Chiranjeevi | మెగాస్టార్ చిరంజీవి పుట్టిన రోజు సందర్భంగా అభిమానులకు మరో ప్రత్యేక కానుక అందింది. ప్రస్తుతం ఆయన దర్శకుడు అనిల్ రావిపూడి తెరకెక్కిస్తున్న తాజా చిత్రానికి అధికారికంగా టైటిల్‌ను ప్రకటించారు. ఈ సినిమాకు ఎన్నో రోజులుగా ఊహాగానాలు జరుగుతున్నట్లు… ‘మన శంకర వరప్రసాద్ గారు’ అనే టైటిల్‌ను ఫిక్స్ చేశారు. ఈ టైటిల్‌తో పాటు గ్లింప్స్ వీడియోను కూడా రిలీజ్ చేశారు. చిరంజీవి ఈ గ్లింప్స్‌లో కనిపించిన స్టైల్, ఎనర్జీ, మాస్ అప్పీల్ ఫ్యాన్స్‌ను ఖుషీ చేసింది.

లుక్ అదిరింది..

ఈ సినిమాను అనిల్ రావిపూడి తన స్టైల్‌కు అనుగుణంగా ఫ్యామిలీ కామెడీ, మాస్ ఎలిమెంట్స్ మేళవించి రూపొందిస్తున్నాడు. చిరు నయనతార జోడీగా కనిపించనుండగా, ఇతర కీలక పాత్రల్లో కేథరిన్ ట్రెసా, వీటీవీ గణేష్, మురళీధర్ గౌడ్ తదితరులు నటిస్తున్నారు.

ఈ చిత్రాన్ని 2026 సంక్రాంతికి విడుదల చేయాలని మేకర్స్ ప్లాన్ చేస్తున్నారు. ఇప్పటివరకు ఈ సినిమాకు రెండు షెడ్యూల్స్ పూర్తయ్యాయి. ప్రస్తుతం మూడో షెడ్యూల్‌కు సన్నాహాలు జరుగుతున్నాయి. సంక్రాంతి రేసులో మిగతా బడా సినిమాలకు పోటిగా ఈ చిత్రం నిలవనుందని భావిస్తున్నారు. ఈ సినిమాను షైన్ స్క్రీన్స్ నిర్మాణ సంస్థతో పాటు చిరంజీవి కుమార్తె సుస్మిత కొణిదెల తన బ్యానర్ గోల్డ్ బాక్స్ ఎంటర్‌టైన్‌మెంట్స్ ద్వారా నిర్మిస్తున్నారు. సంగీతం భీమ్స్ సిసిరోలియో అందిస్తున్నారు.