Shakila : నా గదిలోకి వస్తే నెక్స్ట్ సినిమాలో ఆఫర్ ఇస్తా.. అల్లరి నరేష్ తండ్రి పై షకీలా ఆరోపణలు…!
Shakila : ప్రస్తుతం ఉన్న సోషల్ మీడియా కారణంగా సినిమా ఇండస్ట్రీలో ఏం జరుగుతుందో అందరికీ తెలిసిపోతుంది. ఇప్పటికే చాలామంది హీరోయిన్లు కాస్టింగ్ కౌచ్ ఎదుర్కొన్నామని చెప్పుకొచ్చారు. ఇక తాజాగా షకీలా కూడా క్యాస్టింగ్ కౌచ్ ఎదుర్కొన్నానని ఓపెన్ గా చెప్పారు. ఇటీవలే తమిళ్ బిగ్ బాస్ షో వేదికగా నటి విచిత్ర చేసిన కామెంట్స్ ఇండస్ట్రీని షేక్ చేశాయి. తమిళ్ బిగ్ బాస్ సీజన్ సెవెన్ లో పాల్గొన్న విచిత్ర టాలీవుడ్ స్టార్ హీరో తనను గదికి రమ్మన్నాడని చెప్పారు. ఆ హీరో రోజు త్రాగి వచ్చి నా రూమ్ డోర్ కొట్టేవాడు. హోటల్ సిబ్బంది సహకరించడంతో నేను రోజుకు ఒక రూమ్ మారే దాన్ని. నేను అతడికి లొంగలేదని మూవీ సెట్స్ లో నా చెంప పగలకొట్టాడని, ఫిర్యాదు చేస్తే ఎవరు పట్టించుకోలేదని అన్నారు.
ఈ లైంగిక వేధింపుల కారణంగా నేను సినిమాలకు దూరమయ్యానని విచిత్ర ఆరోపించారు. అయితే ఆ హీరో ఎవరు అనేది మాత్రం ఆమె చెప్పలేదు. అయితే విచిత్ర ఇచ్చిన సమాచారం ఆధారంగా అది బాలకృష్ణ అనే వాదన తెరపైకి వచ్చింది. భలేవాడివి బాసు అనే సినిమాలో బాలకృష్ణతో విచిత్ర నటించారు . ఆ మూవీ సెట్స్ లోనే బాలకృష్ణ ఆమెపై లైంగిక వేధింపులకు పాల్పడ్డారని సోషల్ మీడియా టాక్. అయితే విచిత్రకు నటి షకీలా మద్దతుగా నిలిచారు. విచిత్ర ఆ హీరో పేరు ధైర్యంగా చెప్పాల్సింది అని అన్నారు. విచిత్ర, నేను ఫ్రెండ్స్. కలిసి కొన్ని సినిమాలలో నటించాం అని షకీలా అన్నారు. అలాగే షకీలా కూడా ఇలాంటి చేదు అనుభవాన్ని ఎదుర్కోవాల్సి వచ్చిందని చెప్పుకొచ్చారు.
దివంగత దర్శకుడు, అల్లరి నరేష్ తండ్రి అయిన ఈవీవీ సత్యనారాయణ తనను కమిట్మెంట్ అడిగాడని ఆమె ఓపెన్ అయ్యారు. ఇవివి సత్యనారాయణ దర్శకత్వం వహించిన ఒక సినిమాలో నేను నటించానని, ఆయన నన్ను అడ్జస్ట్ అవ్వమని అడిగారని, నువ్వు నా గదికి వస్తే నెక్స్ట్ సినిమాలో ఆఫర్ ఇస్తా అన్నారని షకీలా అన్నారు. ఈ సినిమాకు నాకు పేమెంట్ వచ్చేసింది. మీ నెక్స్ట్ మూవీలో నాకు ఆఫర్ వద్దు. నేను అడ్జస్ట్ కాను అని చెప్పేసాను అని షకీలా అన్నారు. ఎవరు ఎక్కడికి వచ్చి పిలిచిన నేను ఇదే చెబుతాను అని షకీలా చెప్పుకొచ్చారు. దీంతో షకీలా చేసిన కామెంట్స్ టాలీవుడ్ లో చర్చకు దారి తీసాయి.