Telangana Budget 2026-27 : 2026-27 ఆర్థిక సంవత్సరానికి సంబంధించిన రాష్ట్ర వార్షిక బడ్జెట్‌ను డిప్యూటీ సీఎం మరియు ఆర్థిక మంత్రి మల్లు భట్టి విక్రమార్క శాసనసభలో ప్రవేశపెట్టారు. మొత్తం రూ. 3,24,234 కోట్లతో రూపొందించిన ఈ బడ్జెట్ రాష్ట్ర అభివృద్ధి, ప్రజా సంక్షేమాన్ని దృష్టిలో ఉంచుకుని రూపొందించబడిందని ఆయన తెలిపారు. బడ్జెట్ ప్రసంగంలో భాగంగా, తాము అధికారంలో ఉన్న పాలకులు కాదని, ప్రజలకు సేవ చేయడమే తమ ముఖ్య ధ్యేయమని స్పష్టం చేశారు. ప్రతి రూపాయి ప్రజల ప్రయోజనాలకు వినియోగించేలా కట్టుదిట్టమైన ప్రణాళికలు రూపొందించినట్టు చెప్పారు.

Telangana Budget 2026-27 : ఆర్థిక వృద్ధి లక్ష్యాలు, ప్రభుత్వ దిశ

భట్టి విక్రమార్క మాట్లాడుతూ.. దేశంలో తెలంగాణను అగ్రస్థానంలో నిలబెట్టడమే ప్రభుత్వ లక్ష్యమని పేర్కొన్నారు. జాతీయ సగటు వృద్ధి రేటుతో పోలిస్తే రాష్ట్ర వృద్ధి రేటు 2.7 శాతం అధికంగా ఉందని వెల్లడించారు. ఇది ప్రభుత్వ సమర్థవంతమైన ఆర్థిక విధానాల ఫలితమని అన్నారు. రాష్ట్ర తలసరి ఆదాయం కూడా గతంతో పోలిస్తే 1.9 రెట్లు పెరిగిందని ఆయన వివరించారు. దీర్ఘకాలిక ప్రణాళికలలో భాగంగా, 2034 నాటికి తెలంగాణను 1 ట్రిలియన్ డాలర్ల ఆర్థిక వ్యవస్థగా తీర్చిదిద్దాలని లక్ష్యంగా పెట్టుకున్నట్టు చెప్పారు.

Telangana Budget 2026-27 : భవిష్యత్ ప్రణాళికలు, సంక్షేమం పై దృష్టి

2047 నాటికి రాష్ట్ర ఆర్థిక వ్యవస్థను 3 ట్రిలియన్ డాలర్ల స్థాయికి తీసుకెళ్లాలని ప్రభుత్వం సంకల్పించిందని భట్టి పేర్కొన్నారు. ఇందుకోసం పరిశ్రమలు, ఐటీ, వ్యవసాయం, సేవా రంగాల్లో విస్తృత పెట్టుబడులు తీసుకురానున్నట్టు తెలిపారు. గత ప్రభుత్వ కాలంలో ఏర్పడిన ఆర్థిక సమస్యలను సవరించి, రాష్ట్రాన్ని పునరుద్ధరించేందుకు కృషి చేస్తున్నామని చెప్పారు. ప్రజా సంక్షేమానికి ప్రాధాన్యం ఇస్తూ విద్య, వైద్యం, మౌలిక సదుపాయాల అభివృద్ధిపై ప్రత్యేక దృష్టి పెట్టినట్టు వెల్లడించారు. పేదల జీవన ప్రమాణాలను మెరుగుపరచడం, ఉద్యోగావకాశాలను పెంపొందించడం, గ్రామీణాభివృద్ధి వంటి అంశాలు ఈ బడ్జెట్‌లో ముఖ్యంగా ప్రతిఫలించాయని చెప్పారు. ఈ బడ్జెట్ తెలంగాణను అభివృద్ధి పథంలో వేగంగా ముందుకు తీసుకెళ్లే దిశగా రూపొందించబడినదిగా ప్రభుత్వం అభిప్రాయపడుతోంది.

