Devotional | వేద జ్యోతిషశాస్త్రంలో అత్యంత ప్రభావవంతమైన గ్రహాలుగా పరిగణించబడే బుధుడు మరియు కుజుడు ఈరోజు వృశ్చిక రాశిలో కలుసుకుని అరుదైన గ్రహ సంయోగాన్ని సృష్టించారు. తెలివితేటలు, వాక్చాతుర్యం, స్పష్టతకు ప్రతీక అయిన బుధుడు అక్టోబర్ 24 నుంచి వృశ్చిక రాశిలో సంచరిస్తుండగా, ధైర్యం, మానసిక బలం, దృఢ సంకల్పానికి ప్రతినిధి అయిన కుజుడు అక్టోబర్ 27 నుంచి అదే రాశిలో ప్రవేశించాడు. ఈ రెండు గ్రహాల కలయిక నవంబర్ 23 వరకు కొనసాగుతుంది.

జ్యోతిష నిపుణుల ప్రకారం, ఈ యోగం మేషం నుంచి మీనం వరకు అన్ని రాశులకూ ప్రభావం చూపినప్పటికీ, ప్రత్యేకంగా వృషభం, మిథునం, ధనుస్సు, కుంభం రాశివారికి ఇది స్వర్ణయుగంగా నిలుస్తుంది.

వృషభ రాశి: కుటుంబం, కెరీర్‌లో కొత్త వెలుగు

కుజుడు–బుధుడు కలయికతో వృషభ రాశివారు కుటుంబ జీవితంలోని సమస్యల నుండి విముక్తి పొందుతారు. వృత్తి జీవితంలో అడ్డంకులు తొలగి, చాలా కాలంగా నిలిచిపోయిన పనులు పూర్తి అవుతాయి. వివాహ సంబంధ సమస్యలు సద్దుమణిగి, ప్రేమలో ఉన్నవారు తమ భవిష్యత్తు గురించి స్పష్టమైన నిర్ణయాలు తీసుకుంటారు.

మిథున రాశి: ఆర్థిక లాభాల ప్రవాహం

ఈ యోగం మిథున రాశివారికి ఆర్థిక పరంగా పెద్ద లాభాలను తెస్తుంది. వ్యాపారాలు, పెట్టుబడుల ద్వారా ఆదాయం పెరుగుతుంది. ఉద్యోగస్తులకు తమ అభిప్రాయాలకు గౌరవం, గుర్తింపు లభిస్తుంది. బుధుని ప్రభావంతో మిథున రాశివారి మాటతీరు ఆకర్షణీయంగా మారి, కొత్త ఒప్పందాలు, ప్రాజెక్టులు లభిస్తాయి. కుటుంబ జీవితంలో సౌఖ్యం పెరుగుతుంది.

ధనుస్సు రాశి: విజయ ద్వారాలు తెరుచుకుంటాయి

సాహసోపేతమైన ధనుస్సు రాశివారికి ఇది అత్యంత శుభకాలం. కెరీర్‌లో అడ్డంకులు తొలగి, కొత్త అవకాశాలు లభిస్తాయి. నిరుద్యోగులకు మంచి అవకాశాలు దక్కుతాయి.

కుంభ రాశి: కుటుంబ సంతోషం, విదేశీ అవకాశాలు

కుజుడు–బుధుడు సంయోగం కుంభ రాశివారికి వైవాహిక జీవితంలో సంతోషకరమైన పరిణామాలను తెస్తుంది. విదేశాల్లో పనిచేస్తున్నవారికి స్వదేశానికి తిరిగి వచ్చే లేదా స్వయం ఉపాధిని ప్రారంభించే అవకాశం లభిస్తుంది.