Samantha : టాలీవుడ్ స్టార్ హీరోయిన్ సమంత రుత్ ప్రభు ప్రేమ గురించి షాకింగ్‌ కామెంట్‌ చేసింది. లెజెండరీ నటి సావిత్రి జీవితం తనకు ఎంతో దగ్గరగా అనిపించిందని చెప్పడం చర్చనీయాంశమైంది. ముఖ్యంగా మహానటి సినిమా చూసిన తర్వాత సావిత్రి గారి జీవితంలో జరిగిన సంఘటనలు తన వ్యక్తిగత అనుభవాలతో పోలికలు కలిగించాయని సమంత వెల్లడించింది. ప్రేమలో నమ్మకం ఉంచి మోసపోయే పరిస్థితి తన జీవితంలో కూడా వచ్చిందని అయితే తృటిలో ఆ పరిస్థితి నుంచి బయటపడగలిగానని ఆమె తెలిపింది.

Samantha : ప్రేమలో నమ్మకం .. మోసం.. తప్పించుకున్న సమంత

సమంత తన వ్యాఖ్యల్లో ప్రేమలో పూర్తిగా నమ్మకం ఉంచడం వల్ల ఎదురైన చేదు అనుభవాలను పంచుకుంది. “నేను కూడా ఒకరిని పూర్తిగా నమ్మాను. కానీ చివరికి అది నాకు బాధనే మిగిల్చింది. అదృష్టవశాత్తు నేను ఆ పరిస్థితి నుంచి బయటపడ్డాను. లేదంటే నా జీవితం కూడా సావిత్రి గారి లాగా మారిపోయేది” అని చెప్పింది. ఈ వ్యాఖ్యలు ఇప్పుడు సోషల్ మీడియాలో మళ్లీ వైరల్ అవుతూ అభిమానులను ఆశ్చర్యపరుస్తున్నాయి. ఆమె చెప్పిన ఈ మాటలు కేవలం వ్యక్తిగత అనుభవాలే కాకుండా ఒక పెద్ద హెచ్చరికగా కూడా కనిపిస్తున్నాయి.

Samantha : సిద్ధార్థ్‌తో ప్రేమ కథేనా? నెటిజన్ల అనుమానం

ఈ కామెంట్లు వెలుగులోకి రావడంతో నెటిజన్లు వెంటనే గతాన్ని తడుముకోవడం ప్రారంభించారు. ముఖ్యంగా సమంత గతంలో నటుడు సిద్ధార్థ్ తో ఉన్న సంబంధాన్ని ఈ వ్యాఖ్యలతో అనుసంధానం చేస్తున్నారు. అయితే ఈ విషయంపై సమంత ఎక్కడా స్పష్టంగా పేర్లు ప్రస్తావించలేదు. అయినప్పటికీ సోషల్ మీడియాలో మాత్రం ఇది పెద్ద చర్చగా మారింది. కొందరు అభిమానులు ఇది పూర్తిగా వ్యక్తిగత విషయం అని భావిస్తుండగా మరికొందరు మాత్రం ఆ ప్రేమ కథ గురించే ఈ వ్యాఖ్యలు చేశారని ఊహిస్తున్నారు. ఇక సమంత చేసిన ఈ వ్యాఖ్యలు ట్రెండింగ్ అవుతూ ఆమె జీవితంలోని ఒక గోప్యమైన కోణాన్ని బయటపెడుతున్నాయి. ఇది కేవలం ఒక సెలబ్రిటీ స్టేట్మెంట్ మాత్రమే కాదు భావోద్వేగాలతో నిండిన నిజమైన అనుభవంగా కూడా పలువురు భావిస్తున్నారు.

మరోవైపు సమంత దర్శకుడు రాజ్‌ నిడిమోరుని రెండో పెళ్లి చేసుకున్న విషయం తెలిసిందే. అంతకు ముందు హీరో నాగచైతన్యని మ్యారేజ్‌ చేసుకుంది. వీరిది ప్రేమ పెళ్లి. దాదాపు ఏడేళ్లు ప్రేమించుకున్న ఈ జంట పెద్దల అంగీకారంతో పెళ్లి చేసుకున్నారు. చాలా గ్రాండ్‌గా వీరి మ్యారేజ్‌ జరిగింది. కానీ పెళ్లైన నాలుగేళ్లకే విడిపోయారు. అయితే ప్రేమకి సంబంధించి సమంత చేసిన కామెంట్స్ సంచలనం సృష్టిస్తోంది. ప్రేమ విషయంలో తాను తృటితో తప్పించుకున్నానని లేదంటే తన లైఫ్‌ కూడా సావిత్రిలా మారేదని చెప్పడం షాకిస్తోంది.