Revanth Reddy : మహిళలకు , వృద్దులకు గుడ్ న్యూస్ తెలుపబోతున్న రేవంత్ సర్కార్..!
Revanth Reddy : తెలంగాణలో Telangana రేవంత్ రెడ్డి నేతృత్వంలోని కాంగ్రెస్ ప్రభుత్వం Congress government మరో సంచలన నిర్ణయానికి సిద్ధమవుతోంది. ఎన్నికల సమయంలో ఇచ్చిన ‘ఆరు గ్యారంటీ’ల్లో భాగంగా పెండింగ్లో ఉన్న కీలక హామీల అమలుకు ముహూర్తం ఖరారు చేస్తోంది. ముఖ్యంగా మహిళలకు ఆర్థిక చేయూత, వృద్ధులకు పెన్షన్ల పెంపు వంటి అంశాలపై రాష్ట్రవ్యాప్తంగా భారీ అంచనాలు నెలకొన్నాయి. దీనికి సంబంధించిన సమగ్ర కథనం ఇక్కడ ఉంది
Revanth Reddy : మహిళలకు , వృద్దులకు గుడ్ న్యూస్ తెలుపబోతున్న రేవంత్ సర్కార్..!
Revanth Reddy : బడ్జెట్లో ‘మహాలక్ష్మి’, ‘చేయూత’కు పెద్దపీట
తెలంగాణ అసెంబ్లీ బడ్జెట్ సమావేశాలు ఈ నెల 26 నుంచి ప్రారంభం కానున్నాయి. ఫిబ్రవరి 28న ఉప ముఖ్యమంత్రి, ఆర్థిక మంత్రి మల్లు భట్టి విక్రమార్క 2026-27 వార్షిక బడ్జెట్ను ప్రవేశపెట్టనున్నారు. ఈ బడ్జెట్లో నిరుపేద మహిళలకు నెలకు రూ. 2,500 అందించే మహాలక్ష్మి పథకం, అలాగే సామాజిక పెన్షన్లను రూ. 4,000కు పెంచే చేయూత పథకంపై అధికారిక ప్రకటన వెలువడే అవకాశం ఉంది. గత రెండేళ్లుగా ఆర్థిక వనరుల సర్దుబాటులో నిమగ్నమైన ప్రభుత్వం, వచ్చే ఆర్థిక సంవత్సరం నుంచి ఈ పథకాలను పూర్తిస్థాయిలో పట్టాలెక్కించాలని కసరత్తు చేస్తోంది.
Revanth Reddy : ఎన్నికల ముంగిట సంక్షేమ అస్త్రం
రాష్ట్రంలో త్వరలో జరగనున్న జెడ్పీ ఎన్నికలతో పాటు గ్రేటర్ హైదరాబాద్ (GHMC) ఎన్నికలను దృష్టిలో ఉంచుకుని ప్రభుత్వం సంక్షేమ పథకాలపై వేగం పెంచింది. ఈ నెల 23న సీఎం రేవంత్ రెడ్డి అధ్యక్షతన జరగనున్న కేబినెట్ భేటీలో ఈ పథకాల అమలుపై తుది నిర్ణయం తీసుకోనున్నారు. ఇప్పటికే ఆర్థిక శాఖ మంత్రి అన్ని శాఖల అధికారులతో ప్రీ-బడ్జెట్ సమావేశాలు పూర్తి చేసి, ఆరు గ్యారంటీలకు అవసరమైన నిధుల కేటాయింపులపై స్పష్టతనిచ్చారు. రైతు భరోసా, ఇందిరమ్మ ఇళ్లు, గృహజ్యోతి వంటి పథకాలతో పాటు ఈ కొత్త పథకాలకు కూడా బడ్జెట్లో భారీగా నిధులు కేటాయించనున్నారు.
పాలనలో కొత్త మార్పులు
ఈసారి బడ్జెట్ కేవలం సంక్షేమానికే కాకుండా అభివృద్ధికి కూడా ప్రాధాన్యత ఇవ్వనుంది. ముఖ్యంగా నీటిపారుదల రంగానికి, పట్టణాభివృద్ధికి ప్రభుత్వం ప్రాధాన్యతనిస్తోంది. గవర్నర్ జిష్ణుదేవ్ వర్మ ప్రసంగంతో ప్రారంభమయ్యే ఈ సమావేశాలు 10 నుంచి 15 రోజుల పాటు సాగే అవకాశం ఉంది. మహిళల ఉచిత బస్సు ప్రయాణం వల్ల ఇప్పటికే నెలకు సగటున రూ. 4,000 వరకు ఆదా అవుతోందని ప్రభుత్వం చెబుతుండగా, ఇప్పుడు అదనంగా రూ. 2,500 నగదు బదిలీ పథకాన్ని ప్రవేశపెట్టడం ద్వారా మహిళా ఓటర్లను మరింతగా ఆకట్టుకోవాలని కాంగ్రెస్ భావిస్తోంది.