Acharya Movie : చిక్కుల్లో ఆచార్య మూవీ.. చిరంజీవి, రెజీనా ఐటెం సాంగ్ పై పోలీసులకు ఫిర్యాదు..!

Acharya Movie : కొరటాల శివ దర్శకత్వంలో టాలీవుడ్ మెగా స్టార్ చిరంజీవి నటించిన ఆచార్య సినిమాపై భారీ అంచనాలు నెలకొన్నాయి. ఫిబ్రవరి 4న థియేటర్లలోకి రానున్న ఈ చిత్రానికి సంబంధించి ఇప్పటికే రిలీజైన పోస్టర్లు, టీజర్లు సినిమాపై మరింత హైప్ తీసుకొచ్చాయి. ఇటీవల విడుదలైన ఐటెం సాంగ్ శానా కష్టం ఇప్పుడు నెట్టింట వైరల్ గా మారింది. అయితే రెజీనా కేసండ్రాతో కలిసి చిరు మాస్ స్టెప్పులేసిన ఈ సాంగ్ ఎంత మంచి రెస్పాన్స్ ఐతే వస్తోందో..

అంతే స్థాయిలో విమర్శలు వస్తున్నాయి. ఇప్పుడీ ఐటెం సాంగ్ కారణంగా చిత్ర బృందం చిక్కుల్లో పడింది. మణిశర్మ టోన్ లో భాస్కరబట్ల లిరిక్స్ అందించిన శానా కష్టం సాంగ్ ఈ వివాదానికి దారి తీసింది. సాంగ్ లోని ఏడేడో నిమరోచ్చని కుర్రాళ్లు ఆర్ఎంపీలు అయిపోతున్నారే అనే లిరిక్ లో… యువకులంతా రెజీనా లాంటి అందగత్తెను ముట్టుకునే అవకాశం కోసం ఆర్ఎంపీ డాక్టరవుతున్నారని అర్థం వచ్చేలా చిత్రీకరించారు.

Rmp doctors association files a complaint on Acharya movie item song

ఇప్పుడీ లైన్ పై… రిజిస్టర్డ్ మెడికల్ ప్రాక్టీషనర్ వైద్యులు అభ్యంతరం వ్యక్తం చేస్తున్నారు. ఈ ఐటెం సాంగ్ తమ వృత్తిని అవమానించేలా ఉందంటూ.. తెలంగాణలోని జనగామకు చెందిన ఆర్‌ఎంపీ వైద్యుల సంఘం పోలీసులకు ఫిర్యాదు చేసింది. గీత రచయిత, దర్శకుడిపై చర్యలు తీసుకోవాలని డిమాండ్ చేసింది. అయితే ఈ వివాదం పై ఆచార్య చిత్ర బృందం ఎలా స్పందిస్తుందో వేచి చూడాలి.