Arattai app | వాట్సాప్‌కి పోటీగా వ‌చ్చిన ఇండియా యాప్.. స్వదేశీ యాప్‌పై జోహో ఫోకస్

Arattai app |ప్రపంచవ్యాప్తంగా కోట్లాది మంది వినియోగదారులు ఉపయోగిస్తున్న వాట్సాప్‌కి భారత్‌ నుండి గట్టి పోటీగా ఓ స్వదేశీ మెసేజింగ్ యాప్‌ ‘అరట్టై’ విడుదలైంది. ప్రముఖ ఐటీ సంస్థ జోహో కార్పొరేషన్ అభివృద్ధి చేసిన ఈ యాప్‌ ప్రస్తుతం టెక్ వర్గాల్లో చర్చనీయాంశంగా మారింది.

డేటా భద్రతపై పూర్తి నమ్మకం

‘అరట్టై’ యాప్‌ అత్యధికంగా యూజర్ డేటా గోప్యతపై దృష్టి పెట్టింది. విదేశీ యాప్‌లపై ఎప్పటికప్పుడు వెల్లువెత్తుతున్న డేటా లీకేజ్, ప్రైవసీ అంశాలపై ఉన్న ఆందోళనల మధ్య, ఈ యాప్‌ వినియోగదారుల డేటా పూర్తిగా భారతదేశంలోనే భద్రంగా ఉంచబడుతుంది అని జోహో స్పష్టం చేసింది. దీంతో డేటా భద్రతకు ప్రాముఖ్యత ఇస్తున్న యూజర్లకు ఇది ఓ విశ్వసనీయ ప్రత్యామ్నాయంగా నిలిచే అవకాశముంది.

అరట్టై యాప్‌ ఫీచర్లు ప్రత్యేకతలు:

ఎండ్-టు-ఎండ్ ఎన్‌క్రిప్షన్: పర్సనల్ & గ్రూప్ చాట్‌లకు పూర్తిగా సురక్షితమైన వ్యవస్థ

వాయిస్ & వీడియో కాల్స్: స్పష్టమైన ఆడియో, వీడియో కాల్ క్వాలిటీతో పాటు గ్రూప్ కాలింగ్ సపోర్ట్

ఛానెల్స్ సిస్టమ్: వినియోగదారులు వార్తలు, అప్డేట్స్ కోసం ఛానెల్స్‌ను సబ్‌స్క్రైబ్ చేసుకునే ఫీచర్

డాక్యుమెంట్ షేరింగ్: ఆఫీస్, వ్యక్తిగత ఉపయోగాల కోసం వివిధ ఫార్మాట్‌ల ఫైళ్లను సులభంగా షేర్ చేసే సదుపాయం

భారతీయ భాషల సపోర్ట్: తెలుగు, హిందీ, తమిళం, కన్నడ సహా పలు భాషల్లో యాప్‌ అందుబాటులో ఉండడం ప్రత్యేక ఆకర్షణ

సులభమైన ఇంటర్‌ఫేస్: వాట్సాప్‌లా ఉండే ఫ్రెండ్లీ యూజర్ ఇంటర్‌ఫేస్‌ – కొత్తవారికీ ఉపయోగించేందుకు చాలా ఈజీ