Womens : గుడ్ న్యూస్.. మహిళలకు రూ.5 లక్షల వరకు వడ్డీ లేని రుణాలు..!!
ప్రధానాంశాలు:
Womens : గుడ్ న్యూస్.. మహిళలకు రూ.5 లక్షల వరకు వడ్డీ లేని రుణాలు..!!
Womens : జమ్మూ కాశ్మీర్ అసెంబ్లీ ఎన్నికల నేప‌థ్యంలో ఆ రాష్ట్రంపై కాంగ్రెస్ వ‌రాల జ‌ల్లు కురిపించింది. బుధ‌వారం జమ్మూ కాశ్మీర్‌లో ఎన్నికల ప్రసంగంలో భాగంగా ఆ పార్టీ అధ్యక్షుడు మల్లికార్జున్ ఖర్గే ప్ర‌సంగిస్తూ కేంద్ర పాలిత ప్రాంతంలో కాంగ్రెస్-ఎన్‌సి కూటమి అధికారంలోకి వస్తే ఐదు హామీలను అమ‌లు చేయ‌నున్న‌ట్లు ప్రకటించారు. జమ్మూ కాశ్మీర్ రాష్ట్ర హోదాను పునరుద్ధరించడానికి కాంగ్రెస్ కట్టుబడి ఉందని ఖర్గే పునరుద్ఘాటించారు. ప్రస్తుత పరిస్థితులను ఆయన విమర్శించారు.
అలాగే మహిళా పారిశ్రామికవేత్తలకు రూ.5 ల‌క్ష‌లు వడ్డీ లేని రుణాలు, ప్రతి ఇంటికి రూ. 25 లక్షల ఆరోగ్య బీమా, మహిళా కుటుంబ పెద్దలకు నెలకు రూ. 3,000, ప్రజా పంపిణీ వ్యవస్థ ద్వారా ప్రతి వ్యక్తికి 11 కిలోల ధాన్యం అందించ‌నున్న‌ట్లు పేర్కొంది. అనంత్‌నాగ్‌లో జరిగిన ఎన్నికల ర్యాలీలో ఖర్గే మాట్లాడుతూ, రాజ్యాంగం ప్రకారం ఇతర వెనుకబడిన తరగతుల (ఓబీసీ) హక్కులను కూడా సమర్థిస్తానని హామీ ఇచ్చారు. బిజెపి నేతృత్వంలోని కేంద్ర ప్రభుత్వం లక్ష ఉద్యోగాల ఖాళీలను భర్తీ చేయకుండా వదిలేసిందని దుయ్య‌బ‌ట్టారు.
Womens : గుడ్ న్యూస్.. మహిళలకు రూ.5 లక్షల వరకు వడ్డీ లేని రుణాలు..!!
పర్యాటకం, తయారీ రంగాలపై దృష్టి సారిస్తామన్నారు. గత కొన్నేళ్లుగా మూతపడిన 4,400 ప్రభుత్వ పాఠశాలలను తిరిగి తెరుస్తామని ఆయన హామీ ఇచ్చారు. ఉభయ సభల శాసనసభను పునరుద్ధరిస్తానని హామీ ఇచ్చారు. 543 లోక్‌సభ స్థానాల్లో 234 స్థానాలను గెలుచుకున్న ప్రతిపక్ష కూటమి లేదా I.N.D.I.A. పనితీరును ఆయన ప్రస్తావించారు. 400 సీట్లను ప్రతిష్టాత్మకంగా నిర్దేశించుకున్న బీజేపీ 240 వద్ద ఆగిపోయిందని ఎద్దేవా చేశారు. సెప్టెంబర్ 18, సెప్టెంబరు 25, మరియు అక్టోబర్ 1 తేదీల్లో మూడు దశల్లో జరిగే 90 సీట్ల జమ్మూ మరియు కాశ్మీర్ అసెంబ్లీ ఎన్నికల కోసం కాంగ్రెస్ మరియు ఎన్‌సి ఎన్నికలకు ముందు పొత్తు పెట్టుకున్నాయి.
Also read
