Kaushal : అంద‌రిలా ఆఫ‌ర్స్ కోసం నేను అడుక్కోను.. షాకింగ్ కామెంట్స్ చేసిన కౌశల్
Kaushal: కౌశల్ .. ఈ పేరు బిగ్ బాస్ ప్రేక్ష‌కుల‌కి చాలా సుప‌రిచితం. బిగ్ బాస్ షోలో విజేతగా నిలిచి సక్సెస్ అయిన కౌశల్ ఇప్పుడు వెండితెరపై తన అదృష్టాన్ని పరీక్షించుకునేందుకు సిద్ధమయ్యారు. కౌశల్ ప్రధాన పాత్రలో నటిస్తున్న లేటేస్ట్ చిత్రం అతడు.. ఆమె.. ప్రియుడు. ఈ చిత్రానికి ప్రముఖ రచయిత యండమూరి వీరెంద్రనాథ్ దర్శకత్వం వహించారు. అయితే కౌశల్ ఒక్కోసారి సంచ‌ల‌న కామెంట్స్‌తో హాట్ టాపిక్‌గా నిలుస్తూ ఉంటారు. తన క్రేజ్‌కి తగ్గ రెమ్యునరేషన్ నిర్మాతలు ఇవ్వలేకపోతున్నారని అందుకే సినిమాల్లో నటించడం లేదని చెప్పిన కౌశల్.. ఈసారి అంతకు మించే అనేట్టుగా కీలక వ్యాఖ్యలు చేశారు.బిగ్ బాస్‌కి రాకముందు దాదాపు 86 చిత్రాల్లో నటించాడు కౌశల్. అయితే తన‌కు సినిమాలు పెద్ద‌గా ప్ర‌భావం చూప‌లేద‌ని అన్నాడు.
అయితే డైరెక్టర్, ప్రొడ్యుసర్స్ దగ్గరకు వెళ్లి.. నాకు సినిమా ఛాన్స్ ఇవ్వండి అడగను. నాకు ఎవరైనా ఫోన్ చేసి.. సినిమా ఉందంటే వెళ్లి చేస్తా.. అంతేకాని వేషం ఇవ్వమని అడుక్కోను. కొంతమంది అడుక్కునేవాళ్లు ఉంటారు.. నాది ఆ స్టైల్ కాదు. నా టాలెంట్ చూసి ఛాన్స్ ఇవ్వాలి. సొంతంగా నాకు ప్రొడక్షన్ హౌస్ ఉంది. ప్రతిరోజు షూట్ ఉంటుంది.. ఫ్యాషన్ షోస్ ఉంటాయి.. యాడ్స్ ఉంటాయి.. నేను మల్టీటాలెంట్.. ఎప్పుడూ ఖాళీగా ఉండను.. ఏదోటి చేస్తూనే ఉంటాను. ఎప్పుడూ బిజీగా ఉంటాను అని చెప్పుకొచ్చాడు.నాటకరంగం నుంచి మా నాన్న సినిమాల్లోకి వచ్చినప్పుడు ఎలాంటి కష్టాలు ఎదుర్కొన్నారో నేను చూశాను. అందుకే నాకంటూ కొన్ని డోర్లు ఓపెన్ చేసి పెట్టుకున్నారు..
kaushal comments about his career
ఎవరో డోర్లు తెరుస్తారని ఎదురుచూడను. మా అమ్మకి క్యాన్సర్ అప్పుడు ఫైనాన్సియల్‌గా చాలా ఇబ్బందుల్లో ఉన్నాం. హాస్పటల్‌లో డబ్బులు కోసమే అప్పట్లో నేను ఒక సినిమాకి కమిట్ అయ్యాను. ఆ సినిమాకి రూ.50 వేలు రెమ్యునరేషన్ అన్నారని వెంటనే ఒప్పుకున్నాను. అయితే ఆ సినిమా వల్లే నా కెరియర్ నాశనం అయ్యింది. అది అడల్ట్ మూవీ కావడంతో.. కౌశల్ అడల్ట్ మూవీస్ చేస్తాడనే పేరు వచ్చేసింది. ఆ స్ట్రగుల్ నుంచి బయటపడటానికి చాలా టైం పట్టింది. చక్రవాకం సీరియల్ చేసిన తరువాత నాపై ఉన్న బ్యాడ్ ఒపీనియన్ పోయింది’’ అంటూ చెప్పుకొచ్చాడు కౌశల్.
Also read
