AP 10th Class Results : ఏపీ టెన్త్ ఫ‌లితాలు విడుద‌ల‌.. టాప్ ఉత్తీర్ణత సాధించింది ఆ జిల్లానే

AP 10th Class Results : ఆంధ్రప్రదేశ్‌లో పదో తరగతి పరీక్షల ఫలితాలు విడుదలయ్యాయి. రాష్ట్ర విద్యాశాఖ మంత్రి నారా లోకేశ్ ఈ ఫలితాలను ఆన్‌లైన్ ద్వారా ప్రకటించారు. ఈ సంవత్సరం జరిగిన పరీక్షలకు మొత్తం 6,14,459 మంది విద్యార్థులు హాజరయ్యారు. అందులో 4,98,585 మంది విద్యార్థులు ఉత్తీర్ణత సాధించగా, రాష్ట్ర స్థాయిలో మొత్తం ఉత్తీర్ణత శాతం 81.14గా నమోదైంది. బాలురు 78.31 శాతం ఉత్తీర్ణత సాధించగా, బాలికలు మరింత మెరుగైన ప్రదర్శనతో 84.09 శాతం ఉత్తీర్ణత సాధించారు.

AP 10th Class Results : ఏపీ టెన్త్ ఫ‌లితాలు విడుద‌ల‌..టాప్ ఉత్తీర్ణత సాధించింది ఆ జిల్లానే

రాష్ట్రంలోని పాఠశాలల ఉత్తీర్ణత పరిశీలిస్తే.. 1,680 పాఠశాలలు వందశాతం ఉత్తీర్ణత నమోదు చేశాయి. అయితే మరోవైపు 19 పాఠశాలల్లో ఒక్క విద్యార్థి కూడా ఉత్తీర్ణత సాధించలేదు. జిల్లాల వారీగా చూస్తే, ఉత్తీర్ణత శాతంలో పార్వతీపురం మన్యం జిల్లా అగ్రస్థానంలో నిలిచింది. ఈ జిల్లాలో 93.90 శాతం విద్యార్థులు ఉత్తీర్ణత సాధించారు. ఇది రాష్ట్రంలో అత్యధికం కావడం గమనార్హం. విద్యార్థులు తమ ఫలితాలను వాట్సాప్‌ ద్వారా కూడా సులభంగా తెలుసుకోగలరు.

ఇందుకోసం తమ మొబైల్‌ఫోన్‌లో 9552300009 నంబర్‌కు “Hi” అని మెసేజ్ చేయాలి. అనంతరం వచ్చిన ఆప్షన్లలో “విద్యా సేవలు” ఎంపిక చేసి, “SSC పబ్లిక్ ఎగ్జామినేషన్ రిజల్ట్స్”ను సెలక్ట్ చేయాలి. ఆ తర్వాత రోల్ నంబర్ నమోదు చేయగానే ఫలితాలు తెరపై కనిపిస్తాయి. వీటిని పీడీఎఫ్ రూపంలో డౌన్‌లోడ్ చేసుకోవచ్చు.