Ration Card : రేషన్కార్డుదారులకు గుడ్న్యూస్ .. మరో డిజిటల్ సౌకర్యం తీసుకోచ్చిన కేంద్రం .. ఈ సేవల వల్ల భారీ ఊరట ..!
ప్రధానాంశాలు:
Ration Card : రేషన్కార్డుదారులకు గుడ్న్యూస్ .. మరో డిజిటల్ సౌకర్యం తీసుకోచ్చిన కేంద్రం .. ఈ సేవల వల్ల భారీ ఊరట ..!
Ration Card : దేశంలోని ప్రతి పౌరుడికి సరసమైన ధరలకు ఆహార ధాన్యాలు అందించేందుకు కేంద్ర ప్రభుత్వం అనేక సంక్షేమ పథకాలను అమలు చేస్తోంది. ఈ పథకాల ప్రయోజనాలు పొందడానికి రేషన్ కార్డు కీలక పత్రంగా భావిస్తారు. అయితే రేషన్ వివరాలు తెలుసుకోవడం, కోటా ఎంత వచ్చింది అనే విషయాలు తెలుసుకోవడం కోసం చాలా మంది ప్రభుత్వ కార్యాలయాలు లేదా రేషన్ దుకాణాల వద్దకు వెళ్లాల్సి వచ్చేది. ఇప్పుడు ఆ ఇబ్బందులకు చెక్ పడింది. కేంద్ర ప్రభుత్వం రూపొందించిన UMANG యాప్లో కొత్తగా Mera Ration ఫీచర్ను అందుబాటులోకి తీసుకువచ్చింది. ఈ సదుపాయం ద్వారా రేషన్ కార్డుకు సంబంధించిన పూర్తి సమాచారం మొబైల్ ఫోన్ ద్వారానే సులభంగా తెలుసుకోవచ్చు.
Ration Card : రేషన్కార్డుదారులకు గుడ్న్యూస్ .. మరో డిజిటల్ సౌకర్యం తీసుకోచ్చిన కేంద్రం .. ఈ సేవల వల్ల భారీ ఊరట ..!
Ration Card : రేషన్ వివరాలు ఇప్పుడు మొబైల్లోనే
కొత్త డిజిటల్ సౌకర్యం అందుబాటులోకి రావడంతో రేషన్ కార్డు లబ్ధిదారులకు పెద్ద ఊరట లభిస్తోంది. ఇప్పటివరకు రేషన్ కోటా ఎంత కేటాయించారో, ఇప్పటికే ఎంత సరుకు తీసుకున్నారో తెలుసుకోవడానికి గంటల తరబడి దుకాణాల వద్ద వేచి ఉండాల్సి వచ్చేది. కానీ ఇప్పుడు UMANG యాప్లోని Mera Ration ఫీచర్ ద్వారా ఈ వివరాలన్నీ ఇంటి వద్దే కూర్చుని తెలుసుకోవచ్చు. ఒక కుటుంబానికి ఒక నెలకు ఎంత రేషన్ కేటాయించబడింది, అందులో ఎంత తీసుకున్నారు అనే వివరాలు స్పష్టంగా కనిపిస్తాయి. దీంతో ఎక్కడైనా తక్కువ రేషన్ ఇస్తున్నారా, లేదా అక్రమాలు జరుగుతున్నాయా అన్నది లబ్ధిదారులు సులభంగా గుర్తించగలరు. ప్రభుత్వ పథకాల అమలులో పారదర్శకత పెరగడానికి కూడా ఈ వ్యవస్థ దోహదపడుతోంది.
Ration Card : వలస కూలీలకు పెద్ద సహాయం
ఈ కొత్త ఫీచర్ ముఖ్యంగా వలస కూలీలకు చాలా ఉపయోగకరంగా మారనుంది. పనుల కోసం ఒక ప్రాంతం నుంచి మరో ప్రాంతానికి వెళ్లే వారు అక్కడి రేషన్ దుకాణాల గురించి తెలియక ఇబ్బంది పడుతుంటారు. కానీ ఇప్పుడు Mera Ration ఫీచర్ సహాయంతో తమకు దగ్గరలో ఉన్న రేషన్ దుకాణాల వివరాలను సులభంగా తెలుసుకోవచ్చు. యాప్ వినియోగదారుడి ప్రస్తుత లొకేషన్ ఆధారంగా సమీప రేషన్ డీలర్ల అడ్రస్, మ్యాప్ వివరాలను చూపిస్తుంది. దీంతో కొత్త ప్రాంతాల్లో కూడా తమకు కేటాయించిన రేషన్ను ఎలాంటి ఇబ్బంది లేకుండా పొందే అవకాశం ఉంటుంది. అదేవిధంగా గతంలో తీసుకున్న రేషన్ లావాదేవీల వివరాలను కూడా పరిశీలించవచ్చు.
Ration Card : యాప్ను ఎలా ఉపయోగించాలి?
ఈ సదుపాయాన్ని పొందడానికి ముందుగా స్మార్ట్ఫోన్లో UMANG యాప్ను డౌన్లోడ్ చేసుకోవాలి. యాప్ను ఓపెన్ చేసిన తర్వాత మొబైల్ నంబర్తో రిజిస్ట్రేషన్ పూర్తి చేయాలి. తర్వాత భద్రత కోసం నాలుగు అంకెల MPIN సెట్ చేయాలి. లాగిన్ అయిన తర్వాత సెర్చ్ బాక్స్లో Mera Ration అని టైప్ చేస్తే రేషన్ కార్డుకు సంబంధించిన సేవలు కనిపిస్తాయి. అక్కడ మీ రేషన్ కార్డు నంబర్ నమోదు చేస్తే పూర్తి వివరాలు అందుబాటులోకి వస్తాయి. ఒకవేళ రేషన్ కార్డు నంబర్ తెలియకపోయినా ఆధార్ వివరాలు నమోదు చేసి కూడా సమాచారం పొందే అవకాశం ఉంటుంది. డిజిటల్ సేవలను ప్రజలకు చేరువ చేయడంలో ఈ కొత్త ఫీచర్ కీలక పాత్ర పోషిస్తోంది. రేషన్ వివరాలు తెలుసుకోవడం, సమీప దుకాణాలను గుర్తించడం, కోటా వివరాలను ట్రాక్ చేయడం వంటి సేవలు ఒకే యాప్లో అందుబాటులో ఉండటం ప్రజలకు సమయం, శ్రమ ఆదా చేసే పరిష్కారంగా మారింది. దీంతో ప్రభుత్వ సేవలు మరింత పారదర్శకంగా, సులభంగా అందుబాటులోకి వస్తున్నాయి.
Also read