వివిధ శాఖలకు, స్కీమ్ లకు కేటాయింపుల వివరాలు:

. మొత్తం బడ్జెట్‌.. రూ.3,24,234 కోట్లు
. రెవెన్యూ వ్యయం.. రూ.2,34,406 కోట్లు
. మూలధన వ్యయం.. రూ.47,267 కోట్లు
. 1.15 కోట్ల కుటుంబాలకు రూ.5 లక్షలతో జీవిత బీమా.. ఇందిరమ్మ కుటుంబ జీవిత బీమా పథకానికి రూ.4 వేల కోట్లు
. జూన్‌ 2 నుంచి ఇందిరమ్మ కుటుంబ జీవిత బీమా పథకం అమలు
. ఇంటర్‌ విద్యార్థులకు మధ్యాహ్న భోజన పథకం ప్రకటన
. ప్రభుత్వ ఉద్యోగులు, పెన్షనర్లకు నగదు రహిత ఆరోగ్య భద్రత పథకం. ప్రతి ఉద్యోగికి డిజిటల్‌ హెల్త్‌ కార్డు
. ఐటీఐ, ఏటీసీల్లో చదివే విద్యార్థులకు నెలకు రూ.2 వేల ఉపకారవేతనం
. రూ.73,383 కోట్ల కొత్త రుణాలకు ప్రతిపాదన
. వ్యవసాయ శాఖకు రూ.23,179 కోట్లు
. విద్యుత్‌ శాఖకు రూ.21,285 కోట్లు
. పౌరసరఫరాల శాఖకు రూ.7,366 కోట్లు
. పశుసంవర్ధక శాఖకు రూ.1,529 కోట్లు
. విద్యా శాఖకు రూ.26,674 కోట్లు
. వైద్య శాఖకు రూ.13,679 కోట్లు
. కార్మిక శాఖకు రూ.998 కోట్లు
. మహిళ, శిశు సంక్షేమ శాఖకు రూ.3,143 కోట్లు
. పర్యాటక రంగానికి రూ.1,224 కోట్లు
. ఎస్సీ సంక్షేమం.. రూ.11,784 కోట్లు
. ఎస్టీ సంక్షేమం.. రూ.7,934 కోట్లు
. బీసీ సంక్షేమం.. రూ.12,511 కోట్లు
. మైనార్టీ సంక్షేమం.. రూ.3,769 కోట్లు
. కల్యాణ లక్ష్మీ పథకం.. రూ.3,683 కోట్లు
. ఉపకార వేతనాలకు రూ.4,343 కోట్లు
. యంగ్‌ ఇండియా స్కూళ్లకు రూ.5 వేల కోట్లు
. మూసీ రివర్‌ఫ్రంట్‌ డెవలప్‌మెంట్‌.. రూ.1500 కోట్లు
. ఉస్మానియా యూనివర్సిటీకి రూ.వెయ్యి కోట్లు
. మెట్రో రైలు ఫేజ్‌-2.. రూ.600 కోట్లు
. మహాలక్ష్మీ గ్యాస్‌ సబ్సిడీ పథకం.. రూ.723 కోట్లు
. రాజీవ్‌ ఆరోగ్యశ్రీ.. రూ.1143 కోట్లు
. గృహజ్యోతి పథకానికి రూ.2,080 కోట్లు
. వ్యవసాయ ఉత్పత్తులకు బోనస్‌.. రూ.3500 కోట్లు
. మహాలక్ష్మీ పథకం.. రూ.4,305 కోట్లు
. ఇందిరమ్మ ఇళ్లు.. రూ.5,500 కోట్లు
. చేయూత పథకం.. రూ.14,861 కోట్లు
. రైతు భరోసా.. రూ.18 వేల కోట్లు
. ఆరు గ్యారంటీల అమలుకు.. రూ.50,713 కోట్లు