Ration Cards : దేశవ్యాప్తంగా రేషన్ కార్డు ఉన్న ప్రజలకు కేంద్ర ప్రభుత్వం శుభవార్త అందించింది. రేషన్ సేవలను మరింత సులభతరం చేయడానికి ప్రభుత్వం వాటిని పూర్తిగా డిజిటల్ విధానంలోకి తీసుకొచ్చింది. ఇప్పుడు రేషన్ కార్డుకు సంబంధించిన ఎక్కువ భాగం సేవలను మొబైల్ ఫోన్ ద్వారానే పొందేలా కొత్త సదుపాయం కల్పించింది. ఇకపై ప్రభుత్వ కార్యాలయాలకు వెళ్లాల్సిన అవసరం లేకుండా, ఇంటి వద్ద నుంచే రేషన్ కార్డు దరఖాస్తు నుంచి వినియోగ వివరాల వరకు అన్నీ తెలుసుకునే అవకాశం కలిగింది. ఈ సేవలను అందించేందుకు ప్రభుత్వం ఉమాంగ్ యాప్‌లో ప్రత్యేకంగా “మేరా రేషన్” అనే కొత్త ఫీచర్‌ను అందుబాటులోకి తీసుకొచ్చింది. ఈ ఫీచర్ ద్వారా రేషన్ కార్డు దారులు తమకు ప్రతి నెల ఎంత రేషన్ వస్తోంది, ఇప్పటివరకు ఎంత తీసుకున్నారు వంటి వివరాలను సులభంగా చెక్ చేసుకోవచ్చు. దీంతో ప్రజలకు పారదర్శకంగా సేవలు అందేలా ప్రభుత్వం చర్యలు చేపట్టింది.

Ration Cards : ఉమాంగ్ యాప్‌లో ‘మేరా రేషన్’ ఫీచర్

కేంద్ర ప్రభుత్వం ఉమాంగ్ మొబైల్ యాప్‌లో “మేరా రేషన్” అనే ఫీచర్‌ను ప్రారంభించింది. ఈ ఫీచర్ ద్వారా రేషన్ కార్డు దారులు తమకు అవసరమైన సేవలను ఒకే చోట పొందవచ్చు. ఇంట్లో నుంచే రేషన్ కార్డు కోసం దరఖాస్తు చేయడం, దరఖాస్తు స్థితి తెలుసుకోవడం, ప్రభుత్వం అందించే రేషన్ వివరాలు చెక్ చేయడం వంటి సేవలు అందుబాటులో ఉంటాయి. అంతేకాదు కుటుంబానికి నెలకు ఎంత రేషన్ కేటాయించబడింది. ఇప్పటివరకు ఎంత తీసుకున్నారు అనే సమాచారాన్ని కూడా యాప్‌లోనే తెలుసుకోవచ్చు. రేషన్ కార్డు దేశంలో పేద మరియు మధ్యతరగతి కుటుంబాలకు ముఖ్యమైన డాక్యుమెంట్. దీని ద్వారా ప్రభుత్వం సబ్సిడీ ధరలకు బియ్యం, గోధుమలు, చక్కెర వంటి నిత్యావసర వస్తువులను అందిస్తుంది. అందుకే ఈ సేవలను డిజిటల్ రూపంలో అందించడం ద్వారా ప్రజలకు మరింత సౌకర్యం కలగనుంది.

Ration Cards : ‘మేరా రేషన్’ ఫీచర్ వల్ల లాభాలు

ఈ కొత్త ఫీచర్ ద్వారా రేషన్ కార్డు దారులకు పలు ప్రయోజనాలు కలుగనున్నాయి. ముఖ్యంగా రేషన్ వినియోగాన్ని సులభంగా ట్రాక్ చేసుకునే అవకాశం ఉంటుంది. ఒక కుటుంబానికి నెలకు ఎంత రేషన్ కేటాయించబడిందో తెలుసుకోవచ్చు. అలాగే ఇప్పటివరకు ఎంత రేషన్ తీసుకున్నారో కూడా స్పష్టంగా తెలుసుకోవచ్చు. దీంతో రేషన్ కోటాలో ఏమైనా తేడా వస్తే వెంటనే గుర్తించే అవకాశం ఉంటుంది. ఇంకా వేరే ప్రాంతానికి వెళ్లినప్పుడు సమీపంలోని రేషన్ దుకాణాలను యాప్ ద్వారా గుర్తించవచ్చు. గతంలో తీసుకున్న రేషన్ లావాదేవీల హిస్టరీ కూడా యాప్‌లో చూడవచ్చు. అలాగే సమీప రేషన్ షాపుల అడ్రస్, గూగుల్ మ్యాప్ లొకేషన్ వంటి వివరాలు కూడా అందుబాటులో ఉంటాయి. దీంతో ప్రజలు రేషన్ షాపు లేదా కార్యాలయాలకు వెళ్లాల్సిన అవసరం లేకుండా మొబైల్ ఫోన్ ద్వారానే అన్ని వివరాలు తెలుసుకోవచ్చు.

Ration Cards : ఈ ఫీచర్‌ను ఎలా ఉపయోగించాలి?

ఈ సేవలను పొందాలంటే ముందుగా ఉమాంగ్ యాప్‌ను మొబైల్‌లో ఇన్‌స్టాల్ చేసుకోవాలి. తర్వాత మీ మొబైల్ నెంబర్‌తో లాగిన్ అవ్వాలి. లాగిన్ అయిన తర్వాత భద్రత కోసం 4 అంకెల ఎంపిన్ సెట్ చేసుకోవాలి. ఆ తర్వాత యాప్ హోమ్ పేజీలో ఉన్న సెర్చ్ బాక్స్‌లో “మేరా రేషన్” అని టైప్ చేసి సంబంధిత సేవలను ఓపెన్ చేయాలి. అక్కడ రేషన్ కార్డు సేవలపై క్లిక్ చేసి మీ రేషన్ కార్డు నెంబర్ ఎంటర్ చేస్తే అన్ని వివరాలు కనిపిస్తాయి. అయితే రేషన్ కార్డు నెంబర్ లేకపోయినా ఆధార్ నెంబర్ ద్వారా కూడా రేషన్ వివరాలను తెలుసుకునే సదుపాయం అందుబాటులో ఉంది. ఈ విధంగా కేంద్ర ప్రభుత్వం తీసుకొచ్చిన ఈ డిజిటల్ సదుపాయం వల్ల రేషన్ సేవలు మరింత సులభంగా ప్రజలకు అందుబాటులోకి రానున్నాయి.