Snakes | రాజస్థాన్‌ రాష్ట్రంలో ప్రజల ప్రాచీన నమ్మకాలు, ఆచారాలు ప్ర‌తి ఒక్క‌రిని ఆశ్చ‌ర్యానికి గురి చేస్తుంటాయి.అక్కడి ప్రజలు ప్రతి ఏడాది గోగాజీ మహారాజు జయంతిని తేజ దశమి రోజున ఘనంగా జరుపుకుంటారు. ఈ సందర్భంగా జరిగే గోగాజీ మేళా ప్రత్యేక ఆకర్షణగా నిలుస్తుంది. ఈ మేళాలో వేలాది మంది భక్తులు పాల్గొని అరుదైన సంప్రదాయాన్ని పాటిస్తుంటారు. బ్రతికున్న పాములను చేతిలో పట్టుకుని నాట్యం చేస్తారు.

తేజ దశమి సందర్భంగా ప్రత్యేక ఉత్సవం

తేజ దశమి రోజున గోగాజీ మేళా నిర్వహిస్తారు. ఈ రోజును స్థానికులు ఎంతో పవిత్రంగా భావిస్తారు. గోగాజీ మహారాజు స్థానిక లోకదైవంగా పూజిస్తారు. ఆయన్ని నాగదేవతల రూపంగా కూడా కొందరు భావిస్తారు, అందుకే పామును ఈ ఉత్సవంలో లో చేతిలో పట్టుకుని డ్యాన్సులు చేస్తుంటారు. తాజాగా సోషల్ మీడియాలో వైరల్ అయిన వీడియోలో, పాములను చేతిలో పట్టుకుని భక్తులు ఉత్సాహంగా నాట్యం చేస్తూ కనిపించారు.

ఇది సోషల్ మీడియా చూసి అందరూ ఆశ్చర్యాపోతున్నారు. ఈ ఆచారం కొన్ని సంవత్సరాలుగా కొనసాగుతుండటంతో, స్థానికులకైతే ఇది సాధారణమే. భయం లేకుండా పాములతో కలిసే భక్తులు నృత్యం చేస్తూ, గోగాజీ మహారాజుకు తమ భక్తిని చాటుకుంటారు. ఈ మేళాకు రాజస్థాన్‌తో పాటు ఇతర రాష్ట్రాల నుంచి కూడా భక్తులు హాజరవుతారు. బ్రతికున్న పాములతో డ్యాన్సులు చేయడం అనేది ఈ మేళాకి ప్రత్యేక ఆకర్షణ. ఆధ్యాత్మికత, సాహసం, సంప్రదాయాల కలయికతో ఈ వేడుక సాగుతుంది. పాములతో నాట్యం చేయడం అనేది చాలా మందికి భయంగా అనిపించొచ్చు.

⚠️India not for the faint hearted!#Rajasthan’s Gogaji Mela on Teja Dashmi, devotees seen dancing with live snakes in hand

The vibrant fair held in honour of folk deity Gogaji Maharaj draws thousands who celebrate with the age-old tradition of snake dances pic.twitter.com/82CHzvpSku

— Nabila Jamal (@nabilajamal_) September 4, 2025