Phone Pe | కేవలం ₹11కే బాణసంచా బీమా.. ఫోన్‌పే ప్రత్యేక ఆఫర్ గురించి మీకు తెలుసా?

దీపావళి పండుగ సమీపిస్తుండటంతో దేశవ్యాప్తంగా ఉత్సాహ వాతావరణం నెలకొంది. ఈ పండుగను కులమతాలకు అతీతంగా ప్రతి ఒక్కరూ ఆనందంగా జరుపుకుంటారు. చీకటిపై కాంతి విజయానికి ప్రతీకగా దీపాలు వెలిగిస్తూ, బాణసంచా కాలుస్తూ ఉత్సాహంగా జరుపుకుంటారు. అయితే ఈ ఆనందంలో చిన్నపాటి నిర్లక్ష్యం ప్రమాదాలకు దారితీసే అవకాశం ఉంది. అటువంటి సమయంలో ఆర్థిక రక్షణ అందించేందుకు PhonePe మరోసారి ప్రత్యేక బీమా పథకాన్ని ప్రారంభించింది.

రూ.11కే టపాసుల బీమా

PhonePe కేవలం ₹11 (జీఎస్టీతో కలిపి) నామమాత్రపు రుసుముతో బాణసంచా బీమా పథకంను ప్రవేశపెట్టింది. ఈ బీమా పాలసీ ద్వారా వినియోగదారులు ₹25,000 వరకు బీమా రక్షణ పొందవచ్చు. పాలసీ కింద కుటుంబ సభ్యులు,జీవిత భాగస్వామి, ఇద్దరు పిల్లలు, అందరికీ రక్షణ లభిస్తుంది.

ఈ బీమా అక్టోబర్ 12, 2025 నుండి 11 రోజుల పాటు చెల్లుబాటు అవుతుంది. ఆ తర్వాత కొనుగోలు చేసిన పాలసీలకు, కొనుగోలు తేదీ నుంచి 11 రోజులపాటు రక్షణ కొనసాగుతుంది.

కవరేజ్ వివరాలు

ఈ బీమా కింద క్రింది అంశాలు కవరవుతాయి:

ప్రమాదవశాత్తు మరణం

ఆసుపత్రిలో చేరిక (24 గంటలకు పైగా)

డే-కేర్ చికిత్స (24 గంటలకు లోపు)

ఎలా కొనుగోలు చేయాలి?

PhonePe యాప్‌లోకి లాగిన్ అవ్వండి.

Insurance (బీమా) విభాగంలోకి వెళ్లి Firecracker Insuranceని ఎంచుకోండి.

ప్లాన్ వివరాలు, కవరేజ్ మొత్తం ₹25,000, ప్రీమియం ₹11 అని పరిశీలించండి.

అవసరమైన వివరాలను పూరించి, ‘Proceed to Pay’ బటన్ నొక్కండి.

ఇలా ఒక నిమిషం లోపే పాలసీని సులభంగా పొందవచ్చు.

దీపావళి ఉత్సాహాన్ని నిర్భయంగా ఆస్వాదించేందుకు PhonePe అందిస్తున్న ఈ బాణసంచా బీమా పథకం వినియోగదారుల్లో మంచి స్పందనను పొందుతోంది.