Venkatesh : వెంకటేష్ నుంచి మూడు సినిమాలు..75 వ సినిమాకి సన్నాహాలు..!

Venkatesh : వెంకటేష్ యంగ్ హీరోలకి పోటీగా సినిమాలను కంప్లీట్ చేస్తున్నాడు. కరోనా క్రైసిస్ లో కూడా వెంకీ మూడు సినిమాలను పూర్తి చేయడం గొప్ప విషయం. వెంకీ నుంచి ఆ 3 సినిమాలు ఈ ఏడాదే ప్రేక్షకుల ముందుకు రాబోతున్నాయి. వీటిలో రెండు సినిమాలు రీమేక్ సినిమాలు. తమిళంలో యంగ్ హీరో ధనుష్ నటించిన ‘అసురన్’ సినిమాని వెంకటేష్ తెలుగులో ‘నారప్ప’ టైటిల్‌తో రీమేక్ చేశాడు. సురేష్ బాబు, కలైపులి ఎస్ థాను ఈ సినిమాని నిర్మించారు. ఈ సినిమాలో వెంకీ సరసన ప్రియమణి నటించింది. శ్రీకాంత్ అడ్డాల తెరకెక్కించాడు. ప్రస్తుతం పోస్ట్‌ప్రొడక్షన్స్ వర్క్ జరుగుతున్న ఈ సినిమా మే 14న ప్రేక్షకుల ముందుకు రానుంది.

అలాగే మెగా ప్రిన్స్ వరుణ్ తేజ్ తో కలిసి ‘ఎఫ్ 3’ చేస్తున్నాడు వెంకటేష్. అనిల్ రావిపూడి దర్శకత్వంలో రూపొందుతున్న ఈ సినిమా షూటింగ్ దశలో ఉండగా దర్శకుడికి కరోనా కారణంగా ప్రస్తుతం షూటింగ్‌కి బ్రేక్ పడింది. కాగా ఈ సినిమాలో తమన్నా, మెహ్రీన్ హీరోయిన్స్‌గా నటిస్తున్నారు. ఇక మళయాళంలో సూపర్ హిట్ అయిన ‘దృశ్యం 2’ తెలుగు రీమేక్‌లో వెంకటేష్ నటిసున్న సంగతి తెలిసిందే. మీనా.. వెంకీకి జంటగా నటిస్తున్న ఈ సినిమాకి ఒరిజినల్ వెర్షన్‌ను తెరకెక్కించిన జీతు జోసెఫ్ తెలుగు రీమేక్‌ కు దర్శకత్వం వహిస్తున్నాడు. ఇప్పటికే ఈ సినిమాకి సంబంధించిన వెంకీ పార్ట్ షూటింగ్ కంప్లీట్ అయింది. 50 రోజుల్లో ఈ సినిమా షూటింగ్ కంప్లీట్ చేయడం విశేషం.

Venkatesh : వెంకటేష్ తన 75వ సినిమా..త్రివిక్రమ్ తో సంప్రదింపులు..?

ఇలా నారప్ప, ఎఫ్ 3, ‘దృశ్యం 2’ తెలుగు రీమేక్‌ సినిమాలతో ఈ ఏడాది బాక్సాఫీస్ వద్ద సందడి చేయనున్న వెంకటేష్ తన కెరీర్‌లో మైల్ స్టోన్ మూవీ 75 కి కథా చర్చలు.. దర్శకుడి గురించి చర్చలు మొదలయ్యాయి. వెంకటేష్ తన 75వ సినిమాని ఏ దర్శకుడితో చేస్తే బావుంటుందన్న ఆలోచనలో ఉన్న సురేష్ బాబు త్రివిక్రమ్ అయితే అన్నీ విధాలా బావుంటుందన్న నిర్ణయానికి వచ్చారట. ప్రస్తుతం త్రివిక్రమ్ తో సంప్రదింపులు జరుపుతున్నట్టు తెలుస్తోంది. త్రివిక్రమ్ వాస్తవంగా ఎన్.టి,ఆర్ తో సినిమా చేయాల్సి ఉండగా ఆ ప్రాజెక్ట్ పెండింగ్ లో పడింది. దాంతో నెక్స్ట్ సినిమాని మహేష్ బాబుతో ప్లాన్ చేస్తున్నాడు. మరి త్రివిక్రమ్ నెక్స్ట్ సినిమా వెంకీ 75 లేక మహేష్‌తోనా అన్నది త్వరలో క్లారిటీ రానుంది.