Roja : కారులో వర్ష, ఇమాన్యుయేల్.. రెడ్ హ్యాండడ్‌గా పట్టుకున్న రోజా

Roja : బుల్లితెరపై వర్ష ఇమాన్యుయేల్ చేసే రచ్చ ఎలా ఉంటుందో అందరికీ తెలిసిందే. మొదట్లో వీరి ట్రాక్ మీద అందరికీ కాస్త ఇంట్రెస్ట్ కలిగింది. కానీ రాను రాను అదే వెగటు పుట్టేసింది. వారు చేసే అతిని ప్రేక్షకులు భరించలేకపోయారు. దీనికి తోడు మల్లెమాల టీం క్రియేటివిటీ పిక్స్‌కు చేరింది. రష్మీ సుధీర్‌కు పెళ్లిళ్లు చేసినట్టుగా.. వీరిద్దరి మీద కూడా ఓ ఈవెంట్ ప్లాన్ చేసింది.

అక్కడే తేడా కొట్టేసింది. ఈ ఇద్దరి లవ్ ట్రాకును జనాల మీద రుద్దేయడం, నీ చిత్రం చూసి అనే పాటను బ్యాక్ గ్రౌండ్‌లో వాడి వర్ష ఇమాన్యుయేల్‌ను తెగ లేపేందుకు ప్రయత్నించారు. అక్కడి నుంచి ఈ ట్రాకు గాడి తప్పింది. జనాల విపరీతంగా ద్వేషించడం ప్రారంభించారు. అయినా కూడా జబర్దస్త్ టీం మాత్రం ఇంకా ఈ ట్రాకును వదిలపెట్టడం కనిపించడం లేదు.

Roja : ఫోటోతో గుట్టు రట్టు..

తాజాగా రోజా ఈ ట్రాకు తట్టి మరీ లేపుతోంది. రోజాకు వేరే పని ఏముండదన్నట్టు చేస్తుంది. రెండ్రోజుల క్రితం మీరిద్దరు ఎక్కడున్నారంటూ అందరి ముందే అడిగేసింది. ఆ రోజు నేను షూటింగ్‌లో ఉన్నాను..ఇమాన్యుయేల్ వేరే చోట ఉన్నాడు అని వర్ష చెప్పింది. దాంతో రోజా ఓ ఫోటోను చూపించింది. కారులో వర్ష ఇమాన్యుయేల్ ముచ్చట్లు పెట్టుకున్న ఫోటోను చూపించి అసలు గుట్టు బయటకు వచ్చేట్టు చేసింది. ఆ రోజు నాకు బాలేదని ఇమాన్యుయేల్‌కు ఫోన్ చేశాను.. నేను హాయ్ అని అనేదాంట్లోనే నా మూడో ఏంటో తెలిసిపోతుందని ఇమాన్యుయేల్ గురించి వర్ష చెప్పేసింది.