Farmers : ఐదెక‌రాల లోపు రైతుల‌కు శుభ‌వార్త‌.. కిసాన్ ఆశీర్వాద్ పథకం ద్వారా రూ.25 వేలు అంద‌జేత‌..!

Farmers : వ్యవసాయ రంగం మన ఆర్థిక వ్యవస్థకు వెన్నెముక లాంటిది. కావునా ప్రతి ఏడాది కేంద్ర, రాష్ట్ర ప్ర‌భుత్వాలు త‌మ బడ్జెట్‌లో వ్యవసాయ రంగానికి అధిక ప్రాధాన్యత ఇస్తుంటాయి. అలాగే రైతుల సంక్షేమం, వ్యవసాయ రంగ అభివృద్ధికి ప్రత్యేక పథకాలను చేపడుతున్నాయి. విత్తనాలు, ఎరువులు, వ్యవసాయ యంత్రాలను సబ్సిడీ ధరలకు అందించడం, మ‌ద్ద‌తు ధ‌ర‌కు పంట కొనుగోళ్లు, వడ్డీ లేని వ్యవసాయ రుణాలు, సబ్సిడీ రుణాలు మరియు పాడి పెంపకం, కోళ్ల పెంపకం, మేకల పెంపకం వంటి వ్యవసాయ కార్యకలాపాలకు సబ్సిడీలు అందించడం వంటివి చేస్తూ రైతుల‌ను ఆర్థికంగా ప్రోత్స‌హిస్తున్నాయి. అంతేకాకుండా దేశంలోనే తొలిసారిగా 2009లో రైతులకు ప్రోత్సాహకాలు అందించేందుకు ప్రధానమంత్రి కిసాన్ సమ్మాన్ నిధి (PMKSY) పథకాన్ని అమలు చేశారు. ఈ పథకం కింద రైతుకు సంవత్సరానికి మూడు విడుతల్లో డీబీటీ ద్వారా నేరుగా కేంద్ర ప్రభుత్వం నుంచి ఒక్కొక్కరికి రూ.6 వేలు అందుతుంది.

కిసాన్ ఆశీర్వాద్ పథకం అనే ఈ పథకం ద్వారా రైతులకు మరింత సౌలభ్యం లభిస్తుంది. ప్రారంభంలో జార్ఖండ్ రాష్ట్ర ప్రభుత్వం ఈ పథకాన్ని అమలు చేసింది. ఈ పథకం విజయవంతమైతే కర్ణాటక లేదా కేంద్ర ప్రభుత్వంతో సహా ఇతర రాష్ట్ర ప్రభుత్వాలు ఈ పథకాన్ని అనుసరించే అవకాశం ఉంది.

-1 ఎకరం నుండి 5 ఎకరాల వరకు వ్యవసాయ భూమి ఉన్న చిన్న, స‌న్న‌కారు రైతులందరూ ఎకరాకు రూ.5 వేలు వ్యవసాయ సబ్సిడీ పొందవచ్చు.
– కిసాన్ సమ్మాన్ నిధి యోజన ప‌థ‌కం అన్ని షరతులు కూడా దాదాపు వర్తిస్తాయి.
– కిసాన్ సమ్మాన్ నిధి యోజన కోసం ఆధార్ కార్డు, బ్యాంకు పాస్ పుస్తకం మరియు భూమి దస్తావేజు పత్రాలను సమర్పించి నమోదు చేసుకోవాలి.

ఈ పథకం కింద‌ అమలైతే 5 ఎకరాల భూమి ఉన్న రైతులకు ₹ 25,000 అందజేయగా, 2 ఎకరాలు ఉన్నవారికి ₹ 5,000 నుండి ₹ 10,000 లభిస్తుంది. 4 ఎకరాల భూమి ఉన్న రైతులకు ₹ 20,000 మంజూరు చేస్తారు. మొత్తంగా, 5 ఎకరాలు ఉన్న రైతులు ఆశీర్వాద్ యోజన ద్వారా ₹25,000, PM కిసాన్ సమ్మాన్ నిధి యోజన కింద ₹6,000తో పాటు మొత్తం ₹31,000 అందుకోవచ్చు. 1 ఎకరం ఉన్న రైతు కూడా కేంద్ర ప్రభుత్వం నుండి రూ.6,000 కిసాన్ సమ్మాన్ నిధి డబ్బుతో పాటు కిసాన్ ఆశీర్వాద్ యోజన నుండి రూ.5000 మరియు సంవత్సరానికి రూ.11,000 పొందవచ్చు.

Farmers అవసరమైన డాక్యుమెంటేషన్

ఈ పథకాన్ని పొందేందుకు, రైతులు ఈ క్రింది పత్రాలను అందించాలి:

– ఆధార్ కార్డ్
– బ్యాంక్ ఖాతా వివరాలు
– రెవెన్యూ శాఖ నుండి సర్టిఫికేట్
– పహాణి లేఖ మరియు భూమి పన్ను చెల్లింపు సమాచారంతో సహా భూమి రికార్డులు
– మొబైల్ నంబర్ మరియు పాస్‌పోర్ట్ సైజ్ ఫోటో
– పేర్కొన్న ఇతర అవసరమైన పత్రాలు

ఈ పథకం ప్రస్తుతం జార్ఖండ్ ప్రభుత్వంచే అమలు చేయబడుతోంది.

ఇతర రాష్ట్రాలకు విస్తరణ :
ఈ ప‌థ‌కం ప్ర‌స్తుతం జార్ఖండ్ లో అమ‌లు అవుతుంది. సమీప భవిష్యత్‌లో ఆంధ్రప్రదేశ్ మరియు తెలంగాణ, క‌ర్నాట‌క‌తో సహా ఇతర రాష్ట్రాలకు విస్తరించాలని భావిస్తున్నారు.