Renu Desai : పవన్ కళ్యాణ్ మూడో భార్యపై రేణూ దేశాయ్‌కి అంత కోపం ఉందా.. ఇది చూస్తే అర్ధ‌మ‌వుతుంది.!

Renu Desai : రేణూ దేశాయ్ గత రెండ్రోజులుగా సోషల్ మీడియాలో తన సంతోషాన్ని పంచుకుంటూ వ‌స్తున్న విష‌యం తెలిసిందే. దాదాపు పదేళ్ల పోరాటం తర్వాత అఖండ విజయంతో పిఠాపురం ఎమ్మెల్యేగా ప‌వ‌న్ క‌ళ్యాణ్ గెల‌వ‌డంతో రేణూ దేశాయ్ కూడా ఇన్‌డైరెక్ట్‌గా త‌న ఆనందాన్ని తెలియ‌జేసింది. ఎమ్మెల్యేగా పవన్ గెలిచినప్పటి నుంచి తండ్రితోపాటే ఉంటున్నారు పవన్ తనయుడు అకీరా నందన్. ఎన్నికల ఫలితాల రోజు పవన్ ఇంట్లో కనిపించిన అకీరా.. ఆ తర్వాత నాన్నతోపాటు తేదేపా అధ్యక్షుడు చంద్రబాబు నాయుడును కలిశాడు. పవన్ ఎక్కడికి వెళ్లినా వెన్నంటే అకీరాను తీసుకెళ్తున్నాడు. ఇక గురువారం సాయంత్రం ప్రధాని మోదీని కుటుంబసమేతంగా కలిశాడు పవన్ కళ్యాణ్. భార్య అన్నా లెజేనోవా, కొడుకు అకీరాతో కలిసి ఎన్డీయే కూటమి నేతల సమావేశానికి హాజరయ్యారు.

Renu Desai ఎంతైన మ‌హిళ క‌దా..

రీసెంట్‌గా రేణూ దేశాయ్ ఓ వీడియోని షేర్ చేశారు. పవన్ కళ్యాణ్ తన భార్య అన్నా లెజినోవా, కొడుకు అకిరాతో పాటుగా ప్రధాని మోదీని కలిసిన సంగతి తెలిసిందే. అకిరాని ప్రత్యేకంగా మోదీకి పరిచయం చేశారు. ఇక ఈ వీడియోలు, ఫోటోలు బాగానే వైరల్ అయ్యాయి. మోదీతో పవన్ కళ్యాణ్, అన్నా లెజినోవా, అకిరా ఉన్న ఫోటోలు, వీడియోలు అందరినీ ఆకట్టుకున్నాయి. ఈ ఫోటోలనే కాస్త ఎడిట్ చేసి రేణూ దేశాయ్ షేర్ చేశారు. అయితే అన్నా లెజినోవా ఫోటోను క్రాప్ చేసి పవన్ కళ్యాణ్, మోదీ, అకిరా ఉన్న ఫోటోల్ని మాత్రమే షేర్ చేశారు రేణూ దేశాయ్. దీని మీద నెటిజన్లు ఫన్నీగా కామెంట్లు చేస్తున్నారు. ఎంతైనా ఉమెన్ అని ఒకరు.. ఎంతైనా ఆ మాత్రం ఉంటుంది.. మాజీ భార్య కదా? ఆ మాత్రం ఉంటుందిలే అని రకరకాలుగా కామెంట్లు చేస్తున్నారు.

ఇక రేణూ దేశాయ్ వీడియోపైన ఆస‌క్తిక‌రంగా స్పందించింది. నేను మొదట్నుంచి బీజేపీ వ్యక్తినే.. నా కొడుకు మన ప్రధానిని కలిశాడు.. నాకు మాటల్లో చెప్పలేనంత ఆనందంగా ఉంది.. ఎంత చెప్పినా ఇప్పుడున్న ఎమోషన్‌కు న్యాయం చేేసే పదాలు, మాటలు దొరకవు.. ప్రధానితో మీటింగ్ తరువాత అకిరా నాకు ఫోన్ చేశాడు.. మోదీ చుట్టూ ఉన్న ఆరా, పాజిటివ్ నెస్ గురించి ఎంతో చెప్పాడు.. అంటూ ఇలా రేణూ దేశాయ్ పోస్ట్ వేశారు.