అదీ లెక్క. పీసీసీ అధ్యక్షుడి పీఠం ఎక్కాలని రేవంత్ రెడ్డి చాలా ఆశపడ్డారు. జీహెచ్ఎంసీ ఎన్నికల ఫలితాల తర్వాత పీసీసీ పదవికి ఉత్తమ్ రాజీనామా చేయడంతో.. తన ఆశలు మళ్లీ చిగురించాయి. నిజానికి తెలంగాణలో కాంగ్రెస్ పార్టీలో నిఖార్సయిన నాయకుడు ఉన్నాడు.. అంటే అది రేవంత్ రెడ్డి మాత్రమే. మిగితా వాళ్లలో అంత ఫైర్ లేదు. రేవంత్ రెడ్డి మాత్రం ఢీ అంటే ఢీ అంటారు. దమ్మున్న నాయకుడు. కేసీఆర్ ను కూడా ఢీకొట్టే సత్తా ఉన్న నాయకుడు. అందుకే.. రేవంత్ రెడ్డికి తెలంగాణలో అంత ఫాలోయింగ్. అంత ఫైర్ ఉన్న నాయకుడు టీపీసీసీ అధ్యక్షుడు అయితే ఇంకేమన్నా ఉందా? కాంగ్రెస్ పార్టీలో డెఫినెట్ గా మార్పులు వస్తాయి.

కానీ.. తెలంగాణ పీసీసీ అధ్యక్ష పీఠం కోసం రేవంత్ రెడ్డితో పాటు కోమటిరెడ్డి వెంకట్ రెడ్డి కూడా పోటీ పడుతుండటంతో.. ఎవరికి పీసీసీ పగ్గాలు అందుతాయి అనేదానిపై ఇంకా క్లారిటీ రాలేదు.

ఇప్పటికే తెలంగాణ రాష్ట్ర వ్యవహారాల ఇన్ చార్జ్ మాణికం ఠాగూర్ తెలంగాణలో పర్యటించి… సుమారు 200 మంది నేతల అభిప్రాయం తీసుకున్నారు. వాళ్ల అభిప్రాయాలను సోనియాగాంధీకి అందించారు. సోనియాగాంధీ, రాహుల్ గాంధీ కలిసి నిర్ణయం తీసుకున్నట్టు తెలుస్తోంది.

ఈనేపథ్యంలో రేవంత్ రెడ్డికి ఢిల్లీ నుంచి పిలుపు వచ్చింది. రాహుల్ గాంధీతో రేవంత్ రెడ్డి బుధవారం మధ్యాహ్నం భేటీ కానున్నారు. రేవంత్ రెడ్డికి మాత్రమే కాంగ్రెస్ హైకమాండ్ నుంచి పిలుపు వచ్చింది.. అంటే ఇక నో డౌట్.. నెక్స్ ట్ పీసీసీ ప్రెసిడెంట్ రేవంత్ రెడ్డినే అంటూ రేవంత్ రెడ్డి అభిమానులు సంబురాలు చేసుకుంటున్నారు.