Diwali | దీపావళి 2025: ఖచ్చితమైన తేదీ, శుభ సమయం, పూజా విధానం ఏంటి?
Diwali | హర్షాతిరేకాలతో, వెలుగుల మధ్య జరుపుకునే హిందూ ధర్మంలోని మహా పర్వదినం దీపావళి మళ్లీ ముంచుకొస్తోంది. పిల్లలు, పెద్దలు అనే తేడా లేకుండా ప్రతి ఇంట్లో దీపాల వెలుగుతో జిగేల్‌మనిపించే ఈ పండుగలో లక్ష్మీ దేవిని, గణేశుడిని పూజిస్తారు. 2025లో దీపావళి ఎప్పుడనే దానిపై కొంత గందరగోళం నెలకొనగా, ఇప్పుడు దానిపై స్పష్టత వచ్చింది.
#image_title
2025 దీపావళి తేదీ & తిథి:
దృక్ పంచాంగం ప్రకారం,
అమావాస్య తిథి ప్రారంభం: అక్టోబర్ 20, 2025 – తెల్లవారుజామున 3:44 గంటలకు
తిథి ముగింపు: అక్టోబర్ 21, 2025 – ఉదయం 5:54 గంటలకు
ఈ మేరకు దీపావళి పండుగ అక్టోబర్ 20, సోమవారం నాడు జరుపుకోవాల్సి ఉంటుంది.
లక్ష్మీ-గణేశ పూజ విధానం:
ఇంటి శుభ్రత: పూజకు ముందు ఇంటిని శుభ్రం చేయాలి. ప్రవేశ ద్వారం వద్ద రంగవల్లి, దీపాలు వేయాలి.
పూజా మండపం సిద్ధం: ఎర్రటి వస్త్రంపై లక్ష్మీదేవి, గణేశుడు, కుబేరుడి విగ్రహాలు పెట్టాలి.
పూజ ప్రారంభం: నీటి ఆచమనం చేసి గణేశుడిని ముందుగా పూజించాలి.
లక్ష్మీ పూజ: తామర పువ్వులు, పసుపు, సింధూరం, స్వీట్లు, పండ్లతో అమ్మవారిని పూజించాలి.
దీపారాధన: 11, 21 లేదా 51 నెయ్యి/నూనె దీపాలు వెలిగించాలి.
ప్రసాదం: కుటుంబంతో కలిసి హారతి ఇచ్చి, ప్రసాదాన్ని పంచాలి.
దీపావళి రోజు చేయాల్సిన విశేష కర్మలు:
తులసి మొక్క దగ్గర 9 దీపాలు వెలిగించండి – ఇది ఇంటి నుంచి నెగటివ్ ఎనర్జీని తొలగిస్తుందని నమ్మకం.
రాత్రి రావి చెట్టు కింద నూనె దీపం వెలిగించండి – వెనక్కి తిరిగి చూడకుండా ఇంటికి రావాలి. ఇది ఆర్థిక సమస్యల నుండి విముక్తిని ఇస్తుందని విశ్వాసం.
తెలుపు లేదా పసుపు దుస్తులు ధరించండి – శుభ ఫలితాలను అందిస్తాయి.
ఆర్థిక ప్రణాళిక: అప్పు ఉంటే ఈ రోజున కొత్త ఫైనాన్షియల్ ప్లాన్ ప్రారంభించడం మంచిది.
Also read
