KTR : ఫోన్ ట్యాపింగ్ విషయంపై కేటీఆర్ కౌంటర్లు.. ఎంత మాట్లాడితే అంత ప్రమాదమే..!

KTR ఇప్పుడు తెలంగాణ రాజకీయాలను ఫోన్ ట్యాపింగ్ వ్యవహారం కుదిపేస్తోంది. ఎప్పుడు ఎవరి పేర్లు బయటకు వస్తాయో తెలియక నేతలంతా తలలు పట్టుకుంటున్నారు. ఇందులో మొదటగా ఇరుక్కున్న ప్రణీత్ రావును విచారిస్తున్న పోలీసులకు సంచలన విషయాలు తెలుస్తున్నాయంట. ఆయన ద్వారా సాక్ష్యాలను సేకరించేందుకు మరిన్ని ప్రయత్నాలు చేస్తున్నారు. అయితే ఈ కేసులో ఇప్పటికే పలువురు పోలీస్ అధికారులు అరెస్ట్ అవుతున్నారు. కేవలం అక్కడిగో ఆగిపోవట్లేదు ఈ వ్యవహారం. ఇందులో ఇప్పటికే ఇంటెలిజెన్స్ తెలంగాణ బ్యూర్ మాజీ చీఫ్‌ ప్రభాకర్ రావు పేరు కూడా వచ్చేసింది. పోలీసులు కూడా అరెస్ట్ అయినవారు ఇస్తున్న సమాచారంతో అనేక సాక్ష్యాలను పక్కాగా సేకరిస్తున్నారంట.

ఈ విషయంలో ఎవరినీ వదలొద్దని పై నుంచి ఆర్డర్లు ఉన్నట్టు తెలుస్తోంది. అందుకే ఎంపీ ఎన్నికల ముంగిట దీన్ని బాగా రోస్ట్ చేసేస్తున్నారు. అరెస్ట్ అయిన అధికారులు ఇస్తున్న సమాచారం ప్రకారం.. ఇలా ట్యాపింగ్ చేసిన ఫోన్ కాల్స్ ను ఓ ఇద్దరు బడా నేతలకు ఇచ్చినట్టు తెలుస్తోంది. బీఆర్ ఎస్ ప్రభుత్వ హాయంలోనే ఈ ట్యాపింగ్ వ్యవహారం జరిగింది కాబట్టి త్వరలోనే ఆ ఇద్దరు బీఆర్ ఎస్ నేతల పేర్లు బయటకు వచ్చే అవకాశం ఉంది. అయితే ఈ వ్యవహారాన్ని డైవర్ట్ చేయడానికి కేటీఆర్ చేస్తున్న ఆరోపణలు ఇప్పుడు అందరికీ విచిత్రంగా అనిపిస్తున్నాయి. కేటీఆర్ మాట్లాడుతూ.. కాంగ్రెస్ ప్రభుత్వం ఆరు గ్యారెంటీలను అమలు చేయలేదని.. సమస్యల నుంచి ప్రజల దృష్టిని మరల్చేందుకు రేవంత్ రెడ్డి ఇలాంటి లీకులు ఇస్తూ మీడియా దృష్టిని, ప్రజలదృష్టిని మరల్చుతున్నాడని ఆరోపణలు చేస్తున్నారు.

KTR : ఫోన్ ట్యాపింగ్ విషయంపై కేటీఆర్ కౌంటర్లు.. ఎంత మాట్లాడితే అంత ప్రమాదమే..!

అంతే కాకుండా దోషులు ఎవరైతే వారిని అరెస్ట్ చేయాలంటూ ఆయన చెబుతున్నారు. కానీ కేటీఆర్ ఈ వ్యవహారిన్ని ఎంత గెలికితే అంత ప్రమాదమే అంటున్నారు నెటిజన్లు. ఎందుకంటే ఈ ఫోన్ ట్యాపింగ్ వ్యవహారం అటుతిరిగి ఇటు తిరిగి చివరకు బీఆర్ ఎస్ మెడకు చుట్టుకుంటుందని అంటున్నారు. కాబట్టి ఇప్పటికే డ్యామేజ్ అవుతున్న పార్టీ ఇమేజ్.. ఈ వ్యవహారంతో మరింత డ్యామేజ్ కావడం ఖాయం అంటున్నారు. అందుకే కేటీఆర్ ఈ విషయాన్ని ఎంత పక్కన పెడితే అంత బెటర్ అంటున్నారు.