Dhurandhar 2 Box Office Collections : 1000 కోట్ల బాక్సాఫీస్ జాతర… రికార్డులను షేక్ చేస్తున్న రణవీర్ సింగ్ ‘ధురంధర్ 2’..!
Dhurandhar 2 Box Office Collections : బాలీవుడ్ ఎనర్జిటిక్ స్టార్ రణవీర్ సింగ్ Ranveer Singh నటించిన లేటెస్ట్ యాక్షన్ డ్రామా ‘ధురంధర్ ది రివేంజ్’ Dhurandhar 2 బాక్సాఫీస్ వద్ద ఊహకందని రేంజ్లో కలెక్షన్ల సునామీ సృష్టిస్తోంది. దర్శకుడు ఆదిత్య ధర్ Aditya Dhar తెరకెక్కించిన ఈ చిత్రం మొదటి రోజు నుంచే అల్టిమేట్ జాతర సృష్టిస్తూ దూసుకుపోతోంది. తొలి వారం ముగిసే సరికి కనీవినీ ఎరుగని వసూళ్లను సాధించిన ఈ చిత్రం, సరికొత్త రికార్డులను తన ఖాతాలో వేసుకుంది. విడుదలైన కేవలం ఎనిమిది రోజుల్లోనే ప్రపంచవ్యాప్తంగా రూ.1000 కోట్ల 1000 Crore Mark గ్రాస్ కలెక్షన్లను దాటేసి ఇండియన్ సినిమా హిస్టరీలోనే ఒక ఎపిక్ రికార్డును నెలకొల్పింది.
Dhurandhar 2 Box Office Collections : 1000 కోట్ల బాక్సాఫీస్ జాతర… రికార్డులను షేక్ చేస్తున్న రణవీర్ సింగ్ ‘ధురంధర్ 2’..!
Dhurandhar 2 Box Office Collections వేగంగా రూ. 1000 కోట్ల క్లబ్లోకి..
భారతీయ చలనచిత్ర చరిత్రలో అత్యంత వేగంగా వెయ్యి కోట్ల క్లబ్లో చేరిన అతికొద్ది సినిమాల్లో ‘ధురంధర్ 2’ ఒకటిగా నిలిచింది. దంగల్, పఠాన్, జవాన్, పుష్ప 2 వంటి ఇండస్ట్రీ హిట్స్ జాబితాలో ఇప్పుడు ధురంధర్ పేరు కూడా సగర్వంగా చేరింది. అల్లు అర్జున్ ‘పుష్ప 2’ Pushpa 2 అతి తక్కువ వ్యవధిలో ఈ మార్క్ను చేరుకోగా, ఇప్పుడు ఆ రికార్డును ధురంధర్ 2 సమం చేసింది. వారం రోజుల్లోనే ఈ సినిమా రూ. 1006.50 కోట్లను కొల్లగొట్టడం విశేషం.
Dhurandhar 2 Box Office Collections ఇండియా, ఓవర్సీస్.. ఎక్కడ చూసినా రాంపేజ్!
ఇండియాలో ఈ సినిమా కలెక్షన్ల సునామీ సృష్టించింది. తొలి వారంలోనే ఏకంగా రూ. 745 కోట్ల నెట్ వసూళ్లను సాధించి, బాలీవుడ్ చరిత్రలోనే “హయ్యెస్ట్ ఫస్ట్ వీక్ కలెక్షన్స్” సాధించిన చిత్రంగా నిలిచింది. తాజా లెక్కల ప్రకారం, ఇండియాలో సుమారు రూ. 805.32 కోట్లు, విదేశాల్లో రూ. 261.92 కోట్లు వసూలు చేసి.. మొత్తంగా రూ. 1,067 కోట్లకు పైగా మార్కును దాటేసింది. ఓవర్సీస్ మార్కెట్లో కేవలం తొలి వారంలోనే 260 కోట్లు రాబట్టి అత్యధిక ఓవర్సీస్ ఓపెనింగ్స్ సాధించిన భారతీయ చిత్రంగా సరికొత్త రికార్డు సృష్టించింది.
