Tea-biscuit : టీ తోపాటు బిస్కెట్లు కూడా తీసుకుంటున్నారా?.. అయితే ఈ సమస్యలు వస్తాయ్ జాగ్రత్త..!
ప్రధానాంశాలు:
Tea-biscuit : టీ తోపాటు బిస్కెట్లు కూడా తీసుకుంటున్నారా?.. అయితే ఈ సమస్యలు వస్తాయ్ జాగ్రత్త..!
Tea-biscuit : చాలా మంది బిస్కెట్లు హానికరం కావని భావిస్తూ వాటిని రోజువారీ ‘హెల్తీ స్నాక్’గా తీసుకుంటుంటారు. కానీ తాజా వైద్య పరిశీలనలు మాత్రం దీనికి పూర్తి విరుద్ధంగా చెబుతున్నాయి. ఇన్సులిన్ రెసిస్టెన్స్తో బాధపడుతున్న అనేక మంది రోగులను అధ్యయనం చేసిన ప్రముఖ వైద్య నిపుణులు, బిస్కెట్లు అసలు ‘బ్లడ్ గ్లూకోజ్ డెలివరీ సర్వీస్’లాగా పనిచేస్తాయని హెచ్చరిస్తున్నారు. మనం సాధారణంగా మధుమేహానికి కారణమయ్యేవిగా స్వీట్లు, కూల్ డ్రింక్స్ను అనుకుంటాం. కానీ ప్రతి రోజు టీతో తినే చిన్న బిస్కెట్ కూడా మన మెటబాలిక్ ఆరోగ్యాన్ని నెమ్మదిగా దెబ్బతీస్తుందని నిపుణులు చెబుతున్నారు.
Tea-biscuit : టీ తోపాటు బిస్కెట్లు కూడా తీసుకుంటున్నారా?.. అయితే ఈ సమస్యలు వస్తాయ్ జాగ్రత్త..!
Tea-biscuit : బిస్కెట్లలో దాగి ఉన్న ప్రమాదం
సాధారణంగా మార్కెట్లో లభించే బిస్కెట్లలో ఉండే పదార్థాలు ఆరోగ్యానికి అనుకూలం కావు. ముఖ్యంగా మైదా (రిఫైన్డ్ ఫ్లోర్) శరీరంలో చాలా వేగంగా జీర్ణమై రక్తంలో గ్లూకోజ్ స్థాయిలను ఒక్కసారిగా పెంచుతుంది. దీనికి తోడు అధిక చక్కెర ఉండటం వల్ల గ్లూకోజ్ స్థాయిలు మరింత వేగంగా పెరుగుతాయి. వెజిటబుల్ ఆయిల్స్ వాడకం శరీరంలో వాపును పెంచే అవకాశం ఉంది. ముఖ్యంగా ఫైబర్, ప్రోటీన్ లాంటి పోషకాలు లేకపోవడం వల్ల ఈ గ్లూకోజ్ పెరుగుదలను నియంత్రించే సామర్థ్యం శరీరానికి ఉండదు. ఫలితంగా ఇన్సులిన్ స్థాయిలు ఒక్కసారిగా పెరిగి, శరీరంపై ఒత్తిడి పెరుగుతుంది.
Tea-biscuit : ఇన్సులిన్ రెసిస్టెన్స్ ప్రభావాలు
ఇన్సులిన్ రెసిస్టెన్స్ అనేది శరీరంలోని కణాలు ఇన్సులిన్కు సరిగ్గా స్పందించకపోవడం. దీని వల్ల శరీరం మరింత ఇన్సులిన్ ఉత్పత్తి చేయాల్సి వస్తుంది. దీని ప్రభావంగా వ్యక్తికి విపరీతమైన అలసట ‘బ్రెయిన్ ఫాగ్’ వంటి సమస్యలు ఎదురవుతాయి. పొత్తికడుపు భాగంలో కొవ్వు పెరగడం, బరువు పెరగడం వంటి లక్షణాలు కనిపిస్తాయి. ఈ పరిస్థితి దీర్ఘకాలంలో టైప్-2 మధుమేహానికి దారితీసే ప్రమాదం ఉంది. ఒక వ్యక్తి టీతో రెండు బిస్కెట్లు తిన్న తర్వాత 20-30 నిమిషాల్లో గ్లూకోజ్ స్థాయిలు పెరిగి 60-90 నిమిషాల్లో మళ్లీ పడిపోతాయి. ఈ మార్పులు ఆకలి పెరగడానికి దారి తీసి మరింతగా బిస్కెట్లు తినే అలవాటును పెంచుతాయి.
Tea-biscuit : ఆరోగ్యకరమైన ప్రత్యామ్నాయాలు
నిపుణులు బిస్కెట్ల వినియోగాన్ని కనీసం కొన్ని వారాల పాటు పూర్తిగా మానేయాలని సూచిస్తున్నారు. బదులుగా ప్రోటీన్ అధికంగా ఉండే ఆహారాలను తీసుకోవడం మంచిదని చెబుతున్నారు. ఉదాహరణకు ఉడికించిన గుడ్లు, బాదం పప్పులు, పనీర్ లేదా గ్రీక్ యోగర్ట్ వంటి ఆహారాలు శరీరానికి అవసరమైన పోషకాలను అందిస్తాయి. తీపి తినాలనిపించినప్పుడు అధిక కోకో ఉండే డార్క్ చాక్లెట్ లేదా తాజా బెర్రీలు తీసుకోవచ్చు. అలాగే భోజనాల మధ్య విరామం ఇవ్వడం వల్ల ఇన్సులిన్ స్థాయిలు సమతుల్యంగా ఉంటాయి. మధుమేహం ఒక్కరోజులో రాదు. ప్రతిరోజూ చేసే చిన్నపాటి అలవాట్లే పెద్ద ఆరోగ్య సమస్యలకు దారితీస్తాయి. టీతో బిస్కెట్లు తినే అలవాటును మార్చి, పోషకాహారాన్ని ఎంచుకోవడం ద్వారా మన మెటబాలిక్ ఆరోగ్యాన్ని కాపాడుకోవచ్చు.
Also read
