Roshan : సినీ ఇండ‌స్ట్రీలో వార‌సుల హంగామా కొత్తేమి కాదు. ఇప్ప‌టికే ప‌లువురు స్టార్స్ త‌న‌యులు తెగ సంద‌డి చేస్తున్నారు. హీరో శ్రీకాంత్ త‌న‌యుడు రోష‌న్ కూడా ఇండ‌స్ట్రీలో రాణిస్తున్నాడు. నిర్మల కాన్వెంట్ సినిమాతో టీనేజ్‏లోనే సినీ రంగంలోకి ఎంట్రీ ఇచ్చిన రోష‌న్ ఆ తర్వాత కొంత గ్యాప్ తీసుకుని ఇటీవల పెళ్లి సందడి సినిమాతో ప్రేక్షకుల ముందుకు వచ్చాడు. ప్రముఖ డైరెక్టర్ రాఘవేంద్రరావు పర్యవేక్షణలో వచ్చిన ఈ సినిమా మంచి టాక్ సొంతం చేసుకుంది. అంతేకాకుండా.. హీరోగా రోషన్‏కు మంచి సక్సెస్ అందించింది.

ఇప్పుడు రోష‌న్‌కి పెద్ద బ్యాన‌ర్స్ నుండి క్రేజీ ఆఫ‌ర్స్ వ‌స్తున్నాయి. ఇటీవల `జాతిరత్నాలు` వంటి బ్లాక్ బస్టర్ చిత్రాన్ని అందించిన వైజయంతీ మూవీస్ ఇదే ఫార్ములాతో మరో చిన్న చిత్రాన్ని నిర్మించడానికి రెడీ అయిపోతోంది. ఇందులో హీరో శ్రీకాంత్ తనయుడు రోషన్ హీరోగా నటించబోతున్నారని తెలుస్తోంది. ఇప్పటికే ఈ చిత్రానికి సంబంధించిన స్టోరీ వర్క్ పూర్తయిందని త్వరలోనే ఈ చిత్రాన్ని అధికారికంగా ప్రకటించబోతున్నారని వార్తలు వినిపిస్తున్నాయి. రెగ్యులర్ షూటింగ్ కూడా త్వరలోనే ప్రారంభం అయ్యే అవకాశాలు ఉన్నాయ‌ని టాక్.

roshan acts in vyjayanthi movies and sitara entertainments

Roshan : కుర్ర హీరో కేక పెట్టిస్తున్నాడుగా..!

రోష‌న్.. సితార బ్యానర్లో రోషన్ మరో మూవీ చేయబోతున్నాడని టాక్ వినిపిస్తోంది. ఇప్పటికే ఇందుకు సంబంధించిన అగ్రిమెంట్ పనులు పూర్తయ్యాయని.. త్వరలోనే వివరాలను ప్రకటించనున్నట్లుగా సమాచారం.కాగా, రోష‌న్ చివ‌రిగా `పెళ్లి సంద‌డి`తో తెర‌పైకొచ్చాడు రోష‌న్‌. ఆ సినిమా రివ్యూల ప‌రంగా అటూ ఇటూ ఊగినా, వ‌సూళ్ల ప‌రంగా మంచి లాభాలు అందుకుంది. ద‌స‌రా సీజ‌న్‌లో విడుద‌ల కావ‌డం పెళ్లి సంద‌డికి క‌లిసొచ్చింది. రోష‌న్ స్క్రీన్ ప్రెజెన్స్ బాగుండ‌డం, డాన్సులు బాగా చేయ‌డంతో.. త‌న‌కు ఆ సినిమా బాగా హెల్ప్ అయ్యింది.

Follow Us

sandeep

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది