Ambati Rambabu : ఆంధ్రప్రదేశ్ Andhra pradesh రాజకీయాల్లో మరోసారి ‘రెడ్ బుక్’ Red Book  అంశం అధికార, ప్రతిపక్షాల మధ్య చిచ్చు రేపుతోంది. గత ప్రభుత్వ హయాంలో అక్రమాలకు పాల్పడిన వారి పేర్లను ఈ రెడ్ బుక్ లో నమోదు చేశామని, చట్టప్రకారం వారందరికీ శిక్ష తప్పదని మంత్రి నారా లోకేశ్ పదేపదే హెచ్చరిస్తున్నారు. లోకేశ్ వ్యాఖ్యలతో వైసీపీ నేతలు వణికిపోతున్నారని, అందుకే సాకులు వెతుక్కుంటూ అజ్ఞాతంలోకి వెళ్తున్నారని ఆయన విమర్శించారు. అయితే, ఈ రెడ్ బుక్ కేవలం రాజ్యాంగబద్ధంగా, చట్టాన్ని అతిక్రమించిన వారిని బోనులో నిలబెట్టడానికేనని లోకేశ్ స్పష్టం చేస్తుండటంతో ఏపీ రాజకీయాలు ఒక్కసారిగా వేడెక్కాయి.

Ambati Rambabu : రెడ్ బుక్ చూసి భయపడటానికి మేమేమీ పిరికివాళ్లం కాదు

లోకేశ్ విమర్శలపై వైసీపీ మాజీ మంత్రి, ఫైర్ బ్రాండ్ నేత అంబటి రాంబాబు తనదైన శైలిలో ఘాటుగా స్పందించారు. “రెడ్ బుక్ చూసి భయపడటానికి మేమేమీ పిరికివాళ్లం కాదు.. ఆ బుక్ చూసి నా ఇంట్లో కుక్కలు కూడా భయపడవు” అంటూ ఆయన చేసిన వ్యాఖ్యలు ఇప్పుడు సంచలనంగా మారాయి. తాము వైఎస్ రాజశేఖర రెడ్డి అడుగుజాడల్లో నడిచిన వాళ్లమని, జగన్ కష్టాల్లో ఉన్నప్పుడు వెన్నంటే ఉన్న ధైర్యవంతులమని అంబటి ధీమా వ్యక్తం చేశారు. రెడ్ బుక్ లో తన పేరు ఉందో లేదో ఆ పుస్తకం రాసిన ‘పెద్దమనిషి’ లోకేశ్ కే తెలియాలని ఎద్దేవా చేస్తూ, ఇలాంటి బెదిరింపులకు తాము లొంగే ప్రసక్తే లేదని తేల్చి చెప్పారు.

Ambati Rambabu లోకేశ్ రాజకీయ అనుభవంపై అంబటి విమర్శలు

ఈ వివాదంలో లోకేశ్ రాజకీయ అనుభవంపై కూడా అంబటి తీవ్ర విమర్శలు గుప్పించారు. లోకేశ్ రాజకీయాల్లోకి అర్ధాంతరంగా వచ్చారని, కేవలం ముఖ్యమంత్రి కొడుకు అనే హోదాతోనే పెత్తనం చేస్తున్నారని ఆరోపించారు. లోకేశ్ కు కనీస రాజకీయ పరిజ్ఞానం లేదని, రాబోయే రోజుల్లో తెలుగుదేశం పార్టీ పతనానికి ఆయనే కారకుడవుతారని జోస్యం చెప్పారు. ఒకవైపు లోకేశ్ ‘చట్టం తన పని తాను చేసుకుపోతుంది’ అని చెబుతుంటే, మరోవైపు అంబటి దీన్ని రాజకీయ కక్షసాధింపుగా అభివర్ణిస్తున్నారు. ఈ నేపథ్యంలో, అంబటి చేసిన ఈ ఘాటు వ్యాఖ్యలకు లోకేశ్ ఏ విధంగా కౌంటర్ ఇస్తారో అన్నది ఇప్పుడు రాజకీయ వర్గాల్లో ఆసక్తికర చర్చకు దారితీస్తోంది.