Rohit Sharma : రోహిత్ శ‌ర్మ‌ని బుజ్జ‌గిస్తున్న ముంబై ఇండియ‌న్స్.. భారీ ఆఫ‌రే ఇచ్చిందిగా..! | The Telugu News : Latest Telugu News | Breaking News Telugu | తెలుగు వార్త‌లు | బ్రేకింగ్ న్యూస్ తెలుగు

Rohit Sharma : రోహిత్ శ‌ర్మ‌ని బుజ్జ‌గిస్తున్న ముంబై ఇండియ‌న్స్.. భారీ ఆఫ‌రే ఇచ్చిందిగా..!

Rohit Sharma : ప్ర‌స్తుతం టీమిండియా కెప్టెన్‌గా ఉన్న రోహిత్ శ‌ర్మ ఐపీఎల్‌లో గ‌త కొన్నాళ్లుగా ముంబై ఇండియన్స్ జ‌ట్టుకి ఆడుతూ వ‌స్తున్నాడు. కెప్టెన్‌గా ఐదు టైటిల్స్ అందించిపెట్టాడు. అయితే ఈ సీజ‌న్ మొద‌ల‌వ్వ‌డానికి ముందు ఫ్రాంచైజీ ఆయ‌న‌ని కెప్టెన్‌గా తొల‌గించ‌డం హాట్ టాపిక్ అయింది.దీనిపై పెద్ద ఎత్తున విమ‌ర్శ‌లు కూడా వ‌చ్చాయి. మ‌రోవైపు టీమ్ ప్ర‌ద‌ర్శ‌న కూడా అంత బాగోలేదు. దీంతో ఆయ‌న‌ని ముంబై ఇండియన్స్ బుజ్జగిస్తున్న‌ట్టు తెలుస్తుంది. రీసెంట్‌గా ముంబై ఇండియన్స్ ఫ్రాంచైజీ ఓనర్ […]

 Authored By ramu | The Telugu News | Updated on :12 April 2024,12:00 pm

ప్రధానాంశాలు:

  •  Rohit Sharma : రోహిత్ శ‌ర్మ‌ని బుజ్జ‌గిస్తున్న ముంబై ఇండియ‌న్స్.. భారీ ఆఫ‌రే ఇచ్చిందిగా..!

Rohit Sharma : ప్ర‌స్తుతం టీమిండియా కెప్టెన్‌గా ఉన్న రోహిత్ శ‌ర్మ ఐపీఎల్‌లో గ‌త కొన్నాళ్లుగా ముంబై ఇండియన్స్ జ‌ట్టుకి ఆడుతూ వ‌స్తున్నాడు. కెప్టెన్‌గా ఐదు టైటిల్స్ అందించిపెట్టాడు. అయితే ఈ సీజ‌న్ మొద‌ల‌వ్వ‌డానికి ముందు ఫ్రాంచైజీ ఆయ‌న‌ని కెప్టెన్‌గా తొల‌గించ‌డం హాట్ టాపిక్ అయింది.దీనిపై పెద్ద ఎత్తున విమ‌ర్శ‌లు కూడా వ‌చ్చాయి. మ‌రోవైపు టీమ్ ప్ర‌ద‌ర్శ‌న కూడా అంత బాగోలేదు. దీంతో ఆయ‌న‌ని ముంబై ఇండియన్స్ బుజ్జగిస్తున్న‌ట్టు తెలుస్తుంది. రీసెంట్‌గా ముంబై ఇండియన్స్ ఫ్రాంచైజీ ఓనర్ ఆకాశ్ అంబానీ, రోహిత్ శర్మ ఒకే కారులో ప్రయాణించడం చ‌ర్చ‌నీయాంశంగా మారింది. కారులో ఆకాశ్ అంబానీ, రోహిత్ శర్మ ఎందుకు క‌లిసి వెళుతున్నారు. ఆయ‌న‌ని బుజ్జ‌గించే ప్ర‌య‌త్నం చేస్తున్నారా అని ప‌లువురు అనేక అనుమానాలు వ్య‌క్తం చేస్తున్నారు.

Rohit Sharma : బుజ్జ‌గింపులు మొద‌లు..

త‌న కెప్టెన్సీని తొల‌గించ‌డంపై రోహిత్ కాస్త అసంతృప్తిగానే బ‌య‌ట‌కు మాత్రం న‌వ్వుతూ క‌నిపిస్తున్నాడు. అభిమానులు ఆ నిర్ణ‌యాన్ని ఏ మాత్రం జీర్ణించుకోలేక‌పోతున్నారు. ప్ర‌తీ మ్యాచ్ సందర్భంగా తమ నిరసనను తెలియజేయడంతో పాటు హార్దిక్ పాండ్యాను విమ‌ర్శ‌స్తున్నారు. కొంద‌రు రోహిత్‌ని ముంబై ఇండియ‌న్స్ జ‌ట్టు వ‌దిలేసి రావాల‌ని సూచిస్తున్నారు. వ‌చ్చే ఏడాది రోహిత్ వేలంలోకి వస్తే ఆయ‌న‌ని తీసుకునేందుకు మిగతా ఫ్రాంచైజీలన్నీ సిద్దంగా ఉన్నాయి. ఇప్పటికే లక్నో సూపర్ జెయింట్స్ కోచ్ జస్టిన్ లాంగర్.. రోహిత్ శర్మను ట్రాన్స్‌ఫర్ విండో ద్వారా తీసుకోవాల‌ని బావిస్తున్నామ‌ని ప్ర‌క‌టించాడు. ఇక ఢిల్లీ క్యాపిటల్స్ డైరెక్టర్ సౌరవ్ గంగూలీ సైతం ఇదే అభిప్రాయాన్ని వ్యక్తం చేశాడు.

వచ్చే ఏడాది మెగా వేలం జరగనున్న నేపథ్యంలో ఆటగాళ్లను ట్రాన్స్‌ఫర్ చేసుకోవచ్చ‌నే టాక్ వినిపిస్తుంది. మెగా ఆక్షన్ నిబంధనల ప్రకారం ఒక జట్టు గరిష్టంగా నలుగురు ఆటగాళ్లను మాత్రమే తీసుకునే అవకాశం ఉంది. అయితే రోహిత్ శర్మను మరో జట్టులోకి పంపేందుకు ముంబై ఇండియన్స్ సుముఖంగా లేనట్లు తెలుస్తోంది.కెప్టెన్సీ మార్పుతోనే తమ జట్టు బ్రాండ్ వాల్యూకు తీవ్ర నష్టం జరిగిందని గుర్తించిన ఆ ఫ్రాంచైజీ ఓనర్స్.. రోహిత్ శర్మను బుజ్జగించి ఎలా అయిన త‌మ టీంలోనే ఉండేలా చేస్తుంద‌ని అంటున్నారు. అవసరమైతే ముంబై ఇండియన్స్ సారథ్య బాధ్యతలను మళ్లీ తిరిగి ఇచ్చేందుకు కూడా సిద్ధంగా ఉన్నార‌ని టాక్. అంతే కాదు తమ వ్యాపారాల్లో భారీ విలువైన షేర్లు ఇచ్చేందుకు కూడా సిద్దమైందని టాక్ వినిపిస్తుంది. ఇందులో నిజం ఎంత ఉంద‌నేది చూడాలి.

ramu

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది