Shruthi Haasan : అనుకున్నదే జరిగింది.. ‘సలార్’లో ప్రభాస్ పక్కన ఆ హీరోయిన్
Shruthi Haasan : ప్రభాస్ ప్రశాంత్ నీల్ సినిమా అప్డేట్ తాజాగా ఒకటి వచ్చింది. అయితే ఇది పేరుకే అప్డేట్. కానీ ఆ విషయం గత కొన్ని రోజులుగా సోషల్ మీడియాలో చక్కర్లు కొడుతున్నదే. ప్రభాస్ సలార్ సినిమాకు హీరోయిన్ ఫిక్స్ అంటూ గత వారం రోజులుగా వార్తలు చక్కర్లు కొడుతూనే ఉన్నాయి. ప్రభాస్ పక్కన ఈ సారి శ్రుతీ హాసన్ కనిపించబబోతోందని రూమర్లు వినిపించాయి. అయితే వాటిని కొందరు నమ్మారు. ఇంకొందరు నమ్మలేదు. ప్యాన్ ఇండియన్ సినిమా కదా. బాలీవుడ్ హీరోయిన్లనే తీసుకుంటారని కొందరు వాటిని కొట్టిపారేశారు.
Shruthi Haasan In Prabhas Salaar
కానీ చివరకు అదే జరిగింది. శ్రుతీ హాసన్ తమ సినిమాలో హీరోయిన్‌గా నటిస్తోందన్న సలార్ నిర్మాణ సంస్థ హోంబళే ప్రకటించింది. తాజాగా తమ సోషల్ మీడియాలో ఖాతాల్లో అధికారికంగా ఈ విషయాన్ని ప్రకటించింది. నేడు శ్రుతీ హాసన్ బర్త్ డే సందర్భంగా ఇలా అప్డేట్ ఇచ్చి అందరినీ షాక్‌కు గురి చేయాలని అనుకున్నట్టున్నారు. మొత్తానికి ప్రభాస్, శ్రుతీ హాసన్ మొదటి సారిగా జోడిగా కనిపించబోతోన్నారు. ఇక ప్రశాంత్ నీల్ వంటి దర్శకుడితో అంటే అది ఏ రేంజ్‌లో ఉంటుందో అర్థం చేసుకోవచ్చు.
ఇప్పటికే సలార్ పనులు కూడా మొదలయ్యాయి. సింగరేణి గనుల్లో ఓ భారీ యాక్షన్ సీక్వెన్స్ తెరకెక్కించబోతోన్నాడట. ఈ మేరకు అన్నీ ప్రీ పొడక్షన్ పనులు కూడా ప్రారంభమయ్యాయి. సెట్ పనులు మరో రెండు మూడు రోజుల్లో పూర్తి కానున్నాయట. అలా యాక్షన్ సీక్వెన్స్‌తో సలార్ సెట్స్ పైకి వెళ్లబోతోంది. మొత్తాకి కేజీయఫ్ తరువాత ప్రశాంత్ నీల్ తెరకెక్కిస్తున్న ఈ మూవీపై భారీ అంచనాలు నెలకొన్నాయి. ఇక ప్రభాస్ కూడా మొదటగా ఈ సినిమాకే డేట్లు ఇవ్వడంతో అందరూ ఆశ్చర్యపోతున్నారు.
Also read
