Jabardasth : జబర్దస్త్ను వదిలిన సౌమ్యారావు .. అసలు కారణం బయటపెట్టిన యాంకర్ ..!
Authored By Sudheer Ramanujam
| The Telugu News | Updated on :
24 April 2026,
4:30 pm 
Jabardasth : జబర్దస్త్ను వదిలిన సౌమ్యారావు .. అసలు కారణం బయటపెట్టిన యాంకర్ ..!
Jabardasth : తెలుగు కామెడీ షోలలో ప్రత్యేక గుర్తింపు పొందిన జబర్దస్త్ లో యాంకర్గా సౌమ్య రావు ఎంట్రీ ఇచ్చిన సమయంలో మంచి ఆసక్తి నెలకొంది. ప్రముఖ యాంకర్ అనసూయ భరద్వాజ్ తప్పుకున్న తర్వాత ఆమె స్థానంలో వచ్చిన సౌమ్యా మొదటి నుంచే తనదైన శైలితో ప్రేక్షకులను ఆకట్టుకుంది. తెలుగులో పూర్తిగా దిట్ట కాకపోయినా తన మాటతీరు, వినోదాత్మక డైలాగులతో ప్రేక్షకులను నవ్వుల్లో ముంచెత్తింది. కొద్ది కాలంలోనే ఆమెకు మంచి గుర్తింపు వచ్చింది. అయితే అలా సక్సెస్ఫుల్గా కొనసాగుతున్న సమయంలోనే అకస్మాత్తుగా ఆమె షో నుంచి తప్పుకోవడం అందరినీ ఆశ్చర్యానికి గురి చేసింది. ఈ నిర్ణయం వెనుక అసలు కారణం ఏమిటన్నదానిపై సోషల్ మీడియాలో పలు ఊహాగానాలు వినిపించాయి.
Soumya Rao reveals the reason for leaving Jabardasth..!
Jabardasth : రూమర్లపై క్లారిటీ ఇచ్చిన సౌమ్యా
సౌమ్యా వెళ్లిపోవడానికి హైపర్ ఆది వంటి కమెడియన్లతో వచ్చిన విభేదాలే కారణమని ప్రచారం జరిగింది. కానీ ఇటీవల ఒక టాక్ షోలో పాల్గొన్న సౌమ్యా ఈ వార్తలను పూర్తిగా ఖండించింది. తన వ్యక్తిగత, వృత్తిపరమైన జీవితానికి సంబంధించిన అనేక విషయాలను పంచుకున్న ఆమె, జబర్దస్త్ టీమ్ గురించి మంచి మాటలే చెప్పింది. షోలో తనకు ప్రియాంక సింగ్, సత్య శ్రీ వంటి వారు చాలా సన్నిహితులు అని తెలిపింది. అలాగే నూకరాజు, బుల్లెట్ భాస్కర్, శాంతి తదితరులు కూడా తనతో చాలా స్నేహపూర్వకంగా మెలిగారని పేర్కొంది. ఎవ్వరితోనూ తనకు గొడవలు లేవని, ఎవరూ తనను ఇబ్బంది పెట్టలేదని స్పష్టం చేసింది. తెలుగు భాషపై పూర్తి పట్టు లేకపోయినా టీమ్ సభ్యులంతా ఎంతో సహకరించి తనను ప్రోత్సహించారని చెప్పింది. షో నుంచి వెళ్లిపోయిన తర్వాత కూడా చాలామంది తనకు ఫోన్ చేసి మిస్ అవుతున్నామని చెప్పారని ఆమె వెల్లడించింది.
Jabardasth : హౌస్పై షాకింగ్ కామెంట్స్
అయితే తన ఎగ్జిట్కు సంబంధించిన అసలు విషయంపై సౌమ్యా కొంత మిస్టరీనే కొనసాగించింది. జబర్దస్త్ ప్రొడక్షన్ హౌస్ నిర్ణయం వెనుక వ్యాపార పరమైన ఆలోచనలు ఉండవచ్చని సూచించింది. “వాళ్ల దృష్టిలో నేను సరిపోలకపోయి ఉండొచ్చు. అది వారి నిర్ణయం. కొన్ని విషయాలు బయటపెట్టకపోవడమే మంచిది” అంటూ ఆసక్తికర వ్యాఖ్యలు చేసింది. కొన్ని నిజాలు ఉన్నప్పటికీ వాటిని బయటకు చెప్పడం వల్ల ప్రయోజనం కంటే నష్టం ఎక్కువగా ఉంటుందని కూడా ఆమె పేర్కొంది. ఈ వ్యాఖ్యలు ఇప్పుడు సోషల్ మీడియాలో వైరల్ అవుతూ చర్చకు దారితీస్తున్నాయి. కాగా సౌమ్యారావు జబర్దస్త్ నుంచి వెళ్లిపోవడం వెనుక పెద్ద వివాదం లేదని ఇది పూర్తిగా ప్రొడక్షన్ నిర్ణయమే కావచ్చని ఆమె మాటల ద్వారా అర్థమవుతోంది.
Also read
