
Karthika Deepam 2 Today Episode 25 Feb 2026 : దీప అనాథ కాదు.. జ్యోత్స్నకు షాకిచ్చిన దశరథ, కన్నకూతురి కష్టాలకు తల్లడిల్లిన తండ్రి
Karthika Deepam 2 Today Episode 25 Feb 2026 స్టార్ మాలో ప్రసారం అవుతున్న సూపర్ హిట్ సీరియల్ ‘కార్తీక దీపం 2’ Karthika Deepam 2 రోజురోజుకూ ఊహించని మలుపులతో ప్రేక్షకులను విశేషంగా ఆకట్టుకుంటోంది. దీపయే తన కన్నకూతురు అని దశరథకు తెలిసిపోవడంతో కథ రసవత్తరంగా మారింది. నేటి ఫిబ్రవరి 25 ఎపిసోడ్లో జ్యోత్స్న వేసిన ఉచ్చు, దశరథ ఎమోషనల్ అవ్వడం, కార్తీక్ తెలివిగా పరిస్థితిని చక్కదిద్దడం హైలైట్గా నిలిచాయి. ఆ పూర్తి వివరాలు ఇప్పుడు చూద్దాం.
Karthika Deepam 2 Today Episode 25 Feb 2026 : దీప అనాథ కాదు.. జ్యోత్స్నకు షాకిచ్చిన దశరథ, కన్నకూతురి కష్టాలకు తల్లడిల్లిన తండ్రి
ఎపిసోడ్ ప్రారంభంలోనే జ్యోత్స్న.. దశరథ, కార్తీక్లను సూటిగా ప్రశ్నిస్తుంది. “డాడీ.. నీ కూతురు, కాంచన అత్తకు కోడలు ఎలా అయింది? బావ నా మెడలో తాళి కట్టలేదు కదా? అలాంటప్పుడు నువ్వు అత్తకిచ్చిన మాట ఎలా నెరవేరింది?” అని దశరథను నిలదీస్తుంది జ్యోత్స్న. ఈ ఇంటికి వారసురాలిని నేను అయితే.. అమ్మానాన్న లేని ఓ అనాథను తీసుకొచ్చి ఇంట్లో పెట్టుకున్నారని జ్యోత్స్న దీపను కించపరుస్తూ మాట్లాడుతుంది.
కూతురిని అనాథ అనడంతో దశరథ కోపంతో రగిలిపోతాడు. “దీప అనాథ కాదు.. దీపకు అమ్మానాన్న ఉన్నారు. వాళ్ళు బతికే ఉన్నారు” అని జ్యోత్స్న ముఖం మీదే అసలు నిజం చెప్పేస్తాడు. ఆ మాటలకు జ్యోత్స్నతో పాటు అక్కడున్న వారంతా ఒక్కసారిగా షాక్ అవుతారు. అయితే దీప అమ్మానాన్న ఎక్కడున్నారు? వాళ్లెవరు? అని జ్యోత్స్న మరింత గట్టిగా అడుగుతుంది.
నిజం ఎక్కడ బయటపడిపోతుందో అని కంగారుపడిన కార్తీక్ వెంటనే జోక్యం చేసుకుంటాడు. “కొన్ని నిజాలు నువ్వు తట్టుకోలేవు జ్యోత్స్న” అంటూ అసలు లాజిక్ లాగుతాడు. “మా పెళ్లి మీ ఇంట్లోనే జరిగింది. నాకు కాళ్లు కడిగి కన్యాదానం చేసింది మీ నాన్నే. అప్పుడు మీ నాన్న నాకు మామగారు అవుతారు, దీపకు తండ్రి అవుతారు. ఆ లెక్కన మావయ్య కూతురినే మా అమ్మకు కోడలిగా పంపినట్లే కదా.. కాబట్టి మాట నెరవేరినట్లే” అని కార్తీక్ అదిరిపోయే కౌంటర్ ఇస్తాడు. దాంతో జ్యోత్స్న సైలెంట్ అవుతుంది.
