Big Breaking : మార్చి మూడవ తారీకు మంచు మనోజ్ పెళ్లి..!!

Big Breaking : హీరో మంచు మనోజ్ త్వరలో రెండో పెళ్లి చేసుకోబోతున్న సంగతి తెలిసిందే. రాయలసీమ ప్రాంతం రాజకీయ కుటుంబ నేపథ్యం కలిగిన భూమా మౌనికతో గత కొంతకాలంగా మంచు మనోజ్ కలిసి ఉంటూ ఉన్నారు. ఈ క్రమంలో ఇద్దరు చాలా సందర్భాలలో మీడియా ముందుకు కూడా రావడం జరిగింది. అయితే వీరిద్దరూ మార్చి మూడవ తారీకు పెళ్లి చేసుకోవడానికి రెడీ కావడం జరిగిందంట.

కేవలం కొద్ది మంది సమక్షంలో ఈ పెళ్లి జరగనున్నట్లు సమాచారం. 2015 వ సంవత్సరంలో ప్రణతి రెడ్డి అనే అమ్మాయిని.. మంచు మనోజ్ మొదటి పెళ్లి చేసుకోవడం జరిగింది. కొన్నాళ్లు కలిసి ఉండగానే 2019 సంవత్సరంలో వీరిద్దరూ విడాకులు తీసుకున్నారు. ఈ క్రమంలో భూమా మౌనిక రెడ్డితో గత కొంతకాలం నుండి సన్నిహితంగా ఉంటున్నా మనోజ్ మార్చి మూడవ తారీఖున పెళ్లి చేసుకోవడానికి రెడీ కావడం జరిగింది.

ఇప్పటికే ఈ పెళ్లికి సంబంధించిన ఓ ఫంక్షన్ మనోజ్ సోదరి లక్ష్మీప్రసన్న ఇంట్లో జరిగినట్లు వార్తలు వస్తున్నాయి. కొద్ది వారాల క్రితం త్వరలో శుభవార్త అనే హింట్ కూడా మంచు మనోజ్ సోషల్ మీడియాలో పోస్ట్ పెట్టారు. కాగా ఇప్పుడు.. పెళ్లికి రెడీ కావడంతో… ఆ శుభవార్త ఇదే అని అభిమానులు ఫిక్స్ అయిపోతున్నారు. మంచు మనోజ్ 2004వ సంవత్సరంలో “దొంగ దొంగది” సినిమాతో ఎంట్రీ ఇచ్చారు. ఆ తర్వాత చాలా సినిమాలు చేశారు. కానీ 2018 తర్వాత ఆయన నుండి ఎటువంటి సినిమా రాలేదు. “అహం బ్రహ్మాస్మి” అనే ప్రాజెక్ట్ స్టార్ట్ చేసిన అది ఆగిపోయింది.