Children : ఏంటి మీ పిల్లలు టీవీ చూస్తూ అన్నం తింటున్నారా..? ఇది ఎంత ప్రమాదమో తెలుసా..?

Children : చాలామంది తల్లిదండ్రులు తమ పిల్లలు సులభంగా తినాలని టీవీలో కార్టూన్‌లు లేదా రైమ్‌లు చూపిస్తూ ఆహారం తినిపిస్తారు. కానీ ఈ అలవాటు పిల్లల శారీరక, మానసిక ఎదుగుదలపై తీవ్ర ప్రభావం చూపుతుందని డాక్టర్స్ హెచ్చరిస్తున్నారు. స్క్రీన్ చూస్తూ తినడం వల్ల పిల్లలు తమకు ఎంత ఆకలిగా ఉందో, ఎంత తిన్నారో గ్రహించలేరు. దీనివల్ల ఎక్కువ తినేసి ఊబకాయం బారిన పడటం, లేదా సరిగా తినక పోషకాహార లోపంతో బాధపడటం వంటి సమస్యలు వస్తాయి. అంతేకాకుండా, ఈ అలవాటు వల్ల పిల్లలు సొంతంగా తినడం నేర్చుకోలేరు, ఇది వారి స్వతంత్రతను దెబ్బతీస్తుంది.

Children : ఏంటి మీ పిల్లలు టీవీ చూస్తూ అన్నం తింటున్నారా..? ఇది ఎంత ప్రమాదమో తెలుసా..?

Children  : మీ పిల్లలు టీవీ చూస్తూ తింటున్నారా..? ఇది కరెక్ట్ కదా..? డాక్టర్ ఏం చెబుతున్నారంటే..?

టీవీ చూస్తూ తినడం వల్ల పిల్లలు ఏకాగ్రత లేకుండా తింటారు. దీనివల్ల ఆహారాన్ని సరిగా నమలక, జీర్ణక్రియ నెమ్మదిగా జరుగుతుంది. ఇది అజీర్తి వంటి సమస్యలకు దారి తీస్తుంది. అలాగే, భోజన సమయం అనేది కుటుంబ సభ్యులందరూ కలిసి సంతోషంగా గడిపే సమయం. టీవీ, ఫోన్ల వల్ల ఈ విలువైన సమయం కోల్పోతుంది. కుటుంబ సభ్యుల మధ్య సంభాషణలు తగ్గిపోతాయి. ఈ అలవాటు పిల్లలను కుటుంబానికి దూరం చేస్తుంది.

ఈ సమస్యను పరిష్కరించడానికి కొన్ని సాధారణ చిట్కాలు పాటిస్తే సరిపోతుంది. ఇంట్లో భోజనానికి టీవీ, ఫోన్ లేకుండా ఒక నియమం పెట్టుకోండి. అందరూ కలిసి కూర్చుని తినడం అలవాటు చేయండి. తింటున్నప్పుడు ఆహారం రంగులు, రుచులు, వాసనల గురించి పిల్లలతో మాట్లాడండి. స్క్రీన్ బదులుగా వారికి కథలు చెప్పడం లేదా పాటలు పాడటం అలవాటు చేయండి. ఈ చిన్న మార్పులు పిల్లల మంచి భవిష్యత్తుకు బలమైన పునాది వేస్తాయి. ఈ చిట్కాలను పాటిస్తే పిల్లలు ఆరోగ్యంగా, సంతోషంగా ఉంటారు.