WhatsApp : యూజర్లకు షాక్ .. ఇక పై వాట్సప్ వాడాలంటే డబ్బులు కట్టాల్సిందే..!
Authored By Sudheer Ramanujam
| The Telugu News |
Published on: April 21, 2026, 12:00 pm
WhatsApp : యూజర్లకు షాక్ .. ఇక పై వాట్సప్ వాడాలంటే డబ్బులు కట్టాల్సిందే..!
WhatsApp : ప్రపంచవ్యాప్తంగా కోట్లాది మంది రోజూ వినియోగించే WhatsApp ఇప్పుడు కొత్త మార్పులకు శ్రీకారం చుట్టబోతోంది. ఇప్పటివరకు పూర్తిగా ఉచిత సేవలతో ముందుకు సాగిన ఈ ప్లాట్ఫాం ఇకపై Instagram, Twitter తరహాలో సబ్స్క్రిప్షన్ విధానాన్ని ప్రవేశపెట్టేందుకు సిద్ధమైంది. “వాట్సప్ ప్లస్” పేరుతో రాబోయే ఈ ఫీచర్ ద్వారా వినియోగదారులకు కొత్త అనుభవం అందించాలన్నదే కంపెనీ లక్ష్యం. ఈ కొత్త ప్లాన్ అసలు ఏమిటి? సాధారణ యూజర్లపై దీని ప్రభావం ఎలా ఉండబోతోంది? అనేది పరిశీలిద్దాం.
Now you have to pay money to use WhatsApp..!
WhatsApp : సబ్స్క్రిప్షన్ తప్పనిసరిగా మారుతుందా?
సబ్స్క్రిప్షన్ అనే పదం వినగానే చాలా మంది వినియోగదారుల్లో సందేహాలు మొదలవుతాయి. ఇకపై వాట్సప్ వాడాలంటే డబ్బులు కట్టాల్సిందేనా అనే ఆందోళన అవసరం లేదు. కంపెనీ తెలిపిన వివరాల ప్రకారం ప్రస్తుతం అందుబాటులో ఉన్న మెసేజింగ్, వాయిస్ కాల్స్, వీడియో కాల్స్ వంటి ప్రాథమిక సేవలు ఎప్పటిలాగే ఉచితంగానే కొనసాగుతాయి. ఈ కొత్త సబ్స్క్రిప్షన్ పూర్తిగా ఐచ్చికం మాత్రమే. అంటే అదనపు ఫీచర్లు కావాలనుకునే వారు మాత్రమే దీనిని ఎంచుకోవచ్చు.
WhatsApp : వాట్సప్ ప్లస్ ప్రత్యేక ఫీచర్లు
వాట్సప్ ప్లస్ సబ్స్క్రిప్షన్ తీసుకునే వినియోగదారులకు కొన్ని ప్రత్యేక ఫీచర్లు అందుబాటులోకి రానున్నాయి. ప్రస్తుతం కేవలం మూడు చాట్లను మాత్రమే పిన్ చేసుకునే అవకాశం ఉండగా కొత్త ప్లాన్తో 20 చాట్ల వరకు పిన్ చేసుకోవచ్చు. అంతేకాకుండా యాప్ రూపాన్ని మార్చుకునే 18 కొత్త కలర్ థీమ్స్ కూడా అందుబాటులో ఉంటాయి. ఇక వినియోగదారులు తమ హోమ్ స్క్రీన్లో కనిపించే వాట్సప్ ఐకాన్ను కూడా వ్యక్తిగతంగా మార్చుకునే అవకాశం పొందుతారు. మెసేజ్ పంపేటప్పుడు ఆకర్షణీయమైన యానిమేటెడ్ స్టిక్కర్ ప్యాక్లు వినియోగించవచ్చు. ప్రతి కాంటాక్ట్కు ప్రత్యేక రింగ్టోన్ సెట్ చేసుకోవడం కూడా ఈ ప్లాన్లో భాగం. అలాగే ఒకేసారి అనేక చాట్లకు సెట్టింగ్స్ను వర్తింపజేసే సౌలభ్యం కూడా అందించనుంది.
WhatsApp : ధరలు, అందుబాటు వివరాలు
ప్రస్తుతం ఈ ఫీచర్ టెస్టింగ్ దశలోనే ఉంది. వివిధ దేశాల్లో వేర్వేరు ధరలను పరీక్షిస్తున్నారు. యూరప్లో నెలకు సుమారు 2.49 యూరోలు కాగా మెక్సికోలో ఇది సుమారు 29 డాలర్ల వరకు ఉండొచ్చని సమాచారం. భారత కరెన్సీలో ఇది దాదాపు రూ. 2000 నుంచి రూ. 2600 మధ్య ఉండే అవకాశం ఉందని అంచనా. అయితే భారత మార్కెట్ను బట్టి ధరలో మార్పులు ఉండొచ్చు. ఈ సబ్స్క్రిప్షన్ నెలవారీ బిల్లింగ్ విధానంలో ఉండనుంది. వినియోగదారులు ఎప్పుడైనా దీనిని రద్దు చేసుకునే అవకాశం ఉంటుంది. ప్రారంభంలో ఇది కేవలం ఆండ్రాయిడ్ యూజర్లకు మాత్రమే అందుబాటులోకి వచ్చే అవకాశం ఉండగా తరువాత iPhone వినియోగదారులకు కూడా విస్తరించవచ్చు. ఇక వాట్సప్ తన సేవలను మరింత విస్తరించి, ప్రీమియం అనుభవాన్ని అందించేందుకు కొత్త మార్గాలను అన్వేషిస్తోంది. ఉచిత సేవలను కొనసాగిస్తూ అదనపు సౌకర్యాలను అందించే ఈ విధానం వినియోగదారులను ఎంతవరకు ఆకట్టుకుంటుందో చూడాలి
Also read
