Superstar Krishna : రేపు సూపర్ స్టార్ కృష్ణ అంతిమ సంస్కారాలు..!!

Authored By Breaking News | The Telugu News | Published on: November 15, 2022, 5:00 pm

Superstar Krishna : సూపర్ స్టార్ కృష్ణ మరణంతో ఇండస్ట్రీతోపాటు కుటుంబం ఎంతో వేదన చెందుతుంది. ఈరోజు తెల్లవారుజామున ఉదయం నాలుగు గంటలకు మరణించడం జరిగింది. దీంతో కృష్ణ పార్థివ దేహాన్ని కాంటినెంటల్ హాస్పిటల్ నుంచి ఆయన సొంత నివాసం నానక్ రామ్ గుడాకి తరలించనున్నారు. ఆ తర్వాత సాయంత్రం 5:00 నుంచి గచ్చిబౌలి స్టేడియంలో అభిమానుల సందర్శనర్థం పార్థివ దేహాన్ని ఉంచనున్నారు. రేపు పద్మాలయ స్టూడియోకి అనంతరం కృష్ణ భౌతికకాయాన్నికి

మహాప్రస్థానంలో అంతిమ సంస్కారాలు నిర్వహించనున్నారు. 79 సంవత్సరాల వయసు కలిగిన కృష్ణ గత కొంతకాలంగా శ్వాస సంబంధిత సమస్యలతో బాధపడుతున్నారు. నిన్న కార్డియాక్ అరెస్ట్ కావటంతో హాస్పిటల్ లో జాయిన్ కాగా మల్టీ ఆర్గాన్ ఫెయిల్యూర్ అవటంతో కృష్ణ ఆరోగ్యం విషమించి ఐసీయూలో వెంటిలేటర్ పై చికిత్స తీసుకుంటూనే ఈరోజు ఉదయం తెల్లవారుజామున మరణించడం జరిగింది. వైద్యులు ఆయనను కాపాడటానికి ఎంతో శ్రమించారు. కానీ పరిస్థితి నిన్న సాయంత్రానికే చేయి దాటి పోవడం జరిగింది అంట.

Superstar Krishna last rites tomorrow

ఈ క్రమంలో ఈరోజు ఉదయం కృష్ణ తుదిశ్వాస విడిచారు. దాదాపు 350కి పైగా సినిమాలు చేసిన కృష్ణ తెలుగు సినిమా రంగం అభివృద్ధి చెందటంలో కీలక పాత్ర పోషించారు. ఇండస్ట్రీని సాంకేతిక పరంగా పైకి తీసుకురావడంలో ఎన్నో సాహసాలు చేశారు. జేమ్స్ బాండ్, కౌబాయ్ వంటి సినిమాలు చేసి…తెలుగు సినిమా రంగంలో నూతన వరవడికి శ్రీకారం చుట్టారు. దీంతో కృష్ణ మరణంతో రేపు అంత్యక్రియలు జరగనున్న నేపథ్యంలో ఇండస్ట్రీలో షూటింగ్స్ మొత్తం బంద్ అయిపోయాయి.