో తెలుస్తుంది. కార్తీక్.. నువ్వు ఎక్కడున్నావు అని అనుకుంటుంది మోనిత. మరోవైపు పిల్లలు స్కూల్ కు రెడీ అవుతుంటారు. రండి.. భోంచేద్దురు అంటాడు కార్తీక్.
మరోవైపు కారులో సౌందర్య.. ప్రకృతి వైద్యశాలకు వెళ్తుంది. మీరు ముందు రెస్ట్ తీసుకోండి.. ఇక్కడ ప్రశాంతంగా ఉండొచ్చు.. మీకు ఇక్కడ ఎలాంటి ఇబ్బంది ఉండదు అని చెబుతారు. వాళ్లనే ఫాలో అవుతూ వస్తుంది మోనిత. వీళ్లు వచ్చింది ఇందుకా.. అని అనుకుంటుంది మోనిత.
అమ్మా.. మమ్మల్ని స్కూల్ కు తీసుకెళ్తావా అని అంటారు పిల్లలు. అమ్మ ఇప్పుడే అలిసిపోయి వచ్చింది కదరా. నేను తీసుకెళ్తాలే అంటాడు కార్తీక్. దీప.. నేను రావడానికి లేట్ అవుతుంది కంగారు పడకు అంటాడు కార్తీక్. పిండి వంటలు అమ్మడానికి దీప.. పిల్లాడిని తీసుకొని బయటికి వెళ్తుంది. అప్పుడే మోనిత కారు ఆపి.. వేరే వాళ్లను కార్తీక్ గురించి వివరాలు అడుగుతూ ఉంటుంది. అప్పుడే బాబు ఏడుస్తుంటాడు. ఎవరు అంటూ వెతుకుతుంది. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.
Also read
