Monalisa : మోనాలిసా మోస‌పోలేదు.. స్పెష‌ల్ సాంగ్‌తో ఎంట్రీ

Monalisa : మహా కుంభమేళాతో ఒక్కసారిగా ఫేమస్ అయిన అందా భామ‌ మోనాలిసా భోంస్లే. మధ్యప్రదేశ్ లోని ఇండోర్‌కి చెందిన ఆమె కుంభమేళాలో పూసల దండలు అమ్ముతూ యూట్యూబర్లకు కనిపించింది. అంతే ఫొటోలు, వీడియోలు ఆమెని సెల‌బ్రిటీని చేశాయి. నెట్టింట ఎక్కడ చూసిన ఆమె ఫొటోలు, వీడియోలే దర్శనమిచ్చాయి. ఆ తర్వాత మోనాలిసా పేరు దేశ వ్యాప్తంగా మార్మోగింది.

Monalisa : బంప‌ర్ ఆఫ‌ర్..

ఇక ఆమెకి సినిమా ఛాన్స్‌లు ఇస్తాన‌ని కొంద‌రు చెప్పారు. అగ్రిమెంట్ కూడా కుదర్చుకున్నారు. ఇంత‌లోనే డైరెక్టర్ పై సంచలన ఆరోపణలు వచ్చాయి. అతను మోసగాడని, సినిమా అవకాశాల పేరుతో మోనాలిసాను ట్రాప్ చేస్తున్నారని.. డబ్బు కోసం ఆమెను వాడుకుంటున్నారని సంచలన ఆరోపణలు చేశారు. ఆ తర్వాత అతనిపై పోలీస్ కేసులు కూడా నమోదయ్యాయ. దీంతో మోనాలిసా మొదటి సినిమా ఏమైందో ఇప్పటికీ అప్డేట్ లేదు.

Monalisa : మోనాలిసా మోస‌పోలేదు.. స్పెష‌ల్ సాంగ్‌తో ఎంట్రీ

అయితే మోనాలిసా ఓ స్పెషల్ సాంగ్‌లో నటుడు ఉత్కర్ష్ సింగ్‌తో కలిసి నటిస్తున్నారు. ముంబైలో యాక్టింగ్ క్లాసెస్ ద్వారా నైపుణ్యం సంపాదించిన మోనాలీసా అత‌డితో క‌లిసి స్టెప్పులు వేయ‌నుంది. త్వ‌ర‌లో ఈ సాంగ్ యూట్యూబ్‌లో అప్‌లోడ్ చేయ‌నున్నారు. ఇది క‌నుక క్లిక్ అయితే మోనాలిసాకి ఆఫ‌ర్ల వెల్లువ కుర‌వ‌డం ఖాయం.