Telangana:ఇటీవ‌లి కాలంలో చిన్న పిల్ల‌ల‌కు కూడా గంజాయికి బానిస‌లుగా మారుతున్న విష‌యం తెలిసిందే. పోలీసులు, అధికారులు.. మత్తు పదార్థాలపై ఉక్కుపాదం మోపిన కూడా గంజాయి విక్ర‌యాలు జ‌రుగుతూనే ఉన్నాయి. చిన్న పిల్ల‌ల నుండి పెద్ద‌వాళ్ల వ‌ర‌కు గంజాయికి బానిస‌లుగా మారుతున్నారు. తాజాగా సూర్యాపేట లో గంజాయి కి బానిసగా మారిన కొడుకును మార్చుకునేందుకు ఓ తల్లి పడుతున్న కష్టం చూస్తే ప్రతి ఒక్కరి మనసు చలించక మానదు. కోదాడ కు చెందిన 15 ఏళ్ల యువకుడు గంజాయికి బానిసగా మారాడు. ఇంటికి రాకుండా అల్లరి చిల్లరగా తిరుగుతూ గంజాయి సేవిస్తున్నాడు. ఎంత చెప్పిన విన‌కుండా ఇష్ట‌మొచ్చిన‌ట్టుగా ప్ర‌వ‌ర్తిస్తున్నాడు.

రోజూ గంజాయి మ‌త్తులో ఊగిపోతున్నాడు. క‌ళ్ల‌ముందే తాను క‌న్న క‌ల గంజాయి రూపంలో ఆవిర‌వుతుంటే ఆ త‌ల్లి త‌ట్టుకోలేక‌పోయింది. కొడుకును ఎలాగైనా దారికితెచ్చుకోవాల‌ని మ‌మ‌కారం చంపుకుని కొడుకును తాళ్ల‌తో చెట్టుకు క‌ట్టేసి కంట్లో కారంపెట్టింది. ఏం చేయాలో దిక్కుతోచక చేతికి దొరికిన కొడుకును స్తంభానికి కట్టేసి కళ్లలో కారం పెట్టింది తల్లి. కన్నీళ్లు పెట్టుకొని చెప్పినా వినడం లేదని..అందుకే ఇలా చేయాల్సి వస్తోందని ఆవేదన వ్యక్తం చేస్తోందామె. గంజాయి లేకుండా చర్యలు తీసుకోవాలని..తన కొడుకును ఈ మత్తు బారి నుంచి కాపాడాలని ప్రభుత్వాన్ని వేడుకుంటోందామె.

దారికి తెచ్చుకునే ఉద్దేశంతో

కోదాడలో ఈ ఒక్క తల్లిదే కాదు. డ్రగ్స్‌, గంజాయికి బానిసలుగా మారిన ప్రతి బిడ్డ తల్లిదీ ఇదే ఆవేదన. చెడు వ్యసనాల బారిన పడిన కొడుకులను ఎలా దారిన పెట్టుకోవాలో తెలియక ఎంతో మంది మథనపడిపోతున్నారు. గంజాయికి బానిసలైన వారిని డి-అడిక్షన్ సెంటర్లకు తరలించి చికిత్స చేయించాల‌ని కోరుతున్నారు. గంజాయి, డ్ర‌గ్స్ ఇప్పుడు పెను భూతాలుగామారి క‌డుపుకోత‌ను మిగిలిస్తున్నాయి. చెట్టంత‌ కొడుకు ఓ వ్య‌స‌నానికి బానిసై చేతికిరాకుండా పోతుంటే త‌ల్లిదండ్రులు ప‌రిస్థితి హృద‌య విదార‌కంగా మారింది.

What happened when a mother found out that her 15-yr-old son was becoming a ganja addict? She came up with a unique treatment. Tie him to a pole & rub mirchi powder in his eyes & not untie him until he promises to quit. Incident in Kodad, #Suryapet dt, #Telangana. pic.twitter.com/Kw8FXaqtz7

— Krishnamurthy (@krishna0302) April 4, 2022