Mega Family : మెగా ఫ్యామిలీలో మోగ‌నున్న పెళ్లి బాజా.. ఎవ‌రిదో తెలుసా?

Mega Family : సినిమా ప‌రిశ్ర‌మ‌లోని పెద్ద ఫ్యామిలీలో మెగా ఫ్యామిలీ ఒక‌టి. ఆ సినిమా ప‌రిశ్ర‌మ నుండి వచ్చిన హీరోలు అంద‌రు మంచి పేరు ప్ర‌ఖ్యాత‌లు సంపాదించుకున్నారు. అయితే ప్ర‌స్తుతం కెరీర్ ఊపందుకుంటున్న స‌మయంలో కొంద‌రు మెగా హీరోలు పెళ్లికి సిద్ధం అయ్యార‌నే ప్ర‌చారం న‌డుస్తుంది. ఇప్పుడు మెగా ఫ్యామిలీ హీరోల‌లో సాయి ధరమ్ తేజ్, వరుణ్ తేజ్, అల్లు శిరీష్ ఈ ముగ్గురు పెళ్లికి సిద్దంగా ఉన్నారు. సాయి ధరమ్ తేజ్ వరుణ్ తేజ్ పెళ్లి గురించి ఇంట్లో గత కొన్ని నెలలుగా వారి కుటుంబ సభ్యులు ప్రయత్నాలు చేస్తున్నారు.

Mega Family : పెళ్లెప్పుడు..

వరుణ్ తేజ్ పెళ్లి గురించి మెగా బ్రదర్ నాగబాబు ఇటీవల వెల్లడించిన విషయం తెలిసిందే. తన ఇష్టం.. తను ఎప్పుడు ఓకే అంటే అప్పుడే పెళ్లి చేస్తానని ప్రకటించారు. సాయి ధరమ్ తేజ్ మదర్ కూడా గత కొన్ని నెలలుగా తనకు వివాహం చేయాలని ఆలోచిస్తున్నారు. త్వరలో ఈ ఇద్దరు బావ బావ మరుదుల్లో ఎవరు పెళ్లి వార్త చెప్పబోతున్నారన్నది ఆసక్తికరంగా మారింది. ఈ ఇద్దరు ప్రస్తుతం తమ తదుపరి ప్రాజెక్ట్ పనుల్లో బిజీగా వున్నారు. సాయి ధరమ్ తేజ్ ఓ మిస్టిక్ థ్రిల్లర్ లో నటిస్తుండగా వరుణ్ తేజ్ త్వరలో ప్రవీణ్ సత్తారు డైరెక్షన్ లో సినిమా చేయబోతున్నాడు.

ఇక ఈ ఇద్దరి కంటే పెద్దవాడైన అల్లు శిరీష్ పెళ్లి వార్తలు మాత్రం ఇంకా వినిపించడం లేదు. ప్రస్తుతం శిరీష్ `ప్రేమ కాదంట` మూవీలో నటిస్తున్నాడు. అను ఇమ్మానుయేల్ హీరోయిన్ గా నటిస్తోంది. వారిద్ద‌రు ప్రేమ‌లో ఉన్నార‌నే టాక్ కూడా న‌డుస్తుంది. మ‌రి ఈ ముగ్గురు హీరోల‌లో ఎవ‌రు ముందుగా పెళ్లి చేసుకోబోతున్నార‌నేది చ‌ర్చ‌నీయాంశంగా ఉంది. ఇక మెగా ఫ్యామిలీ కాకుండా సందీప్ కిషన్, హీరో రామ్, అడివి శేష్ వంటి వారు కూడా పెళ్లికి సిద్ధంగా ఉన్నార‌ని తెలుస్తుంది.