Sudheer : రష్మీ ముందు అడ్డంగా బుక్కయిపోయిన సుధీర్.. రష్మీని వదిలేసి జడ్జి పూర్ణతో రొమాన్స్?

Sudheer : సుడిగాలి సుధీర్ ఎక్కడుంటే అక్కడ రచ్చనే. ఆయన ఎక్కడుంటే అక్కడ నవ్వులే. సుడిగాలి సుధీర్ గురించి ఎంత చెప్పుకున్నా తక్కువే. తెలుగు బుల్లితెర మీద ఆయన ఇప్పుడు పెద్ద సెన్సేషన్. సుడిగాలి సుధీర్ తెలుగు బుల్లితెరను ఏలేస్తున్నాడు. ఆయనకు ఉన్న ఫ్యాన్ ఫాలోయింగ్ కూడా మామూలుగా లేదు. మొత్తం మీద టాప్ కమెడియన్ గా స్థానం సంపాదించాడు సుధీర్. ఇక.. సుధీర్ లవ్ స్టోరీ గురించి అందరికీ తెలిసిందే కదా. రష్మీ, సుధీర్.. ఇద్దరూ గత 8 ఏళ్ల నుంచి ప్రేమించుకుంటున్నారని అంతా అంటున్నారు. అయితే.. వాళ్లిద్దరి మధ్య ఏం ఉన్నది? లేదు? అనేది ఎవ్వరికీ తెలియదు కానీ.. షోలలో కానీ.. జబర్దస్త్ లో కానీ.. వాళ్ల మధ్య రాపో మాత్రం బాగానే ఉంటుంది.

వాళ్ల ప్రేమ వ్యవహారం విషయం పక్కన పెడితే.. ఆ జంటకు ఆన్ స్క్రీన్ మీద ఉన్న క్రేజే వేరు. ఇద్దరూ కలిస్తే రచ్చ రంబోలానే. వాళ్లిద్దరూ కలిసి చాలాసార్లు ఆన్ స్క్రీన్ మీద రొమాన్స్ చేశారు. అది బాగా పండింది కూడా. ఢీ షోలో కూడా ఇద్దరూ చేసే రచ్చ మామూలుగా ఉండదు.

Sudheer : జడ్జి పూర్ణతో సుడిగాలి సుధీర్ ప్రేమ వ్యవహారం

సుడిగాలి సుధీర్ అంటే ఖచ్చితంగా రష్మీ అనే పేరు రావాల్సిందే. కానీ.. సుడిగాలి సుధీర్ మాత్రం రష్మీని వదిలేసి.. జడ్జి పూర్ణతో రొమాన్స్ చేశాడు. ఢీ షోలో సుడిగాలి సుధీర్ జడ్జి పూర్ణతో.. హైపర్ ఆది.. జడ్జి ప్రియమణితో రొమాన్స్ చేస్తుండగా.. రష్మీ, దీపిక.. ఇద్దరూ వాళ్లను రెడ్ హ్యాండెడ్ గా పట్టుకున్నారు.

ఏంటి సుధీర్.. మన 8 ఏళ్ల బంధానికి నువ్వు ఇచ్చే విలువ ఇదేనా? నీకిది తగునా? ఇవ్వాలో రేపో నీ లవ్ ప్రపోజల్ ను ఒప్పుకుందామనుకున్నా. కానీ.. నువ్వు ఇలా చేస్తావనుకోలేదు.. అంటూ రష్మీ సుడిగాలి సుధీర్ ను ఏకి పారేసింది. దీపిక కూడా అంతే.. హైపర్ ఆదిపైకి ఎక్కేసింది. ఇలా.. రష్మీ ముందు సుడిగాలి సుధీర్ అడ్డంగా దొరికిపోయాడు.

ఆగండాగండి.. ఇదంతా నిజం అనుకునేరు. ఇది నిజం కాదు. అంతా ఉత్తుత్తి. ఢీ షోలో వీళ్లంతా కలిసి ఓ స్కిట్ చేశారు. దానికి సంబంధించిన ప్రోమోనే తాజాగా విడుదల చేశారు. అంతే.. అంతకుమించి ఇంకేం కాదు. ఏది ఏమైనా.. అది స్కిట్ అయినా కూడా.. రష్మీ మాత్రం తన మనసులో మాటను నిజంగానే బయటపెట్టినట్టు కనిపిస్తోంది. జడ్జి పూర్ణతో రొమాన్స్ చేస్తుంటే తను చూస్తూ తట్టుకోలేకపోయింది. అంటే.. సుధీర్ మీద తనకు కాస్తో కూస్తో ప్రేమ ఉందన్నమాట. సరె సర్లే.. ముందైతే ఢీ షో లేటెస్ట్ ప్రోమోను చూసేయండి.