ఆంధ్రప్రదేశ్ ముఖ్యమంత్రి నారా చంద్రబాబు నాయుడు తాజాగా అసెంబ్లీ సమావేశాల్లో సంచలన వ్యాఖ్యలు చేశారు. గతంలో టీడీపీ ఎదుర్కొన్న 2004, 2019 ఎన్నికల ఓటములకు తానే కారణమని ఆయన పేర్కొన్నారు. రాజకీయ అనుభవం ఉన్నా, ప్రజా సమస్యలపై కృషి చేసినా, పార్టీకి సముచిత నడిపించడం కుదరలేదని ఆయన ఆత్మపరిశీలన చేసుకున్నారు. గత అనుభవాలను పంచుకుంటూ తాను అప్పటి పరిస్థితులను సమర్ధంగా ఎదుర్కోలేకపోయానని స్పష్టంగా తెలిపారు.

Chandrababu టీడీపీ ఓటమిని ఒప్పుకున్న చంద్రబాబు

1999 ఎన్నికల్లో టీడీపీ తిరిగి అధికారంలోకి వచ్చినప్పటికీ, 2004లో వైఎస్ రాజశేఖరరెడ్డి నేతృత్వంలోని కాంగ్రెస్ పార్టీకి పరాజయం పాలైంది. అదే విధంగా 2019లో అధికారంలో ఉన్న టీడీపీ, వైసీపీ చేతిలో ఓడిపోయింది. ఈ రెండు కీలకమైన ఎన్నికలలో టీడీపీ ఓటమికి ప్రధాన కారణం పార్టీ నేతల మధ్య సమన్వయం లోపించడమేనని చంద్రబాబు అంగీకరించారు. సీఎం హోదాలో తాను పరిపాలన పనుల్లో నిమగ్నమై, పార్టీ శ్రేణులను సమర్ధంగా నడిపించలేకపోయానని ఆయన తెలిపారు.

తాను పార్టీ కోసం కష్టపడినా, ప్రజా సమస్యలను శాశ్వతంగా పరిష్కరించలేకపోతే విజయం సాధించలేమని చంద్రబాబు అంగీకరించారు. అనేక అభివృద్ధి పనులు చేసినప్పటికీ, ప్రజల అంచనాలకు తగ్గట్టుగా పార్టీ కార్యాచరణ సాగలేదని ఆయన స్పష్టంగా చెప్పారు. ఇకపై ప్రజా సమస్యల పరిష్కారమే ప్రాధాన్యంగా తీసుకుంటామని, అదే భవిష్యత్తులో టీడీపీ విజయానికి దారితీస్తుందని చంద్రబాబు విశ్వాసం వ్యక్తం చేశారు. మొత్తంగా, గత ఓటములను తన తప్పిదంగా ఒప్పుకుని, భవిష్యత్తులో మరింత పటిష్టంగా ముందుకు సాగేందుకు టీడీపీ సిద్ధమవుతుందని ఆయన తెలిపారు.

అసెంబ్లీలో సీఎం చంద్రబాబు ఆసక్తికర వ్యాఖ్యలు.

2004,2019లో నన్నెవరూ ఓడించలేదు..ఆ ఎన్నికల్లో ఓటమికి నేనే కారణం.

కొన్ని పనులు చేయలేకపోవడం వల్లే ఓడిపోయాం..పనిలో పడి పార్టీ, ఎమ్మెల్యేలను సమన్వయం చేయలేకపోయా.

ప్రజా సమస్యలకు శాశ్వత పరిష్కారం చూపితే ఓటమి ఉండదు : సీఎం చంద్రబాబు. pic.twitter.com/SPwfwtiXf8

— Bulli Raju (@bullii_raju) March 17, 2025