Akhil Akkineni ; ‘ అఖిల్ ‘ సినిమాతో టాలీవుడ్ ఇండస్ట్రీలోకి అడుగు పెట్టాడు అక్కినేని వారసుడు అఖిల్. మొదటి సినిమా పరవాలేదు అనిపించిన ఆ తర్వాత వచ్చిన సినిమాలు ఊహించిన స్థాయిలో సక్సెస్ కాలేదు. మిగిలిన హీరోలంతా పాన్ ఇండియా స్థాయిలో సినిమాలు చేస్తూ దూసుకెళుతుంటే అక్కినేని వారసులు మాత్రం కనీసం హీరోగా కూడా సక్సెస్ కాలేకపోతున్నారు. నాగచైతన్య పర్వాలేదనిపించిన అఖిల్ మాత్రం హీరోగా నిలదొక్కుకోలేకపోతున్నాడు. ఇటీవల ‘ ఏజెంట్ ‘ సినిమాతో ప్రేక్షకుల ముందుకు వచ్చిన అఖిల్ భారీ డిజాస్టర్ ను తన ఖాతాలో వేసుకున్నాడు.

Venu Swamy comments about Akhil Akkineni

సురేందర్ రెడ్డి దర్శకత్వం వహించిన ఈ సినిమాను ఏకే ఎంటర్టైన్మెంట్ బ్యానర్ పై అనిల్ సుంకర నిర్మించారు. హీరోయిన్ గా సాక్షి వైద్య నటించింది. ఈ సినిమా కోసం అఖిల్ చాలా కష్టపడ్డాడు కానీ తగిన ఫలితం లభించలేదు. అయితే అఖిల్ వరుస ప్లాపులకు కారణం అతని జాతకంలో ఉన్న దోషం వల్లే అని వేణు స్వామి చేసిన ఒకప్పటి వ్యాఖ్యలు సోషల్ మీడియాలో వైరల్ అవుతున్నాయి. వేణు స్వామి మాట్లాడుతూ అఖిల్ జాతకంలో సమస్యలు ఉన్నాయని ప్రధానంగా జాతకంలో నాగదోషం ఉందని పేర్కొన్నారు.

ఈ దోషం ఉన్నవారు ఇతరుల సలహా తీసుకోకూడదు తీసుకుంటే అది మిస్ ఫైర్ అవుతుందని అన్నారు. అఖిల్ హిట్ కొట్టాలంటే అతని సినిమా విషయంలో ఎవరి ప్రభావం ఉండకూడదు అని అన్నారు. తన సొంత నిర్ణయాలతోనే సినిమాలు చేయాలని అన్నారు. అఖిల్ జాతకంలో చంద్రుడు నీచంలో ఉన్నాడని, తల్లి చంద్రుడికి, తండ్రి సూర్యుడికి సంకేతం అని ఆయన అన్నారు. చంద్రుడు నీచంలో ఉండడం వలన అఖిల్ సినిమాల విషయంలో అమల గారి ప్రమేయం కలిసి రాదని అన్నారు. ఇవన్నీ జాతకపరమైన అంశాలే తప్ప వ్యక్తిగత అభిప్రాయాలు కావు అంటూ వేణు స్వామి తెలిపారు.

Follow Us

prabhas

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది