RRR Movie : ఆర్ఆర్ఆర్ RRR Movie .. దర్శక ధీరుడు ఎస్ ఎస్ రాజ‌మౌళి ఎంతో ప్రతిష్టాత్మకంగా తెరకెక్కిస్తున్న పాన్ ఇండియన్ సినిమా. తాజాగా రాజమౌళిపై ప్రముఖ యాక్షన్ కొరియోగ్రాఫర్స్ రామ్ ల‌క్ష్మ‌ణ్ షాకింగ్ కామెంట్స్‌ చేశారు. ఇప్పుడు వీరు చేసిన కామెంట్స్ సోషల్ మీడియాలో వైరల్ అవుతున్నాయి. యంగ్ టైగర్ ఎన్.టి.ఆర్, మెగా పవర్ స్టార్ రామ్ చరణ్ హీరోలుగా రూపొందుతున్న భారీ మల్టీస్టారర్ ఆర్ఆర్ఆర్ సినిమా గురించి ప్రపంచం మొత్తం ఎంతో ఆతృతగా ఎదురుచూస్తోంది. తెలుగు సినిమా సత్తా ఏంతటిదో బాహుబలి సినిమాలతో రాజమౌళి ప్రపంచ పటం ముందు పెట్టి చూపించాడు.

shocking comments on rajamouli by ram laxman

రాజమౌళి కి సినిమా విషయంలో ఉండే ఆలోచనా విధానం, ధోరణి తెలుగు చిత్ర పరిశ్రమలో మరే దర్శకుడికి లేదంటే అతిశయోక్తి కాదు. ఆయన మొదటి సినిమా స్టూడెంట్ నంబర్ 1 తీసినప్పుడు బాహుబలి లాంటి పాన్ ఇండియన్ సినిమా చేస్తాడని తెలుగు ఇండస్ట్రీకి, హీరోలకు ఇంత గౌరవాన్ని తీసుకువస్తారని ఏ ఒక్కరు ఊహించి ఉండరు. సింహాద్రి సినిమా నుంచి రాజమౌళి ఒక్కో సినిమా ఒక్కో మైల్ స్టోన్‌లా తీస్తూ వస్తున్నాడు. ఆయనతో పని చేయాలని ఇండస్ట్రీలో ఉన్న 24 విభాగాలకి చెందిన టెక్నీషియన్స్, హీరో, హీరోయిన్స్, పరభాషా నటులు ఆశపడుతుంటారు.

RRR Movie : సినిమాలకి ఫైట్స్ కంపోజ్ చేసినా మాకు క్రెడిట్ రాదు.

ముఖ్యంగా రాజమౌళి తీసిన ప్రతీ సినిమాకి ఆయన ప్రతిబింబం కనిపిస్తుంది. ఇది ఎవరైనా ఒప్పుకొని తీరాల్సిందే. ఫైట్ మాస్టర్స్, కెమెరా మ్యాన్, మ్యూజిక్ డైరెక్టర్స్ ఇలా ఎవరున్నా ఎంత కష్టపడినా..చివరికి క్రెడిట్ వచ్చేది మాత్రం రాజమౌళికే. ఇది చాలా మంది అభిప్రాయం కూడా. ఇదే విషయంలో ప్రముఖ కొరియోగ్రాఫర్స్ రామ్ ల‌క్ష్మ‌ణ్ తాజా ఇంటర్వ్యూలో తమ అభిప్రాయాన్ని చెప్పుకొచ్చారు.

RRR Movie ram laxman comments on rajamouli

రాజమౌళికి ప్రతీ సీన్ విషయంలో పక్కా క్లారిటీ ఉంటుందని అన్న వీరు..ఆయన సినిమాలకి ఫైట్స్ కంపోజ్ చేసినా మాకు క్రెడిట్ రాదు. ఎందుకంటే ఆయన ఒక్కో షాట్ విషయంలో చాలా క్లారిటీగా ఉంటారు..చాలా కష్టపడతారు. ఇది పాజిటివ్ గా చెప్తున్న విషయం. అని అన్నారు. ఇక ఆర్ఆర్ఆర్ కి పనిచేయాల్సి ఉండగా డేట్స్ సర్ధుబాటు కాలేక చేయలేకపోయామని చెప్పిన రామ్ ల‌క్ష్మ‌ణ్..రవితేజ నటించిన విక్రమార్కుడు సినిమాకి మంచి ఫైట్స్ కంపోజ్ చేసే అవకాశం ఇచ్చారని ..ఈ రోజు మన తెలుగు సినిమా సత్తా ఇంతటిది అని చెప్పిన రాజమౌళి గారి కృతజ్ఞతలని పేర్కొన్నారు.

Follow Us

govind

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది