Telangana IPS Transfers | తెలంగాణలో భారీ ఐపీఎస్ బదిలీలు .. ప్రభుత్వ పరిపాలనలో కొత్త అడుగులు…
Telangana IPS Transfers | తెలంగాణ రాష్ట్ర ప్రభుత్వం భారీ స్థాయిలో ఐపీఎస్ అధికారుల బదిలీలు చేపట్టింది. పోలీసు వ్యవస్థతో పాటు పలు కీలక పాలనా శాఖల్లో మొత్తం 23 మంది సీనియర్ అధికారులుకి బదిలీ ఉత్తర్వులు జారీ చేసింది. ఈ మార్పులు కేవలం వ్యక్తుల బదిలీ మాత్రమే కాదు, పాలనా సమర్థతను పెంచేందుకు తీసుకున్న వ్యూహాత్మక చర్యగా భావించబడుతున్నాయి.
#image_title
హైదరాబాద్ పోలీస్ కమిషనర్‌గా సజ్జనార్
పోలీసు వ్యవస్థలో అత్యంత హైప్రొఫైల్ పదవిగా భావించే హైదరాబాద్ నగర పోలీస్ కమిషనర్ (CP) గా సజ్జనార్ నియమితులయ్యారు. సైబర్ క్రైమ్స్, ట్రాఫిక్ మేనేజ్‌మెంట్, శాంతిభద్రతలు, ముఖ్యమంత్రితో సహా రాష్ట్ర ప్రముఖులకు భద్రత వంటి కీలక బాధ్యతలు ఇప్పుడు ఆయన భుజాలపై ఉంటాయి. టెక్ సిటీ అయిన హైదరాబాద్‌లో ప్రజల విశ్వాసం చూరగొనేలా, సమర్థవంతంగా వ్యవహరించే అవకాశముంది.
పరిష్కారోన్నతత, పరిపాలన అనుభవం కలిగిన సీనియర్ ఐపీఎస్ అధికారి సీవీ ఆనంద్, రాష్ట్ర హోంశాఖ ప్రత్యేక ప్రధాన కార్యదర్శిగా బాధ్యతలు చేపట్టనున్నారు. పోలీస్ బలగాల నిర్వహణ, భద్రతా విధానాల రూపకల్పన వంటి కీలక విషయాలు ఆయన ఆధ్వర్యంలో కొనసాగనున్నాయి.రాష్ట్ర భద్రతకు ప్రథమ రక్షణ గోడగా నిలిచే ఇంటెలిజెన్స్ విభాగానికి డీజీగా విజయ్ కుమార్ నియమితులయ్యారు.
శిఖా గోయల్ – విజిలెన్స్ అండ్ ఎన్‌ఫోర్స్‌మెంట్ డీజీగా నియామకం. ప్రభుత్వ పథకాల అమలు లో లోపాలు వెలికితీయడంలో కీలకపాత్ర. చారుసిన్హా – ACB డీజీగా అదనపు బాధ్యత. అవినీతిపై పోరాటంలో నిబద్ధత ఉన్న అధికారి. తెలంగాణ రాష్ట్ర రవాణా సంస్థకు (RTC) నూతన మేనేజింగ్ డైరెక్టర్‌గా నాగిరెడ్డి నియమితులయ్యారు. స్టీఫెన్ రవీంద్రను పౌర సరఫరాల ప్రిన్సిపల్ సెక్రటరీగా నియమించారు. రేషన్ పంపిణీ, ఆహార భద్రత వంటి సున్నితమైన అంశాల్లో పారదర్శకత, సమర్థత పెంపు లక్ష్యంగా ప్రభుత్వం ఈ నిర్ణయం తీసుకుంది.