Nara Brahmani : తండ్రి చూసి వణికిపోయే బాలకృష్ణ ఈ ఒక్క విషయంలో ఎన్టీఆర్ని ఎదిరించారు : నారా బ్రాహ్మణి
Nara Brahmani : విశ్వవిఖ్యాత నటసార్వభౌముడు నందమూరి తారక రామారావు వారసుడిగా సినీ రంగంలోకి అడుగుపెట్టిన నందమూరి బాలకృష్ణ తెలుగు చిత్రసీమలో ప్రత్యేకమైన స్థానం సంపాదించుకున్నారు. నాలుగు దశాబ్దాలుగా అగ్ర కథానాయకుడిగా కొనసాగుతూ తనకంటూ ఓ ప్రత్యేకమైన అభిమాన వర్గాన్ని ఏర్పరుచుకున్నారు. ప్రస్తుతం వరుస విజయాలతో మంచి ఊపులో ఉన్న బాలయ్య, కొత్త కథలతో ప్రేక్షకులను ఆకట్టుకుంటూ ముందుకు సాగుతున్నారు. ప్రస్తుతం దర్శకుడు గోపీచంద్ మలినేని దర్శకత్వంలో తన 111వ చిత్రంలో నటిస్తున్నారు. ఈ సినిమాలో ముంబయి నేపథ్యంలో సాగే మాఫియా డాన్ పాత్రలో కనిపించనున్నారు. ప్రముఖ నటి నయనతార కథానాయికగా నటిస్తున్నట్లు సమాచారం.
Nara Brahmani : తండ్రి చూసి వణికిపోయే బాలకృష్ణ ఈ ఒక్క విషయంలో ఎన్టీఆర్ని ఎదిరించారు : నారా బ్రాహ్మణి
Nara Brahmani : తండ్రి ముందు క్రమశిక్షణే ప్రధానమైంది
బాలకృష్ణ చిన్నప్పటి నుంచి తన తండ్రి ఎన్టీఆర్ పట్ల ఎంతో గౌరవం, భయం కలిగిఉండేవారని కుటుంబ సభ్యులు చెబుతుంటారు. ఆయన ముందు కేవలం బాలయ్య మాత్రమే కాదు, కుటుంబంలోని ఇతరులు కూడా చాలా గౌరవంగా మెలుగుతుండేవారు. ఎన్టీఆర్ కుటుంబంలో క్రమశిక్షణకు ఎంతో ప్రాధాన్యం ఉండేది. ఆయన మాటకు ఎవ్వరూ ఎదురు చెప్పే పరిస్థితి ఉండేది కాదు. కొడుకులైనా, కూతుర్లైనా తండ్రి నిర్ణయాన్ని గౌరవించాల్సిందే అనే విధంగా ఆయన కుటుంబాన్ని తీర్చిదిద్దారు. అయితే అన్నయ్య నందమూరి హరికృష్ణ మాత్రం కొంత ధైర్యంగా తన అభిప్రాయాలను చెప్పగలిగేవారని కుటుంబసభ్యులు గుర్తు చేసుకుంటారు. ఈ క్రమశిక్షణే బాలయ్య వ్యక్తిత్వాన్ని కూడా ప్రభావితం చేసింది.
Nara Brahmani : మెడికల్ చదువు వద్దన్న బాలయ్య నిర్ణయం
బాలకృష్ణ జీవితంలో ఓ ఆసక్తికర సంఘటనను ఆయన కుమార్తె నారా బ్రాహ్మణి ఒక సందర్భంలో వెల్లడించారు. బాలయ్యను డాక్టర్గా చూడాలని ఎన్టీఆర్ ఆశపడ్డారట. అందుకే ఇంటర్మీడియట్లో బైపీసీ గ్రూప్ తీసుకోవాలని సూచించారు. తండ్రి మాటకు గౌరవంగా బాలయ్య ఆ గ్రూప్ తీసుకున్నప్పటికీ, తన మనసు మాత్రం సినిమాలవైపే ఉండేదట. మెడికల్ ఎంట్రన్స్ పరీక్ష కూడా రాశారు కానీ సీటు రాలేదు. చదువుపై ఆసక్తి తగ్గిపోవడంతో చివరకు ధైర్యంగా తండ్రి ముందుకు వెళ్లి తనకు మెడికల్ చదువు వద్దని, సినిమాల్లోకి రావాలనుకుంటున్నానని స్పష్టంగా చెప్పారు. ఆ మాట చెప్పాక అక్కడి నుంచి వెళ్లిపోయారని కుటుంబసభ్యులు చెబుతుంటారు.
Nara Brahmani : ఏడాదికి మూడు సినిమాలు లక్ష్యం
బాలకృష్ణలో ఉన్న సినిమా పట్ల తపనను గుర్తించిన ఎన్టీఆర్ చివరకు ఆయనకు అవకాశమిచ్చారు. చిన్నప్పుడే ‘తాతమ్మ కల’ చిత్రంలో బాలనటుడిగా కనిపించిన బాలయ్య, తర్వాత హీరోగా పరిచయమయ్యారు. అన్నదమ్ముల అనుబంధం చిత్రంతో ఆయన వెండితెరపై కథానాయకుడిగా ప్రేక్షకులకు దగ్గరయ్యారు. 1975లో విడుదలైన ఈ సినిమా ఆయన కెరీర్కు మంచి ఆరంభమైంది. ఆ తర్వాత బాలయ్య వెనుదిరిగి చూసుకోవాల్సిన అవసరం రాలేదు. దశాబ్దాలుగా అగ్రహీరోగా కొనసాగుతున్న బాలకృష్ణ ఇప్పటికీ యువ హీరోలకు తగ్గట్టే జోరుగా సినిమాలు చేస్తున్నారు. కొత్త కథలు, విభిన్న పాత్రలతో ప్రేక్షకులను ఆకట్టుకుంటూ తన సత్తా చాటుతున్నారు. ప్రస్తుతం సంవత్సరానికి కనీసం మూడు సినిమాలు విడుదల చేయాలనే లక్ష్యంతో ఆయన ముందుకు సాగుతున్నారని సినీ వర్గాలు చెబుతున్నాయి. అభిమానుల ఆశలను దృష్టిలో ఉంచుకుని మరిన్ని శక్తివంతమైన పాత్రలతో బాలయ్య రాబోయే రోజుల్లో కూడా ప్రేక్షకులను అలరించనున్నారు.