Salaar : ఇండిపెండెన్స్ డే రోజు అదిరిపోయే గిఫ్ట్.. స‌లార్ రిలీజ్ డేట్ ప్ర‌క‌టించిన మేక‌ర్స్..!

Salaar : యంగ్ రెబ‌ల్ స్టార్ ప్ర‌భాస్ సినిమాల కోసం ఫ్యాన్స్ ఎంత ఆస‌క్తిగా ఎదురు చూస్తుంటారో ప్ర‌త్యేకంగా చెప్ప‌న‌క్క‌ర్లేదు. చివ‌రిగా రాధే శ్యామ్‌తో ప‌ల‌క‌రించిన ప్ర‌భాస్ ప్ర‌స్తుతం ప‌లు సినిమాల‌తో బిజీగా ఉన్నాడు. ఇందులో స‌లార్ ఒక‌టి. కేజిఎఫ్, కేజిఎఫ్ 2 సినిమాలతో ప్రపంచవ్యాప్తంగా గుర్తింపు తెచ్చుకున్న ప్రశాంత్ నీల్ ఈ సినిమాకి దర్శకత్వం వహిస్తూ ఉండడం, ప్రభాస్ పూర్తి స్థాయి మాస్ లుక్ లో కనిపిస్తూ ఉండడంతో సినిమా మీద ఏర్పడుతున్న అంచనాలు అంతకంతకూ పెరుగుతున్నాయి..

Salaar : అంచ‌నాలు భారీగా..

ఇండిపెండెన్స్ డే సందర్భంగా నేడు ఈ చిత్రం నుంచి అదిరిపోయే అప్డేట్‌ను మేకర్లు రిలీజ్ చేశారు. చెప్పినట్టుగా ప్రభాస్ ఫ్యాన్స్‌కు ట్రీట్ ఇచ్చారు. ఇక ఈ అప్డేట్ చూసి డార్లింగ్ ఫ్యాన్స్ ఫుల్ ఖుషీ అవుతున్నారు. ఇందులో ప్రభాస్ కత్తి పట్టి నరికిన తీరు, ఆ శవాలు అలా పడి ఉండటం, రెండు చేతుల్లో రెండు కత్తులు పట్టి చేస్తోన్న యాక్షన్ సీక్వెన్స్‌కు సంబంధించిన పోస్టర్ చూసి జనాలు ఫిదా అవుతున్నారు. ఇక ఇందులో రిలీజ్ డేట్‌ను కూడా ప్రకటించడంతో అభిమానులు ఊపిరి పీల్చుకుంటున్నారు. ఈ చిత్రం వచ్చే ఏడాది సెప్టెంబర్ 28న ప్రేక్షకుల ముందుకు రాబోతోందని ప్రకటించారు.

Salaar release date fixed

ఇక ఈ సినిమాలో ప్రభాస్ హీరోగా నటిస్తూ ఉండగా శృతిహాసన్ హీరోయిన్ గా నటిస్తోంది. పృథ్వీరాజ్ సుకుమారన్, జగపతిబాబు, విశాల్ వదిన శ్రేయ రెడ్డి కీలక పాత్రలలో నటిస్తున్నారు. ఇక ఈ సినిమాకు కేజిఎఫ్ సినిమాటోగ్రాఫర్ భువన్ గౌడ, సినిమాటోగ్రాఫర్ గా వ్యవహరిస్తున్నారు. అలాగే కేజిఎఫ్ సిరీస్ కి సంగీతం అందించిన రవి బస్రూర్ సంగీతం అందిస్తున్నారు. అలాగే శివకుమార్ ఆర్ట్ డైరెక్షన్ చేస్తున్న ఈ సినిమాకు అన్బరువు యాక్షన్ డైరెక్టర్గా వ్యవహరిస్తున్నారు. ఇక కేజిఎఫ్ నిర్మాణ సంస్థ హోంబలే ఫిలింస్ బ్యానర్ మీద విజయ్ కిరంగదూర్ నిర్మిస్తున్నారు. సినిమా కోసం ప్రేక్ష‌కులు ఆస‌క్తిగా ఎదురు చూస్తున్నారు.