Sunil Gavaskar : బౌల‌ర్స్ బెంబెలెత్తిపోతున్నారు.. కొన్ని మార్పులు చేయ‌మంటూ సునీల్ గ‌వాస్క‌ర్ సూచ‌న‌..1

Sunil Gavaskar  : ఐపీఎల్‌లో బౌల‌ర్స్ క‌న్నా బ్యాట్స్‌మెన్ ఆదిప‌త్యం ఎక్కువ‌గా ఉంది. ఎంత పెద్ద బ్యాట్స్‌మెన్‌ని అయిన ద‌డ‌ద‌డలాడిస్తున్నారు. ప్ర‌తి సీజ‌న్ క‌న్నా ఈ సీజ‌న్‌లో బౌల‌ర్స్‌ని దారుణంగా ఊచ‌కోత కోశారు.ఇప్ప‌టి వ‌రకు జ‌రిగిన 35 మ్యాచుల్లో.. 200 స్కోరు ఏకంగా 15సార్లు దాటిందంటే బ్యాట‌ర్స్ విధ్వంసం ఏ ర‌కంగా ఉందో అర్ధం చేసేకోవ‌చ్చు. ఈ క్ర‌మంలో లెజండ‌రీ క్రికెట‌ర్ సునీల్ గ‌వాస్క‌ర్ బౌల‌ర్స్ కి అనుకూలంగా కొన్ని కామెంట్స్ చేశాడు. బౌలర్లపై ప్రతికూల ప్రభావం పడుతోందని, బీసీసీఐ ఇప్పటికైనా నేను చెప్పింది విని బీసీసీఐ త‌గు మార్పులు చేయాల‌ని అన్నారు.. బౌండరీ రోప్స్​ని కాస్త వెనక్కి జరపాలని సూచించాడు.

Sunil Gavaskar  : ప‌లు సూచ‌న‌లు చేసిన గ‌వాస్క‌ర్

“బౌండరీ రోప్స్​ని కాస్త వెనక్కి జరపాల్సిన అవ‌సరం ఎంతైన ఉంది. చిన్న మైదానాల్లో ఇలా కచ్చితంగా చేస్తే బాగుంటుంది. అడ్వర్టైజింగ్​ బోర్డులు.. రోప్స్​కి మధ్యలో చాలా గ్యాప్​ ఉంటోంది కాబ‌ట్టి వాటిని కాస్త పెంచితే బాగుంటుంది. “క్రికెట్​ బ్యాట్​లో మార్పులు చేయాలని నేను చెప్పను. అన్నీ.. రెగ్యులేషన్స్​ పరిధిలోనే ఉన్నాయి. కానీ.. బౌండరీ సైజులను కాస్త వెనక్కి జరపాలి. ఈ విష‌యాన్ని నేను ప‌దే ప‌దే చెబుతూ వ‌స్తున్నాను. అయితే ఢిల్లీ మ్యాచ్ ఆడిన గ్రౌండ్ చూస్తే.. కొన్ని మీట‌ర్ల వ‌ర‌కు వెన‌క్కి జ‌రిపే అవ‌కాశం ఉంది. ఆ స్పేస్ చాలా కీల‌కంగా మారుతుంది. ఎల్​ఈడీ యాడ్ బోర్డ్​ని ఇంకాస్త వెనక్కి జరపొచ్చు. బౌండరీ రోప్​ని కూడా 2-3 మీటర్లు వెనక్కి జరిపితే చాలా చేంజ్ అవుతంది.

Sunil Gavaskar : బౌల‌ర్స్ బెంబెలెత్తిపోతున్నారు.. కొన్ని మార్పులు చేయ‌మంటూ సునీల్ గ‌వాస్క‌ర్ సూచ‌న‌..1

పవర్​ హిట్టింగ్​ బ్యాటింగ్ వ‌ల‌న మంచి మ‌జా రావ‌చ్చు. కాని బ్యాటర్లు ఇలాగే కొట్టుకుంటూ వెళిపోతే క్రికెట్​ బోర్​ కొట్టేస్తుంది.. క‌చ్చితంగా బౌల‌ర్స్, బ్యాట‌ర్స్ మ‌ధ్య పోటీ అనేది ఉండాలి. కోచ్‌లు కూడా ఇష్టం వ‌చ్చిన‌ట్టు కొట్టు అన్న‌ట్టుగా ఉంది. బ్యాట్​ని ఇష్టమొచ్చినట్టు తిప్పేస్తు ఆడేస్తున్నారు. ఔట్​, నాటౌట్​ని పట్టించుకోకుండా ఆడేస్తున్నారు. కొన్ని రోజుల వ‌ర‌కు ఇది బాగానే ఉంటుంది. కాని త‌ర్వాత బోర్ వ‌చ్చేస్త‌ది అంటూ ఆస‌క్తిక‌ర కామెంట్స్ చేశాడు సునీల్ గ‌వాస్క‌ర్. మ‌రి దీనిని బీసీసీఐ స్వీక‌రిస్తుందా అనేది చూడాలి.