Roja : అభికి ఎంత చేసినా సంతృప్తి ఉండదు.. రోజా కామెంట్స్ వైరల్

Roja : అదిరే అభి టాలెంట్ గురించి అందరికీ తెలిసిందే. అప్పుడెప్పుడో వచ్చిన ఈశ్వర్ సినిమాతో ఇండస్ట్రీకి పరిచయమయ్యాడు అభి. అప్పటి నుంచి ప్రభాస్‌తో స్నేహం కూడా ఉంది. అయితే అభి మాత్రం పలు రకాలుగా తన ప్రతిభను ప్రదర్శిస్తూనే ఉన్నాడు. హీరోగా, దర్శకుడిగా, కమెడియన్‌గా, హోస్ట్‌గా ఇలా అన్ని రకాలుగా తన టాలెంట్‌ను జనాలకు చూపించాడు.

ఓ వైపు నెలకు లక్షల రూపాయలు వచ్చే సాఫ్ట్ వేర్ కొలువును కూడా చేస్తుంటాడు. అమెరికా ఆఫర్లు వచ్చినా కూడా ఇండస్ట్రీ మీదున్న మక్కువతో వాటిని కాదన్నాడు. అలా అభి మొత్తానికి బుల్లితెర, వెండితెరపై దూసుకుపోతోన్నాయి. ఇంతకు ముందే పాయింట్ బ్లాంక్ అనే సినిమాతో అభి అందరినీ పలకరించాడు. ఇక ఇప్పుడు వైట్ పేపర్ అనే సినిమాతో రాబోతోన్నాడు.

Roja Commnets On Adire Abhi White Paper Movie

Roja : అభిపై ప్రేమను కురిపించిన రోజా

ఈ మూవీ ప్రమోషన్స్‌లో భాగంగా రోజా మాట్లాడింది. అభి డ్యాన్స్, గ్రేస్ అంటే నాకు చాలా ఇష్టం. హీరోగా, దర్శకుడిగా, యాంకర్‌గా ఇలా అన్నింట్లోనూ నిరూపించుకోవాలని చూస్తాడు. మల్టీ టాలెంటెడ్. ఎంత చేసినా కూడా అభికి సంతృప్తి ఉండదు. ఇంకా ఏదో చేయాలనే తపన ఉంటుంది. అందుకే నాకు అభి అంటే ఇష్టం. వైట్ పేపర్ సినిమా పెద్ద సక్సెస్ అవ్వాలని కోరుకుంటున్నాను అని రోజా తెలిపింది.