Bheemla Nayak : భీమ్లా నాయ‌క్ టీంపై గుర్రుగా ఉన్న నిత్యా మీన‌న్.. అస‌లు విష‌యం ఇది..!

Nitya Menon : ప్ర‌స్తుతం తెలుగు రాష్ట్రాల‌లో తెగ సంద‌డి చేస్తున్న సూపర్ హిట్ చిత్రం భీమ్లా నాయ‌క్. ప‌వ‌న్, రానా ప్ర‌ధాన పాత్ర‌ల‌లో సాగ‌ర్ కె చంద్ర తెర‌కెక్కించిన ఈ చిత్రానికి మంచి రెస్పాన్స్ వ‌చ్చింది. వెండితెరపై పవన్ కళ్యాణ్‌ని చూపించిన విధానానికి జేజేలు కొడుతున్నారు ఆయన ఫ్యాన్స్. ఇక రానా, నిత్యా మీన‌న్, సంయుక్త మీన‌న్ ప‌ర్‌ఫార్మెన్స్ కూడా చాలా బాగుంది. ప్ర‌తి ఒక్క‌రు న‌టీన‌టుల ప‌ర్‌ఫార్మెన్స్‌పై ప్ర‌శంస‌లు కురిపిస్తున్నారు. అయితే ఈ సినిమా విష‌యంలో కొంద‌రు టెక్నీషియ‌న్స్ ఆవేదన చెందుతున్నారు. అందుకు కార‌ణం మొదట్లో యూట్యూబ్ ను ఊపేసిన అంత ఇష్టం ఏందయ్యా సాంగ్ తొల‌గించ‌డ‌మే. బ‌య‌ట సాంగ్‌కి సూప‌ర్భ్ రెస్పాన్స్ రాగా, సినిమాలో మాత్రం లేక‌పోవ‌డం కొంద‌రిని భాదించింద‌ట‌.

ఇటీవ‌ల మీడియాకు ఇచ్చిన ఓ ఇంటర్వ్యూలో డైరెక్టర్ సాగర్ కే చంద్రను ఈ సాంగ్ విషయం అడిగారు. డైరెక్టర్ రెస్పాండ్ అయ్యి అసలు ఆ సాంగ్ ని షూట్ చేయలేదని క్లారిటీ ఇచ్చారు. కేవలం రికార్డు మాత్రమే చేశామని, ఆ తర్వాత ఆ సాంగ్ ఈ కథకు వర్కౌట్ కాదని షూటింగ్ చేయలేదని స్పష్టం చేశారు. అంటే ఆ సాంగ్ ఈ సినిమాలో ఉండే అవకాశం లేదని తేలిపోయింది. తమన్ సైతం ఇదే విషయమై సమాధానం ఇచ్చారు. ఈ ప్రశ్నకు సమాధానంగా …మండుతున్న స్టౌవ్ పై నీళ్లు పోస్తే ఎలా ఉంటుంది అంటూ త‌మ‌న్ ఎదురు ప్ర‌శ్న వేశారు. త‌మ‌న్ స‌మాధానం చూస్తే సినిమా మాస్ యాక్ష‌న్ తో కొన‌సాగుతున్న స‌మ‌యంలో ఆ పాట క‌రెక్ట్ కాక‌పోవ‌డంతో తొల‌గించిన‌ట్టు క‌నిపిస్తోంది. కాకపోతే ఆ సాంగ్ మాత్రం ఆడియో పరంగా పెద్ద హిట్ అయింది.

nitya menon angry on bheemla nayak team

Bheemla Nayak : నిత్యా హ‌ర్ట్ అయింద‌ట‌…

ఈ సాంగ్ విషయంలో నిత్య హర్ట్ అయిందనే టాక్ నడుస్తోంది. పవన్‌పై ప్రేమతో నిత్యామీనన్ వైపు నుంచి వచ్చే పాట ఇది. అయితే తనకి మంచి క్రేజ్ తెచ్చిపెడుతుందనుకున్న ఈ పాటను కట్ చేయడం నిత్యామీనన్‌కి నచ్చలేదట. దీనిపై చాలా ఫీలైందట కూడా. అందుకే ఈ సినిమా ప్రీ రిలీజ్ ఈవెంట్‌కి ఆమె దూరంగా ఉందని తెలుస్తోంది. చిత్రంలో భీమ్లా నాయక్ భార్య పాత్రలో నటించి మెప్పించింది. ఈ సినిమాలో నిత్య రోల్, ఆమె డైలాగ్స్ ప్రేక్షకుల బాగా కనెక్ట్ అయ్యాయి.