Akira Nandan Tollywood entry : మెగా ఫ్యామిలీ నుంచి మరో కొత్త హీరో ఎప్పుడు వస్తాడా అని అభిమానులు ఎంతో ఆసక్తిగా ఎదురుచూస్తున్నారు. ముఖ్యంగా పవన్ కళ్యాణ్ తన రాజకీయ బాధ్యతల్లో పూర్తిగా నిమగ్నమై ఉన్న ఈ సమయంలో ఆయన వారసుడి ఎంట్రీపై చర్చలు మరింత ఊపందుకున్నాయి. ఆంధ్రప్రదేశ్ రాజకీయాల్లో కీలక పాత్ర పోషిస్తూ పరిపాలన వ్యవహారాల్లో బిజీగా ఉన్న పవన్ కళ్యాణ్ ప్రస్తుతం సినిమాలకు దూరంగా ఉంటున్న విషయం తెలిసిందే. దీంతో ఆయన సినిమాల భవిష్యత్తుపై కూడా అనేక సందేహాలు వ్యక్తమవుతున్నాయి. ఇటీవల పవన్ కళ్యాణ్ నటిస్తున్న ‘ఓజీ’ చిత్రంలో అకీరా నందన్ ప్రత్యేక పాత్రలో కనిపించబోతున్నారనే వార్తలు సోషల్ మీడియాలో వైరల్ అయ్యాయి. అభిమానులను ఉత్సాహపరిచిన ఈ ప్రచారం కొద్ది రోజుల్లోనే వదంతిగా తేలిపోయింది. అధికారికంగా ఎలాంటి ప్రకటన లేకపోవడంతో ఆ వార్తలకు ఫుల్ స్టాప్ పడింది. అయినప్పటికీ  అకీరా ఎంట్రీపై ఆసక్తి మాత్రం తగ్గలేదు.

Akira Nandan Tollywood entry  : అకీరా లుక్, వ్యక్తిత్వం .. ఫ్యాన్స్‌లో భారీ హైప్

అకీరా నందన్ ఇప్పటికే తన ఫిజిక్, లుక్, బాడీ లాంగ్వేజ్‌తో అందరి దృష్టిని ఆకర్షిస్తున్నాడు. ఆరడుగుల ఎత్తు పవన్ కళ్యాణ్‌ను తలపించే మేనరిజమ్స్, ప్రశాంతమైన వ్యక్తిత్వం అభిమానుల్లో ప్రత్యేక ఆకర్షణగా మారాయి. సోషల్ మీడియాలో అతని ఫోటోలు, వీడియోలు ప్రతిసారి వైరల్ అవుతుండటం ఇందుకు నిదర్శనం. అకీరా కేవలం స్టార్ కిడ్‌గా కాకుండా తనకంటూ ఓ ప్రత్యేక గుర్తింపు సంపాదించాలనే లక్ష్యంతో ఉన్నాడని సన్నిహితులు చెబుతున్నారు. అతనిలో కనిపిస్తున్న ఆత్మవిశ్వాసం, సరళమైన స్వభావం, కళలపై ఆసక్తి అయి ఒక భవిష్యత్ హీరోగా అతనిపై అంచనాలు పెంచుతున్నాయి. ముఖ్యంగా యువతలో అకీరాకు మంచి ఫాలోయింగ్ ఏర్పడుతోంది.

Akira Nandan Tollywood entry  : శేఖర్ కమ్ముల డైరెక్షన్‌లో లాంచ్?

ఫిలిం సర్కిల్స్‌లో వినిపిస్తున్న తాజా టాక్ ప్రకారం, అకీరా నందన్‌ను క్లాస్ చిత్రాల దర్శకుడు శేఖర్ కమ్ముల చేతుల మీదుగా లాంచ్ చేయాలనే ఆలోచన జరుగుతోందట. సాధారణంగా మెగా హీరోల ఎంట్రీ అంటే మాస్ యాక్షన్ బ్యాక్‌డ్రాప్‌లో భారీ స్థాయిలో ఉండటం సహజం. కానీ అకీరా విషయంలో మాత్రం భిన్నమైన దారి ఎంచుకునే అవకాశాలు కనిపిస్తున్నాయి. సహజత్వానికి ప్రాధాన్యత ఇచ్చే శేఖర్ కమ్ముల దర్శకత్వంలో అకీరా మొదటి సినిమా ఉంటే అతనిని నటుడిగా నిరూపించుకునే అవకాశం ఎక్కువగా ఉంటుందని భావిస్తున్నారట. ‘హ్యాపీ డేస్’, ‘ఫిదా’, ‘లవ్ స్టోరీ’ వంటి చిత్రాలతో యూత్, ఫ్యామిలీ ప్రేక్షకుల మనసులు గెలుచుకున్న కమ్ముల స్టైల్ అకీరాకు సరిగ్గా సరిపోతుందనే అభిప్రాయం వినిపిస్తోంది. మొదటి సినిమాతోనే సాఫ్ట్, ఎమోషనల్, రియలిస్టిక్ పాత్రలో కనిపిస్తే అతనికి ప్రత్యేకమైన ఇమేజ్ ఏర్పడుతుందనే చర్చ నడుస్తోంది.

Akira Nandan Tollywood entry  : సినిమాలా? సంగీతమా? అకీరా మనసులో ఏముంది?

అకీరా నందన్ భవిష్యత్తుపై మరో ఆసక్తికర అంశం అతని సంగీతాభిరుచి. విదేశాల్లో నటనకు సంబంధించిన శిక్షణ తీసుకున్నాడనే సమాచారం ఉన్నప్పటికీ సంగీత రంగంపైనే అతనికి ఎక్కువ ఆసక్తి ఉందని ప్రచారం జరుగుతోంది. మార్షల్ ఆర్ట్స్‌తో పాటు మ్యూజిక్‌లోనూ శిక్షణ పొందిన అకీరా, కేవలం వారసత్వం ఆధారంగా కాకుండా స్వతంత్రంగా ఎదగాలనే తపనతో ఉన్నాడని తెలిసింది. సినిమాల్లోకి వస్తాడా? లేక సంగీత రంగానికే ప్రాధాన్యత ఇస్తాడా? అన్న ప్రశ్నకు ఇంకా స్పష్టత రాలేదు. అయితే ఒక విషయం మాత్రం ఖాయం అకీరా ఎంట్రీ ఏ రూపంలో జరిగినా అది టాలీవుడ్‌లో ఒక పెద్ద చర్చకు దారితీయడం ఖాయం. అభిమానులు మాత్రం అధికారిక ప్రకటన కోసం ఆసక్తిగా ఎదురుచూస్తున్నారు.