మరోవైపు కాశీ, స్వప్నల ట్రాక్ నడుస్తుంది. తాను ఆగిపోయిన డిగ్రీ పూర్తి చేస్తానని, బిజినెస్ పెట్టి పదిమందికి ఉపాధి కల్పిస్తానని స్వప్న అంటుంది. దీనికి శ్రీధర్ కలుగజేసుకుని.. “బిజినెస్ చేయాలంటే ఎంతో ఓపిక కావాలి. ఆ ఓపికలో కొంచెం ఉన్నా కాశీతో సంసారాన్ని చక్కదిద్దుకోవచ్చు కదా” అని హితవు పలుకుతాడు. కాశీతో సంసారం కంటే సన్యాసం బెటర్ అని స్వప్న తేల్చి చెప్పేస్తుంది. కానీ శ్రీధర్ మాత్రం ఈ రోజు నుంచి కాశీ ఇక్కడే పడుకుంటాడని, రేపు ఉదయం గుడికి కూడా అతనే తీసుకెళ్తాడని ఖచ్చితంగా చెప్పేస్తాడు.
దీపను పెంచిన తల్లిదండ్రుల గురించి చర్చ రాగా.. అనసూయ గతం వివరిస్తుంది. “నా తమ్ముడు కుబేరకు పిల్లలు లేరు. ఒకరోజు బస్టాండ్లో వెళ్తుండగా ఈ బిడ్డ దొరికింది. అప్పటి నుంచి దీపను అల్లారుముద్దుగా పెంచుకున్నాడు. దీప కోసం మరో పెళ్లి కూడా చేసుకోకుండా తన జీవితాన్ని త్యాగం చేశాడు” అని అనసూయ చెబుతుంది.
ఆ మాటలు విన్న దశరథ గుండె తరుక్కుపోతుంది. తన కన్నబిడ్డను అక్కున చేర్చుకుని పెంచిన కుబేర ఫోటో దగ్గరకు వెళ్లి ఎమోషనల్ అవుతాడు. “నీ తమ్ముడు దేవుడమ్మా. కుబేర ఆ రోజు దీపను బస్టాండ్లో వదిలేసి వెళ్లిపోయి ఉంటే దీప మనకు దక్కేది కాదు కదా.. నీ తమ్ముడు బతికుంటే అతడి కాళ్లు కడిగి ఆ నీళ్లు నెత్తి మీద చల్లుకునేవాడిని” అని దశరథ వెక్కి వెక్కి ఏడుస్తాడు. దశరథలో వస్తున్న ఈ మార్పులు, కుబేర పట్ల చూపిస్తున్న ఎమోషన్ చూసి శివన్నారాయణ, జ్యోత్స్నలకు అనుమానం మరింత బలపడుతుంది.
దీపయే తన కూతురు అని దశరథ అందరికీ చెప్పబోతుండగా కార్తీక్ అతన్ని ఆపి బయటకు తీసుకువెళ్తాడు. అప్పుడు దశరథ తనలోని బాధను కార్తీక్ ముందు వెళ్లగక్కుతాడు. “గొప్పింట్లో మహారాణిలా బతకాల్సిన నా కూతురు పేదరికంలో మగ్గిపోయింది. దీనికి కారణం నేనే. ఆరోజు పుట్టిన బిడ్డ ఏది అని గట్టిగా అడిగి ఉంటే నా బిడ్డ నాకు దక్కేది. నా గుడ్డితనం వల్లే నా కూతురికి అన్యాయం జరిగింది. కుబేర ఉన్నంత వరకు దీపను బాగానే చూసుకున్నాడు. కానీ అతను చనిపోయాక దీప జీవితం రోడ్డున పడింది. కట్టుకున్న భర్త మోసం చేశాడు, అత్త నరకం చూపించింది. ఇదంతా తలుచుకుంటే తట్టుకోలేకపోతున్నానురా” అని దశరథ కుప్పకూలిపోతాడు.
