Akhil : అఖిల్ కోసం సురేందర్ రెడ్డి ఇంత నేచురల్ బ్యూటీని తీసుకొస్తున్నాడా ..!

Akhil  : అఖిల్ కి భారీ హిట్ ఇవ్వడం కోసం సురేందర్ రెడ్డి అన్ని విధాలా గట్టి ప్రయత్నాలు చేస్తున్నాడు. సైరా తర్వాత సురేందర్ రెడ్డి కి దాదాపు సంవత్సరం గ్యాప్ వచ్చింది. ఈ గ్యాప్ లో చాలా కామెంట్స్ కూడా వేసిన వాళ్ళు ఉన్నారు. కాని అవేవి పట్టించుకోని సురేందర్ రెడ్డి నెక్స్ట్ ప్రాజెక్ట్స్ ని లైనప్ చేసుకునే పనిలో పడ్డాడు. ఒక్కసారిగా రెండు భారీ ప్రాజెక్ట్స్ ని అనౌన్స్ చేసి షాకిచ్చాడు. అందులో ఒక ప్రాజెక్ట్ పవర్ స్టార్ పవన్ కళ్యాణ్ తో చేయబోతున్నాడు. రాం తాళ్ళూరి ఈ సినిమాకి నిర్మాతగా వ్యవహరిస్తున్నాడు. ప్రస్తుతం ఈ సినిమాకి సంబంధించిన స్క్రిప్ట్ పూర్తి స్థాయిలో రెడీ చేస్తున్నారు.

surender reddy selected natural beauty for akhil movie

ఇక మరో ప్రాజెక్ట్ అఖిల్ అక్కినేని తో చేస్తున్నాడు. ఈ సినిమా అఖిల్ కెరీర్ లో 5 వ సినిమా కావడం విశేషం. ఇక ఈ సినిమాకి సురేందర్ రెడ్డి నిర్మాతగా కూడా వ్యవహరిస్తున్నాడు. ప్రముఖ నిర్మాత అనిల్ సుంకర తో కలిసి సురేందర్ రెడ్డి నిర్మిస్తూ దర్శకత్వం వహించబోతున్నాడు. అయితే అఖిల్ 5 ని సురేందర్ రెడ్డి ఎంతో ప్రతిష్ఠాత్మకంగా తీసుకున్నాడు. అందుకే బడ్జెట్ విషయంలో కూడా ఏమాత్రం కాంప్రమైజ్ కావడం లేదు. కథ కూడా కంప్లీట్ కమర్షియల్ ఎలిమెంట్స్ తో ఉండేలా ప్లాన్ చేసుకున్నాడు. రేసుగుర్రం..ధృవ లాంటి భారీ సక్సస్ అందుకునేలా సన్నాహాలు చేస్తున్నాడు.

bollywood model vaidya sakshi

బాలీవుడ్ మోడల్ వైద్యసాక్షి , సాయి పల్లవి  : Akhil

ఇక హీరోయిన్ విషయంలో కూడా సురేందర్ రెడ్డి ఎన్నో జాగ్రత్తలు తీసుకుంటున్నాడు. గ్యాంగ్ లీడర్ ఫేం ప్రియాంక అరుల్ మోహన్.. ఉప్పెన ఫేం కృతి శెట్టి పేర్లు అఖిల్ 5 కి పరిశీలిస్తున్నట్టు వార్తలు వస్తున్నాయి. అలాగే బాలీవుడ్ మోడల్ వైద్యసాక్షి ని కూడా చూస్తున్నట్టు వార్తలు రాగా దాదాపు ఈ బ్యూటీనే హీరోయిన్ గా ఫైనల్ చేశారని అంటున్నారు. అంతేకాదు వైద్యసాక్షి నేచురల్ పర్ఫార్మెన్స్ లో సాయి పల్లవి రేంజ్ అని సురేందర్ రెడ్డి గట్టిగా నమ్ముతున్నాడట. ఇప్పటికే సురేందర్ రెడ్డి వైద్యసాక్షి ని అన్ని రకాలుగా పరిశీలించి అఖిల్ కి జంటగా పర్‌ఫెక్ట్ అని భావించాడని తెలుస్తోంది. వైద్యసాక్షి నే హీరోయిన్ గా ఫిక్స్ చేశారని సమాచారం. ఇక ఫిబ్రవరి నుంచి ఈ సినిమా సెట్స్ మీదకి వెళ్ళబోతోంది.