అడ్వాన్స్ బుకింగ్స్.. ఆల్ టైమ్ హై
విడుదలకు ముందే ఈ సినిమా బుకింగ్స్ లో చరిత్ర సృష్టించింది. కేవలం జాతీయ మల్టీప్లెక్స్ చైన్స్లోనే ఏకంగా 9.25 లక్షలకు పైగా టిక్కెట్లు అడ్వాన్స్ సేల్స్ ద్వారా అమ్ముడవటం ఈ సినిమాపై ఉన్న క్రేజ్కు అద్దం పడుతోంది.
పవన్ కళ్యాణ్ ‘ఓజీ’, అల్లు అర్జున్ ‘పుష్ప 2’ రికార్డులు బ్రేక్
పెయిడ్ ప్రీమియర్స్ రికార్డ్: విడుదల తేదీ (మార్చి 18)కి ముందు రోజు రాత్రి వేసిన పెయిడ్ ప్రీమియర్స్ ద్వారానే ఈ సినిమా ఏకంగా రూ. 43 కోట్లు రాబట్టింది. అంతకుముందు పవన్ కళ్యాణ్ Pawan Kalyan నటించిన ‘ఓజీ’ (OG) సినిమా పెయిడ్ ప్రీమియర్స్ ద్వారా 25 కోట్లు సాధించగా, ఆ రికార్డును ధురంధర్ 2 బద్దలుకొట్టింది.
సింగిల్ లాంగ్వేజ్ రికార్డ్: కేవలం హిందీ బెల్ట్లోనే మొదటి రోజు రూ. 99.10 కోట్లు వసూలు చేసి, పుష్ప 2 (రూ. 70.30 కోట్లు) రికార్డును క్రాస్ చేసి, ఫస్ట్ డే అత్యధిక హిందీ నెట్ వసూళ్లు సాధించిన చిత్రంగా నిలిచింది. ఓవరాల్గా దేశీయంగా మొదటి రోజు రూ. 145.55 కోట్ల (ప్రీమియర్స్తో కలిపి) కలెక్షన్లతో చరిత్ర సృష్టించింది.
రణవీర్, ఆదిత్య ధర్ కెరీర్ బెస్ట్
ధురంధర్ మొదటి పార్ట్ తొలిరోజు 27-28 కోట్లు వసూలు చేయగా.. దానికి దాదాపు నాలుగు రెట్లు (102.55 కోట్ల నెట్) కలెక్షన్లను సీక్వెల్ మొదటి రోజునే రాబట్టింది. రణవీర్ సింగ్, డైరెక్టర్ ఆదిత్య ధర్ కెరీర్లోనే ఇది బిగ్గెస్ట్ ఓపెనర్గా, అలాగే వారి కెరీర్లో తొలి 1000 కోట్ల చిత్రంగా నిలిచిపోయింది. రణవీర్ సింగ్, దీపికా పదుకొణె Deepika Padukone ఈ భారీ సక్సెస్ను ఘనంగా సెలబ్రేట్ చేసుకుంటున్నారు.
3 నెలల గ్యాప్లోనే మరో 1000 కోట్లు
ఇండియన్ ఫిల్మ్ హిస్టరీలో ఒకే సిరీస్ నుంచి కేవలం మూడు నెలల వ్యవధిలోనే రెండు సినిమాలు (ధురంధర్ 1, ధురంధర్ 2) విడుదలై.. ఆ రెండు పార్టులు కూడా 1000 కోట్ల క్లబ్లో చేరడం ఇదే తొలిసారి. బాక్సాఫీస్ వద్ద రెండో వారంలోనూ ఏమాత్రం హోల్డ్ తగ్గకుండా, రోజూ 45 కోట్ల పైనే నెట్ కలెక్షన్స్ రాబడుతూ ధురంధర్ 2 సెన్సేషనల్ ట్రెండ్ సెట్ చేస్తోంది. సెకండ్ వీకెండ్లో ఈ వసూళ్లు మరింత పెరిగే అవకాశం ఉందని ట్రేడ్ పండితులు అంచనా వేస్తున్నారు.
మొత్తానికి, బాక్సాఫీస్ వద్ద రణవీర్ సింగ్ సృష్టిస్తున్న ఈ ‘ధురంధర్’ తుఫాను ఇప్పట్లో ఆగేలా కనిపించడం లేదు!
Also read