దీప ఎవరో అందరికీ తెలియాలని దశరథ అనగా.. “జ్యోత్స్న కావాలనే నీ నుంచి నిజం రాబట్టాలని ఈ నాటకం ఆడుతోంది. చాలా తెలివిగా నిన్ను ట్రాప్ చేసింది. ఇప్పుడు మనం ముందుగా అత్తయ్య (సుమిత్ర) ప్రాణాలు కాపాడుకోవాలి. ఆ తర్వాతే అన్నీ చెబుదాం” అని కార్తీక్ సర్దిచెప్పడంతో నేటి ఎపిసోడ్ ముగుస్తుంది.
దీప నిజస్వరూపం, ఆమె తల్లిదండ్రులెవరో తెలుసుకోవాలన్న జ్యోత్స్న ప్లాన్ వర్కౌట్ అవుతుందా? దశరథ ఈ నిజాన్ని ఇంకెన్ని రోజులు దాచగలడు? తెలియాలంటే తర్వాతి ఎపిసోడ్ వరకు వేచి చూడాల్సిందే!
Brinjal : తెలుగు రాష్ట్రాల్లో ప్రస్తుతం రోహిణి కార్తె ప్రారంభమవడంతో ఎండల తీవ్రత మరింత పెరిగింది. తెలుగు పంచాంగం ప్రకారం…
KTR : తెలంగాణ రాజకీయాల్లో మరోసారి వేడి రాజుకుంది. గ్రేటర్ హైదరాబాద్ మున్సిపల్ కార్పొరేషన్ (GHMC) ఎన్నికల వాతావరణం దగ్గరపడుతున్న…
High Temperatures : దేశవ్యాప్తంగా ఎండల తీవ్రత రోజురోజుకూ పెరుగుతోంది. పలుచోట్ల ఉష్ణోగ్రతలు 45 డిగ్రీలకు పైగా నమోదవుతుండటంతో ప్రజలు…
Gas and Acidity : ప్రస్తుతం చాలా మంది ఉదయం లేవగానే కడుపులో మంట, గ్యాస్, అజీర్ణం, ఉబ్బరం వంటి…
Indian Rupee : భారత రూపాయి విలువ డాలర్తో పోలిస్తే చరిత్రలోనే కనిష్ట స్థాయికి చేరుకోవడం దేశ ఆర్థిక రంగంలో…
Ration Card : ఆంధ్రప్రదేశ్ ప్రభుత్వం ప్రజా పంపిణీ వ్యవస్థలో (PDS) కీలక మార్పులకు శ్రీకారం చుడుతోంది. రేషన్ సరుకుల…
SRH vs RCB : ఐపీఎల్ 2026 సీజన్లో అత్యంత ఆసక్తికర మ్యాచ్లలో ఒకటైన Sunrisers Hyderabad (SRH) vs…
Tilak : భారతీయ సంస్కృతిలో నుదిటిపై బొట్టు లేదా తిలకం పెట్టుకోవడం అనేది వేల ఏళ్లుగా కొనసాగుతున్న సంప్రదాయం. ముఖ్యంగా…
Gods : హిందూ సంప్రదాయాల్లో దేవతల ఆరాధనకు ప్రత్యేకమైన నియమాలు, ఆచారాలు ఉన్నాయని పురాణాలు మరియు శాస్త్రాలు చెబుతున్నాయి. ఉదయం…
Lemon Ginger Tea : ప్రస్తుతం ఆరోగ్యంపై శ్రద్ధ పెరుగుతున్న నేపథ్యంలో చాలామంది సహజ పానీయాలవైపు మొగ్గు చూపుతున్నారు. అలాంటి…
EMI : దేశంలో ఈఎంఐలపై స్మార్ట్ఫోన్లు కొనుగోలు చేసే వారి సంఖ్య రోజురోజుకూ పెరుగుతోంది. ముఖ్యంగా ఖరీదైన మొబైల్ ఫోన్లను…
Peddi Movie : మెగా పవర్ స్టార్ Ram Charan నటిస్తున్న భారీ చిత్రం Peddi పై రోజురోజుకూ అంచనాలు…
This website uses cookies.